Echequié 28:5 - Tupanaarü Ore

⁵ Rü ngẽma nüxü̃ nax cucuáxü̃ nax ñuxãcü cutaxexü̃ rü ngẽmagagu nimu i curü ngẽmaxü̃gü. Rü ñu̱xma rü ngẽma curü ngẽmaxü̃gümaxã cugü quicua̱xüxü̃.

Echequié 28:5 Referans Kwoze

Wiyaegü 62:10

¡Rü taxṹ i máetagu perüxĩnüexü̃ rüe̱xna ngĩ̱xgu perüxĩnüexü̃ nax ngẽmaãcü pegü pediẽruã́xü̃ca̱x! Rü ngẽxguma chi pemuarü diẽruã̱xgu rü ¡taxṹ i ngẽma perü diẽrugu perüxĩnüexü̃ nax ngẽmamaxã petaãẽgüxü̃ca̱x!

Wiyaegü 52:7

—¡Dücax, nüxü̃ peda̱u̱x i ngẽma duü̃xü̃ i tama Tupanaga ĩnüchaü̃xü̃ rü ngẽma norü ngẽmaxü̃gügu yaxõxü̃ rü chixexü̃guama maxü̃xü̃! —ñanagürügü tá.

Ochéa 13:6

Rü pexna chanaxã ga õna rü meama pechibüe, natürü pema rü pegü picua̱xüü̃gü rü choxü̃ perüngümae.

Echequié 28:2

—Cumax, Pa Yatüx, ¡Yima Tíruarü ãẽ̱xgacümaxã nüxü̃ ixu i ñaa ore! Cori ya Tupana rü ñanagürü cuxü̃: “Cumax, Pa Tírucüã̱xgüarü Ãẽ̱xgacüx, cugü quicua̱xüxü̃ rü cugügu curüxĩnügu rü wüxi i tupana quixĩ rü Tupanaarü toruü̃wa curüto. Rü cuxca̱x rü taxucürüwa curü uanügü cuxü̃ narüporamae erü márcutüwa cungexma. Natürü i cumax rü tama wüxi i tupana quixĩ. Rü wüxi i duü̃xü̃mare quixĩ woo nagu curüxĩnügu nax wüxi i tupanaarü cua̱x cuxü̃́ ngẽxmaxü̃.

Ucu̱xẽgüchiga 11:28

Yíxema tümaarü ngẽmaxü̃güna rüyoexe, rü ñoma wüxi i naixatü i paxü̃ i ñaxtüanegu rünguxü̃rüxü̃ tixĩ, natürü yíxema mexü̃ i nacümagu maxü̃́xẽ, rü ñoma wüxi i naixchacüxü i wena ããtüxü̃rüxü̃ tixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:17

Rü yíxema muarü diẽruã́xẽ i ñoma i naanewa, ¡rü tümamaxã nüxü̃ ixu nax tama ngẽmamaxã tügü ticua̱xüü̃güxü̃ca̱x rü tama nagu tarüxĩnüexü̃ca̱x nax ngẽma tümaarü diẽruwa nüxü̃ itayangaugüxü̃ i tümaarü maxü̃! Erü ngẽma diẽru rü paxa tá nagu̱x. Natürü narümemae nixĩ i Tupanaga taxĩnü, erü yimá nixĩ i tüxna naxãcü i maxü̃ rü guxü̃ma i ngẽmaxü̃gü i inaxwa̱xexü̃ nax itaãẽgüxü̃ca̱x.

Romanos 12:16

¡Rü pegü pengechaxü̃gü i wüxichigü! Rü tama name i pegü picua̱xüü̃gü. ¡Rü namaxã pegü pewüxiguxẽxẽ i ngẽma tama nügü icua̱xüü̃güxü̃! ¡Rü tama pegügu perüxĩnüe nax nüxü̃ icua̱xüchigüxü̃ pixĩgüxü̃!

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Ichaía 5:21

¡Rü pegümaxã pengechaü̃gü erü pegügu perüxĩnüe nax duü̃xü̃gü i nüxü̃ cua̱xüchixü̃ pixĩgüxü̃ rü pegüca̱x rü duü̃xü̃gü i peãẽxü̃ icuáxe nax pixĩgüxü̃!

Ucu̱xẽgüchiga 26:12

Wüxi i duü̃xü̃ i tama naãẽxü̃ cuáxü̃arü yexera nachixe i norü ĩnü i ngẽma nügügu rüxĩnüxü̃, nax guxãarü yexera nüxü̃ nacuáxü̃.

Chacaría 9:3

Rü yima ĩane ya Tírucüã̱xgü rü norü ĩane ínapoxegugü rü ñu̱xũchi úiru rü diẽrumü nanutaque̱xegü ñoma texé waixü̃müchara nutaque̱xexü̃rüxü̃.

