Echequié 27:30 - Tupanaarü Ore

³⁰ Rü nümagü rü tá tagaãcü norü ngechaü̃maxã cuxca̱x naxauxe rü waixü̃müte̱xemaxã tá nügü nagüerugü. Rü tanimacate̱xegu tá nidixgü.

Echequié 27:30 Referans Kwoze

Yeremía 6:26

Rü yexguma ga choma rü ñachagürü: —¡Pa Chorü Duü̃xü̃güx, ẽcü naxchiru i témüxü̃gu picu̱xgü nax ngẽmaãcü penawéxü̃ca̱x nax ngúxü̃ pingegüxü̃! ¡Rü tanimacate̱xegu pidixgü! ¡Rü pingechaü̃gü, rü taxü̃ i perü ngechaü̃maxã pexauxe ñoma nügümaxã wüxicáxü̃ i tane yu̱xgurüxü̃! Erü ngẽma tá tüxü̃ yadaixü̃ rü paxa tá nua tatanüwa nangugü —ñachagürü.

Auxexü̃chiga 2:10

Rü guma ĩane ya Chióü̃arü yaxguã̱xgü rü ngechaü̃maxã waixü̃müanewa narütogü, rü waixü̃müte̱xe nügüeru nagügü, rü naxchiru i techaraxü̃gu nicu̱xgü. Rü pacügü i Yerucharéü̃cüã̱xgü rü ngĩrü ãnemaxã waixü̃müanegu iyangücuchitanü.

2 Chamué 1:2

Natürü norü tomaepü̱x ga ngunexü̃gu, rü yéma Dabíxü̃tawa nangu ga wüxi ga yatü ga Chaú rü norü churaragümaxã íyexmaxü̃wa ne ũxü̃. Rü norü ngechaü̃maxã nügüchirugu nagáugü rü waixü̃mümaxã nügü nabuxeru, rü yemaacü ínangu. Rü yexguma Dabípe̱xewa nanguxgu rü ñaxtüanegu nanangücuchi.

Yoná 3:6

Rü yexguma Nínibearü ãẽ̱xgacüxü̃tawa nanguxgu ga yema dexa, rü nüma rü norü tochicaxü̃wa inachi rü ínacuxuchi ga norü ãẽ̱xgacüchiru rü témüxü̃ ga naxchirugu nicu̱x rü waixü̃müarü ãte̱xexü̃wa narütomare.

Echequié 26:17

Rü ngẽxguma rü tá ñaa yuetaarü wiyaegu cuchiga nawiyaegü: “Pa Ĩane ya Tírux, cuma rü curü duü̃xü̃gümaxã wüxi ya ĩane ya poraxüchichiréne quixĩ. Rü guxü̃ma i ñaa naanewa rü cuxü̃ nacua̱xgü rü curü duü̃xü̃gümaxã cunamuü̃xẽxẽ i nachixü̃anegü. ¿Natürü i ñu̱xmax rü ta̱xacü cuxü̃ nangupetü nax ñaa márcutüwa cutauxchicaxü̃?

1 Chamué 4:12

Natürü wüxi ga churara ga Bẽyamíü̃tanüxü̃ rü niña ga yema nügü ínadaixü̃wa, rü yematama ngunexü̃gu Chilówa nangu. Rü norü ngechaü̃maxã nügü nayarügáutechiru, rü nügü nabuxeru, rü yemaacü ínangu.

Miquéa 1:10

¡Taxṹ i Gáxarü ĩanewa nüxü̃ pixuxü̃ i ngẽma Iraétanüxü̃ tá ngupetüxü̃ rü taxṹ i pexauxexü̃! ¡Rü ĩane i Bex-reafáarü ãte̱xeanexü̃gu pegü pidixgüxü̃ nagagu i ngẽma ngúxü̃ i pingegüxü̃!

Yeremía 25:34

¡Ẽcü pexauxe, Pa Duü̃xü̃güarü Ãẽ̱xgacügüx! ¡Rü pema i duü̃xü̃gümaxã ipecuáxü̃ rü waixü̃müanegu pidixgü! Erü marü nawa nangu i ngunexü̃ nax pexü̃ nada̱i̱xü̃ ñoma carnérugü i ngüexü̃ ida̱i̱xü̃rüxü̃. Rü ñoma wüxi i axepáü̃ i mexẽchixü̃ irünguxü̃rüxü̃ tá perüyi.

Yox 42:6

Rü ngẽmaca̱x i ñu̱xma rü marü nüxü̃ charüxo ga yema noxri cumaxã nagu charüxĩnüxü̃. Rü ngẽmaca̱x nua waixü̃müte̱xewa rü tanimacate̱xewa charüto —ñanagürü ga Yox.

Yox 2:12

Rü yexguma yáxü̃gutama naxĩxgu rü Yoxü̃ nadaugü, rü yema poraãcü nax yada̱xawexü̃ rü tama aixcüma nüxü̃ nacua̱xgü. Rü yemaca̱x inanaxügüe ga aita nax naxüexü̃ rü naxauxexü̃. Rü yema taxü̃ ga ngechaü̃ nax yangegüxü̃gagu rü nügü narügáutechirugü rü mairaxü̃te̱xe nügüerugu nagünagügü.

Yox 2:8

Rü yexguma ga nüma ga Yox rü tanimacate̱xewa narüto. Rü nanayaxu ga wüxi ga waixü̃münaxca̱x ga buetarechipe nax yemamaxã nügü yawü̱xünexü̃ca̱x.