Echequié 28:12 - Tupanaarü Ore

¹² —Cumax, Pa Yatüx, ¡Tíruarü ãẽ̱xgacüca̱x nagu nawiyae i ñaa yuetaarü wiyae, rü ñacuxü̃ tá nüxü̃! “Rü ñanagürü ya Cori ya Tupana cuxü̃: ‘Cumax, Pa Ãẽ̱xgacüx, rü duü̃xü̃güpe̱xewa rü cumexẽchi, rü nüxü̃ cucua̱xüchi, rü meama cungã̱xãxẽ.

Echequié 28:12 Referans Kwoze

Echequié 19:1

Rü cumax, Pa Echequiéx, rü Iraétanüxü̃arü ãẽ̱xgacügüchiga nagu nawiyae i ñaa ngechaü̃arü wiyae:

Echequié 26:17

Rü ngẽxguma rü tá ñaa yuetaarü wiyaegu cuchiga nawiyaegü: “Pa Ĩane ya Tírux, cuma rü curü duü̃xü̃gümaxã wüxi ya ĩane ya poraxüchichiréne quixĩ. Rü guxü̃ma i ñaa naanewa rü cuxü̃ nacua̱xgü rü curü duü̃xü̃gümaxã cunamuü̃xẽxẽ i nachixü̃anegü. ¿Natürü i ñu̱xmax rü ta̱xacü cuxü̃ nangupetü nax ñaa márcutüwa cutauxchicaxü̃?

Colosenses 2:3

Rü nawa nixĩ i nangẽxmaxü̃ i guxü̃ma i cua̱xgü i mexü̃.

Colosenses 1:9

Rü ngẽmaca̱x i toma ga noxritama pexü̃ tacuáchigagu, rü taguma nüxü̃ tarüchau nax pexca̱x tayumüxẽgüxü̃. Rü guxü̃guma Tupanana naxca̱x tacagü nax mea pexü̃ nüxü̃ nacua̱xẽẽxü̃ca̱x i ngẽma norü ngúchaü̃ nax penaxüxü̃. Rü ngẽxgumarüxü̃ ta nüxna naxca̱x taca nax pexna naxããxü̃ca̱x i naguxü̃raü̃xü̃ i cua̱x i Naãxẽ ya Üünexü̃wa ne ũxü̃.

2 Corintios 1:22

Rü nüma ya Tupana rü tagu nanaxümatü i naéga erü tórü yora nixĩ. Rü nüma rü tüxna nanamu i Naãxẽ ya Üünexü̃ nax ngẽmawa nüxü̃ icuáxü̃ca̱x nax aixcüma tá tüxna naxããxü̃ i ngẽma tamaxã inaxunetaxü̃.

1 Corintios 3:19

Erü ñoma i naanearü cua̱x rü Tupanaca̱x rü wüxi i ngeãẽmare nixĩ. Erü Tupanaarü ore i ümatüxü̃wa rü ñanagürü: “Ngẽma duü̃xü̃gü i nügügu rüxĩnüexü̃ nax norü cua̱xmaxã duü̃xü̃güxü̃ nawomüxẽẽxü̃, rü Tupana rü tá ngẽmatama norü womüxẽẽgu nanayixẽxẽ”, ñanagürü.

Romanos 15:28

Rü ngẽxguma chanagu̱xẽẽgu i ngẽma puracü, rü ngẽxguma taenexẽgü i Yudíugüna marü ngĩxü̃ chaxãxgu i ngẽma diẽru, rü Españawa tá chaxũ. Rü ngẽxguma ngéma chaxũxgu, rü tá woe pexü̃tagu íchidau.

Ngechuchuarü ngúexü̃gü ga yamugüxü̃arü puracüchiga 6:3

Rü ngẽmaca̱x, Pa Tomücügüx, rü ¡Naxca̱x peda̱u̱x i petanüwa ya 7 ya yatügü ya guxãma nüxü̃ ngechaü̃güxü̃, rü mea naãxẽxü̃ cuáxü̃, rü aixcüma Tupanaãxẽ ya Üünecü nawa ngẽxmagüxü̃! Rü toma tá nüxna tanaxã i ngẽma puracü nax nümagü õnamaxã inacua̱xgüxü̃ca̱x.

Ore i mexü̃ ga Luca ümatüxü̃ 2:40

Rü gumá bucü rü niyachigü, rü yexeraãcü niporachigü, rü yexeraãcü nüxü̃ nicuáchigü. Rü Tupana rü namaxã nataãxẽ rü nüxü̃ narüngü̃xẽxẽ.

Echequié 32:16

Rü ngẽma nixĩ i wüxi i ngechaü̃arü wiyae. Rü ngẽmaãcü tá nixĩ i namexü̃ nax nawiyaegüxü̃ i ngẽma togü i nachixü̃anegüarü ngexü̃gü i ngẽxguma Equítuaneca̱x rü ngẽma muxũchixü̃ i norü duü̃xü̃güca̱x naxauxegu. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Echequié 27:32

Rü yuetaarü wiyaegu tá cuxca̱x nawiyaegü rü ngechaxü̃ãcüma ñanagürügü tá: ¿Ta̱xacü rü ĩane namaxã nawüxigu ya yima ĩane ya Tíru ga márcutüwa yexmane?