Echequié 16:49

Rü ñaa nixĩ ga yema cueya̱x ga Chodómaarü chixexü̃: Rü guma ĩane rü ñu̱xũchi norü ĩanexacügü rü nügü ínarütagü yerü imuarü õnaã̱xgü rü taxuxü̃ma nüxü̃́ nataxu. Natürü taguma tüxü̃ narüngü̃xẽẽgü ga guxema ingearü diẽruã̱xgüxe, rü ñu̱xũchi guxema tüxü̃́ nataxúxe.

Ichaía 23:8

¿Rü texé tixĩ ya yíxema ãẽ̱xgacüarü ĩane ya Tírumaxã naxueguxe i ngẽma ñu̱xma ngupetüxü̃? Yima ĩanearü taxepataxü̃güarü yoragü rü natachigagü, rü norü taxetanüxü̃ rü guxü̃ma i togü i taxetanüxü̃ i ñoma i naanewa ngẽxmagüxü̃arü yexera nüxü̃ icua̱xüchixü̃ nixĩgü.

Ichaía 23:3

Rü yema már nüxü̃́ nanatauxchaxẽxẽ nax togü ga nachixü̃anegüxü̃ namaxã nataxegüxü̃ ga norü yemaxü̃gü. Rü yema trigu ga Equítuanewa naxca̱x nataxegüxü̃wa rü taxü̃ ga diẽru nayauxgü.

Ucu̱xẽgüchiga 30:9

Erü ngẽxguma chi chamuarü diẽruã̱xgu rü íyaxüxgu, rü ngürüãchi ngẽmagagu cuxü̃ icharüngüma. Rü ngẽxguma chi changearü diẽruã̱xgu, rü chi changĩ̱x, rü ngẽmagagu chi chixri cuchiga nidexagü i duü̃xü̃gü.

Norü taxre ga to ga popera ga ãẽ̱xgacügüchiga ümatüxü̃ 25:19

Rü cumax, Pa Amachíax, rü nüxü̃ quixu nax Edóü̃tanüxü̃xü̃ cuda̱i̱xü̃. Rü ngẽmaca̱x cugü quicua̱xüxü̃ rü yexeraxü̃ i poraca̱x cudau. Rü name nixĩ i cupatawatama cungexmaxü̃. ¿Rü tü̱xcüü̃ curü guxchaxü̃ca̱xtama cudauxchaü̃ rü ñu̱xũchi Yudáanearü guxchaca̱x? —ñaxü̃.

Yeremía 49:4

Rü pemax, Pa Amóü̃tanüxü̃x, rü pegü picua̱xüü̃gü namaxã i ngẽma perü metachinüanexü̃gü i nanetü nawa mea rüxügüxü̃. Rü ngẽma muxü̃ i perü ngẽmaxü̃gügu peyaxõgü. Rü nagu perüxĩnüe nax tagutáma texé pexca̱x íyaxüãchixü̃.

Wenaxarü naxümatü ga Tupanaarü mugü 8:17

Rü tama name i nagu perüxĩnüe rü ñaperügügü: “Guxü̃ma i tórü ngẽmaxü̃gü rü tórü poramaxãtama tüxü̃́ nangẽxma”, ñaperügügü.

Norü taxre ga popera ga ãẽ̱xgacügüchiga 14:10

Rü choma rü nüxü̃ chacua̱x nax Edóü̃tanüxü̃xü̃ nax cuda̱i̱xü̃, rü ngẽmaca̱x cugü quicua̱xüüxü̃ i ñu̱xmax. Rü name nixĩ nax cugü quicua̱xüxü̃, natürü narümemae nixĩ nax ngéma cupatawatama cungexmaxü̃. ¿Rü tü̱xcüü̃ naxca̱x cudau nax cugütama chixexü̃gu cunguxẽxẽxü̃ rü chixexü̃gu cunanguxẽxẽxü̃ i Yudáane? —ñanagürü.

Wiyaegü 62:11

Tupana rü wüxi i orexü̃ nixu, rü choma rü marü taxree̱xpü̱xcüna nüxü̃ chaxĩnü i ngẽma ore. Cuma, Pa Corix, rü cupora rü aixcüma toxü̃ cungechaü̃. Rü yíxema mexü̃ ügüxe rü cuma rü tá tüxna cunaxã i ngẽma natanü i tüxna üxü̃. Natürü yíxema chixexü̃ ügüxe rü tá tanayaxu i ngẽma poxcu i tüxna üxü̃.

Echequié 28:17

Rü yema nax cumexẽchixü̃gagu cugü quicua̱xüxü̃ rü nüxü̃ curüngü̃ma i curü cua̱x. Rü yemaca̱x ga choma rü cuxü̃ chiwa̱xẽxẽ nax wüxi ga cugüruxü̃ quixĩxü̃ca̱x nape̱xewa ga yema togü ga nachixü̃anegüarü ãẽ̱xgacügü.

Danié 11:12

Rü nüma i ngẽma súranearü ãẽ̱xgacü rü tá nügü nicua̱xüxü̃ erü norü uanüxü̃ narüporamae rü ñu̱xũchi nanadai i muxü̃ma i norü uanüarü churaragü. Natürü taxũtáma mucü ya taunecü natai i norü pora.