Echequié 28:4 - Tupanaarü Ore

⁴ Rü cuma rü ngẽma curü cua̱xmaxã rü curü puracümaxã cuxü̃́ natauxcha nax cunanutaque̱xexü̃ i muxü̃ma i curü ngẽmaxü̃gü. Rü ngẽmaãcü úirumaxã rü diẽrumaxã cunapagüxẽxẽ i curü diẽruchixü̃gü.

Echequié 28:4 Referans Kwoze

Ucu̱xẽgüchiga 18:11

Ngẽma duü̃xü̃ i diẽruã̱xü̃chixü̃, rü norü diẽruna narüyoe. Rü nüma nagu naxĩnügu, rü ngẽma norü diẽru tá ínanapoxü̃ ñoma wüxi ya ĩane ya meama ípoxegunerüxü̃.

Abacú 1:16

Rü ngẽmaca̱x i ngẽma choxniexü̃ rü norü püchaxü̃ rü norü poxwaxü̃ nicua̱xüxü̃ rü ãmaregü rü pumarate̱xe naxca̱x ínagu. Rü moxẽ nüxna naxã ya norü poxwa rü norü pücha, erü ngẽma poxwagagu rü püchagagu nixĩ i mexü̃ i õna nangṍxü̃ rü taguma nangewemüxü̃.

Echequié 29:3

¡Rü namaxã nüxü̃ ixu rü ñacurügü! “Cori ya Tupana rü ñanagürü cuxü̃: ‘Pa Faraóü̃ i Equítuanearü Ãẽ̱xgacüx, choma rü cumaxã nüxü̃ chixu nax curü uanü chixĩxü̃. Rü cuma rü ñoma wüxi i coyaarü ãũxü̃ i taxtü i Nílugu caxü̃rüxü̃ quixĩ. Rü cuma rü ñacurügü: Ngẽma taxtü i Níru rü choxrü nixĩ rü chomatama chanango̱xẽxẽ, ñacurügü.

Ngu̱xẽẽtaeruü̃arü ore 9:11

Rü to i ñoma i naanewa nüxü̃ chadauxü̃ nixĩ nax ngẽma ñaãchiwa poraexü̃ rü tama guxü̃guma nüxíra ínangugüxü̃. Rü ngẽma daiwa poraexü̃ rü tama guxü̃guma narüporamaegü. Rü ngẽma cua̱x nüxü̃́ ngẽxmagüxü̃ rü tama guxü̃guma nüxü̃́ nangẽxma i norü õna. Rü ngẽma naãẽxü̃ cuáxü̃ rü tama guxü̃guma nidiẽruã̱x. Rü ngẽma poperawa ngu̱x nüxü̃́ ngẽxmagüxü̃ i duü̃xü̃gü rü tama guxü̃guma namaxã nataãẽgü. Rü guxãca̱x ínangu i tümaarü taãxẽ rü tümaarü guxchaxü̃.

Ichaía 10:13

Erü nüma ga Achíriaanearü ãẽ̱xgacü rü ñanagürü: —Choma nixĩ i chorü poramaxã togü i duü̃xü̃gümaxã ichacuáxü̃, erü nüxü̃ chacua̱xüchi, rü mea nagu charüxĩnü i ngẽma chaxüxü̃. Rü choma nixĩ i chanaxüchicüüxü̃ i nachixü̃anegüarü üyeanegü, rü chanadexü̃ i norü ngẽmaxü̃gü. Rü ñoma wüxi i poraxüchixü̃rüxü̃ nüxü̃ charüporamae i norü ãẽ̱xgacügü.

Yeremía 49:4

Rü pemax, Pa Amóü̃tanüxü̃x, rü pegü picua̱xüü̃gü namaxã i ngẽma perü metachinüanexü̃gü i nanetü nawa mea rüxügüxü̃. Rü ngẽma muxü̃ i perü ngẽmaxü̃gügu peyaxõgü. Rü nagu perüxĩnüe nax tagutáma texé pexca̱x íyaxüãchixü̃.

Echequié 27:33

Rü yexguma cuxü̃tawa taxewa naxĩxgu ga yema togü ga nachixü̃anegü rü cuxü̃tawa nayexma ga guxü̃ma ga nanaxwa̱xegüxü̃. Rü yema muxũchixü̃ ga curü yemaxü̃gümaxã poraãcü cuyadiẽruã̱xẽxẽ ga guxü̃ma ga nachixü̃anegüarü ãẽ̱xgacügü.

Danié 5:11

Erü nua cuxme̱xwa nangẽxma i wüxi i yatü ya Tupana ya Üünecüãxẽ nawa ngẽxmaxü̃. Rü yexguma guma cunatü ya Nabucudonochó ãẽ̱xgacü ixĩxgu, rü yema yatü inanawe̱x nax tupanagürüxü̃ aixcüma naãẽxü̃ nacuáxü̃. Rü yemaca̱x ga guma cunatü rü guxü̃ma ga norü ucu̱xẽruü̃güeru nayaxĩxẽxẽ.