Echequié 19:14

Rü ngẽma nachacüügüwa rü ninai ya wüxi ya üxü, rü ngẽma ngexwaca rüxügüxü̃ i nachacüügü rü nixae wüxigu norü omaxã. Rü marü nataxuma ga nachacüügü ga iporaxü̃ nax ãẽ̱xgacügüarü naixmena̱xãwa nangugüxü̃. Rü ngẽma nixĩ i wüxi i ngechaü̃arü wiyae, rü name nixĩ i nagu pewiyaegü i ngẽxguma ngechaü̃ ínguxgu.

Yeremía 9:23

Rü nüma ya Cori ya Tupana rü ñanagürü: —Yíxema cua̱x tüxü̃́ ngẽxmaxe rü tama name i tügü namaxã ticua̱xüxü̃ i ngẽma tümaarü cua̱x. Rü woo yíxema nüxü̃ cuáxe nax duü̃xü̃gümaxã itacuáxü̃ rü tama name i ngẽmamaxã tügü ticua̱xüxü̃. Rü woo ya yíxema diẽruã́xẽ rü tama name i tümaarü diẽrumaxã tügü ticua̱xüxü̃.

Ichaía 10:13

Erü nüma ga Achíriaanearü ãẽ̱xgacü rü ñanagürü: —Choma nixĩ i chorü poramaxã togü i duü̃xü̃gümaxã ichacuáxü̃, erü nüxü̃ chacua̱xüchi, rü mea nagu charüxĩnü i ngẽma chaxüxü̃. Rü choma nixĩ i chanaxüchicüüxü̃ i nachixü̃anegüarü üyeanegü, rü chanadexü̃ i norü ngẽmaxü̃gü. Rü ñoma wüxi i poraxüchixü̃rüxü̃ nüxü̃ charüporamae i norü ãẽ̱xgacügü.

Ucu̱xẽgüchiga 21:30

Tupanape̱xewa rü nataxuma i duü̃xü̃arü cua̱x i mexü̃, rü tataxuma ya texé ya nüxü̃ cuáxe, rü nataxuma i ĩnü i aixcüma mexü̃.

Norü taxre ga to ga popera ga ãẽ̱xgacügüchiga ümatüxü̃ 35:25

Rü nüma ga Yeremía rü nanaxümatü ga wüxi ga wiyae ga Yochíaarü yuxchigagu ixuxü̃. Rü yexguma naxümatügucürüwa ga yema wiyae rü nüma ga Iraétanüxü̃ ga wiyaetanüxü̃ ga iyatüxü̃ rü ngexü̃gü rü nagu nawiyaegü ga yema wiyae. Rü ñu̱xma rü ta rü Iraéanewa nagu nawiyaegü i ngẽma wiyae. Rü ngẽmaãcü nüxna nacua̱xãchie ga Yochíaarü yu. Rü ngẽma wiyae rü ngechaü̃ i wiyaegüpanegu nixĩ i naxümatüxü̃.

Echequié 32:2

—Pa Yatüx, ¡nagu nawiyae i ñaa ngechaü̃arü wiyae i Equítuanearü ãẽ̱xgacü i Faraóü̃gu ixuxü̃ rü ñaxü̃! “Cumax, Pa Equítuanearü Ãẽ̱xgacü i Faraóü̃x, rü ñoma wüxi i leóü̃rüxü̃ quixĩ natanüwa i ngẽma togü i nachixü̃anegü. Rü cuma rü ñoma coya i taxü̃ i taxtü i Níruwa icháuxacüüxü̃rüxü̃ quixĩ. Rü cuparacutümaxã quichauxacüxü rü ícunabuxchixü i ngẽma dexá rü cunayuapexẽxẽ i ngẽma taxtü.

Naanearü ügüchiga 3:5

Erü Tupana rü meama nüxü̃ nacua̱x ega penangõ̱xgu i ngẽma nanetüarü o rü tá nüxü̃ pecua̱x i ta̱xacü nixĩ i mexü̃, rü ta̱xacü nixĩ i chixexü̃, rü Tupanarüxü̃ tátama pixĩgü —ñanagürü ngĩxü̃.

Echequié 28:11

Nüma ga Cori ya Tupana rü chomaxã nidexa rü ñanagürü choxü̃:

Echequié 28:15

Rü yexguma noxri cungo̱xgu rü yema cucüma rü meama iniwe̱xchire̱x ñu̱xmata yema ngunexü̃ nax cuwa nangóxü̃ ga chixexü̃.

Echequié 43:10

Rü ngẽmaca̱x, Pa Yatüx, ¡Iraétanüxü̃maxã nüxü̃ ixu i ngẽma nüxü̃ cudauxü̃ nax ñuxãcü naxüxü̃ ya yima chopata rü nañuxraxü̃xü̃ i norü ma̱x rü norü tachiã! Rü ngẽxguma ngẽmaxü̃ naxĩnüegu rü tá naxãnẽxẽ naxca̱x i ngẽma norü chixexü̃ i nagu namaxẽxü̃.

Chacaría 9:2

Rü ngẽxgumarüxü̃ ta Cori ya Tupanaarü nixĩgü ya yima ĩane ya Amá ya Chíriaarü üyewa ngẽxmane rü yima ĩanegü ya Tíru rü Chidóü̃ guxü̃ma i norü duü̃xü̃gü i nüxü̃ icua̱xüchixü̃maxã.