Echequié 27:32 - Tupanaarü Ore

³² Rü yuetaarü wiyaegu tá cuxca̱x nawiyaegü rü ngechaxü̃ãcüma ñanagürügü tá: ¿Ta̱xacü rü ĩane namaxã nawüxigu ya yima ĩane ya Tíru ga márcutüwa yexmane?

Echequié 27:32 Referans Kwoze

Echequié 26:17

Rü ngẽxguma rü tá ñaa yuetaarü wiyaegu cuchiga nawiyaegü: “Pa Ĩane ya Tírux, cuma rü curü duü̃xü̃gümaxã wüxi ya ĩane ya poraxüchichiréne quixĩ. Rü guxü̃ma i ñaa naanewa rü cuxü̃ nacua̱xgü rü curü duü̃xü̃gümaxã cunamuü̃xẽxẽ i nachixü̃anegü. ¿Natürü i ñu̱xmax rü ta̱xacü cuxü̃ nangupetü nax ñaa márcutüwa cutauxchicaxü̃?

Yema Cuáü̃ nüxü̃ dauxü̃ i yixcüra tá ngupetüxü̃chiga 18:18

Rü ngẽxguma nüxü̃ nadaugügu i norü caxixü̃ nax yaxãxü̃ ya yima ĩane, rü tagaãcü tá ñanagürügü: “Nataxuma ya nai ya ĩane ya daa ĩane ya taxü̃nerüxü̃ ixĩxü̃ne”, ñanagürügü.

Echequié 27:26

Rü yema cuxü̃ ixũxẽẽgüxü̃ rü már arü ngãxü̃tüwa cumaxã naxãgü. Natürü gumá taxüchicü ga buanecü ga éstewaama ne ũcü rü yexma cugu napogü.

Auxexü̃chiga 2:13

¿Rü ta̱xacügu tá cuxü̃ changu rüe̱xna ta̱xacümaxã yixĩxü̃ i cuwüxiguxü̃, Pa Mexẽchine ya Ĩane ya Yerucharéü̃x? ¿Rü ta̱xacürü cua̱xruxü̃ tá cuxü̃ chawe̱x nax cuxü̃ chataãẽxẽẽxü̃ca̱x, Pa Ĩane ya Mexẽchine ya Chióü̃x? Rü yema chixexü̃ ga cuxü̃ ngupetüxü̃ rü nataxüchi ñoma már i taxüchixü̃rüxü̃. ¿Rü texé tá cuxca̱x tayataanexẽxẽ nawa i ngẽma ngúxü̃ i quingexü̃?

Auxexü̃chiga 1:12

¡Pema nax namagu pexĩxü̃, rü peyachiãchitanü nax mea nagu perüxĩnüexü̃ca̱x i ñaa ngúxü̃ i chingexü̃! ¿Tü̱xcüü̃ petaãẽgü nax choxü̃ pidauxü̃ nax ngúxü̃ chingexü̃? ¿Rü ta̱xacürü to ga ĩane nixĩ ga chauxrüxü̃ Cori ya Tupana ngúxü̃ nüxü̃ ingexẽxẽxü̃ yema choxü̃ yangexẽxẽxü̃rüxü̃ ga yexguma chomaxã nanuxgu?

Echequié 26:12

Rü ngẽma norü churaragü rü tá nanadegü rü naxca̱x nangĩ̱xgü i curü ngẽmaxü̃gü i namaxã cutaxexü̃. Rü tá nayawa̱xgüxẽxẽ i ngẽma curü poxeguxü̃tápü̱xgü. Rü ngẽxgumarüxü̃ tá ta nayawa̱xgüxẽxẽ ya yima cupatagü ya imexẽchine. Rü ngẽmawena rü tá márwa nanawoü̃gü ya yima nutagü rü norü omütagü rü woo ngẽma natüchigü.

Echequié 28:12

—Cumax, Pa Yatüx, ¡Tíruarü ãẽ̱xgacüca̱x nagu nawiyae i ñaa yuetaarü wiyae, rü ñacuxü̃ tá nüxü̃! “Rü ñanagürü ya Cori ya Tupana cuxü̃: ‘Cumax, Pa Ãẽ̱xgacüx, rü duü̃xü̃güpe̱xewa rü cumexẽchi, rü nüxü̃ cucua̱xüchi, rü meama cungã̱xãxẽ.