Echequié 28:16 - Tupanaarü Ore

¹⁶ Natürü yema nax cumuarü ngẽmaxü̃ã́xü̃gagu rü poraãcü cumáeta rü ngẽmaãcü chixexü̃gu cungu. Rü yemagagu chaugüxü̃tawa cuxü̃ íchata̱xüchi nawa ya yima chorü ma̱xpǘne. Rü yema chorü orearü ngeruxü̃ i daxũcüã̱x ga cuxna dauchiréxü̃ rü cuxü̃ ínamuxũchi nawa ga yema nachica ga mexẽchixü̃ ga nawa cuyexmaxü̃.

Echequié 28:16 Referans Kwoze

Abacú 2:17

Rü yema chixexü̃ ga Líbanuarü máxpü̱xanexü̃wa pexüxü̃ rü tá pegutátama nangu. Rü ngẽxgumarüxü̃ ta pegutátama nangu i ngẽma nax penadaixü̃ ga yema naeü̃gü ga yéma yexmagüxü̃. Rü ngẽma guxchaxü̃gü rü tá pegu nangu nagagu nax nagu pepogüexü̃ ga yema nachixü̃anearü ĩanegü rü penadaixü̃ ga norü duü̃xü̃gü.

Abacú 2:8

Dücax, Pa Cadéuanecüã̱xgü, pema rü muxü̃ma ga nachixü̃anegümaxã poraãcü chixexü̃ pexü, rü penadeãcu ga norü ĩanegü. Natürü i ñu̱xmax rü ngẽma nachixü̃anegü rü tá pexca̱x nügü nanutaque̱xe rü tá nüxí perü ĩanegü nadeãcugü yema pema penadeãcuxü̃rüxü̃. Rü ngẽmaãcü tá nüxü̃́ peyangutanüxẽxẽ ga yema máeta ga norü ĩanegüwa pexüxü̃.

Ore i mexü̃ ga Cuáü̃ ümatüxü̃ 2:16

Rü yema muxtucugümaxã taxegüxü̃xü̃ ñanagürü: —¡Ípeyana i ngẽma perü muxtucugü i nua! Tama name i taxepataü̃xü̃ peyaxĩxẽxẽ ya daa Chaunatüpata —ñanagürü.

Echequié 8:17

Rü yexguma ga nüma ga Cori ya Tupana rü choxna naca rü ñanagürü choxü̃: —¿Nüxü̃ cudauxü̃ i ngẽma chixexü̃ i ngẽma Yudátanüxü̃ ügüxü̃? Natürü naétü rü máetamaxã nayapaxẽxẽ i ñaa nachixü̃ane. Rü guxü̃ i ngunexü̃gu choxü̃ nanuxẽẽgüecha. Rü ngẽma norü ãũãchixü̃ i naxügüxü̃ rü düxwa choxmaraü̃wa nanguema.

Naanearü ügüchiga 3:24

Rü yexguma ínata̱xüchiã̱xguwena rü Edéü̃maü̃gu nanamugü ga ñuxre ga daxũcüã̱x ga ixãxpe̱xatüxü̃, rü yexma nanaxǘ ta ga wüxi ga naxne ga tara ga iya̱u̱xracüüxü̃ ga yéma idixegucüüxü̃ ga guxü̃cüwagu yawe̱xemaãchixü̃ nax taxúema nawa nguxü̃ca̱x ga yema nanetü ga maxü̃ nawa yexmaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:9

Rü ínata̱xüchi ga daxũguxü̃ ga naanewa ga yema coya ga yema nũxcümaü̃xü̃ ga ãxtape. Rü nüma rü Ngo̱xogu rü Chatanágu naxãéga. Rü nüma nixĩ i guxü̃ma i ñoma i naanecüã̱x i duü̃xü̃güxü̃ nawomüxẽẽxü̃. Rü nüma rü norü orearü ngeruü̃gümaxã ñoma ga naanegu narüwoü̃.

Chofonía 1:9

Rü ngẽma ngunexü̃gu rü tá chanapoxcue i ngẽma ĩpatagügu ichocuetanüxü̃ nax nangĩ́exü̃ca̱x, rü ngẽma diẽru i napuxü̃maxã rü womüxẽẽãcü nayauxgüxü̃maxã nanapáxẽẽgü ya norü tupananetapata —ñanagürü.

Miquéa 6:12

Rü ngẽma diẽruã̱xgüxü̃ i daa ĩanegu ãpatagüxü̃ rü poraãcü duẽxẽgüxü̃́ nangĩ́e. Rü guxü̃ma i daa ĩanewa maxẽxü̃ rü dorata̱xaxgüxü̃ rü womüxẽẽwa̱xegüxü̃ nixĩgü.

Miquéa 2:10

¡Rü ẽcü ipechigü, Pa Ãẽ̱xgacügüx i Chixexü̃güx, rü ípechoxü̃ i nua! Rü daa ĩane rü taxũtáma nawa pengẽxmagüecha. Erü ngẽma chixexü̃ i nua pexüxü̃ rü nataxüchi, rü ngẽmaca̱x i guxü̃ma i ñaa ĩane rü tá inayarüxo.

Miquéa 2:2

Rü nüxü̃́ nangúchaü̃gü i toguxearü naanegü, rü nügüxü̃́ nanayauxgü. Rü nüxü̃́ nangúchaü̃gü i toguxepatagü rü tüxna nanayauxgü. Rü chixri nanaxütanü rü ngẽmaãcü tüxna nayapu ya tümapata. Rü ngẽmaãcü tangepata rü tangeane ya yíxema norü yora tümaãcügümaxã.

Amúx 3:9

¡Rü Adúxarü ãẽ̱xgacüpatagüwa, rü Equítuanearü ãẽ̱xgacüpatagüwa penaxunagü i ñaa chorü ore i ñaxü̃: “Rü yima ma̱xpǘnegü ya ĩane ya Chamária nagu üxü̃newa pexĩ! ¡Rü nüxü̃ peda̱u̱x i ngẽma guxchaxü̃gü ya yima ĩanewa ngẽxmaxü̃ rü ngẽma dai i ngéma ngẽxmaxü̃!”

Ochéa 12:7

Rü Tupana rü Iraétanüxü̃xü̃ ñanarügü: —Pemax rü taxetanüxü̃ i womüxẽẽwa̱xegüxü̃ pixĩgü. Rü ngẽmaca̱x yimá perü yáruxü̃ ya tama mecümaxã nüxü̃́ pengĩ̱x i duü̃xü̃gü.

Echequié 28:14

Rü choma rü wüxi ga chorü orearü ngeruxü̃ ga dauxü̃cüã̱xme̱xẽwa cuxü̃ chayexmaxẽxẽ nax cuxna nadauxü̃ca̱x. Rü wüxi ga ma̱xpǘne ga choma chaxüünexẽẽnewa cuyexma. Rü nutagü i naicüarü ngãxü̃tanügu cuyarüxũũxü̃.

Ichaía 23:9

Rü Cori ya Tupana ya Guxãétüwa Ngẽxmacü nixĩ i namaxã naxuegucü i ngẽma ñu̱xma namaxã ngupetüxü̃ nax ngẽmaãcü naxãneexẽẽxü̃ca̱x i guxü̃ma i ngẽma duü̃xü̃gü i nügü írütagüxü̃ rü nüxna nax nayauxãxü̃ca̱x i norü pora i ngẽma duü̃xü̃gü i ñoma i naanewa nügü írüporaexü̃.

Ichaía 22:19

Rü choma rü tá cuxna chanayaxu i ñaa curü puracü, rü ngẽmaãcü i cuma rü taxũtáma ãẽ̱xgacüpatamaxã icucua̱x.

Naanearü ügüchiga 6:11

Rü Cori ya Tupana rü nüxü̃ nadau ga ñoma ga naane ga nax chixexü̃maxã napaxü̃, yerü guxü̃ma ga duü̃xü̃gü rü chixexü̃gu namaxẽ. Rü yema taxü̃ ga chixexü̃xü̃ nax nadauxü̃ ga Cori ya Tupana ga ñoma ga naanewa,

Abdía 1:3

Rü pemax, Pa Edóü̃anecüã̱xgüx, rü pegütama pewomüxẽxẽ, erü perü poramaxã pegü picua̱xüxü̃. Pema rü ínanutaanexü̃wa pengẽxmagü i ma̱xpǘneanewa. Rü ngẽmaca̱x nagu perüxĩnüe rü taxúetama pexü̃ tarüporamae.