Echequié 27:23 - Tupanaarü Ore

²³ Rü yema duü̃xü̃gü ga cuxü̃tawa yataxegüxü̃ rü Aráü̃cüã̱x rü Canécüã̱xgü rü Edéü̃cüã̱xgü nixĩgü. Rü Chabáanewa rü Achíriaanewa rü Médiaanewa ne naxĩ ga taxetanüxü̃ nax cuxü̃tawa yataxegüxü̃ca̱x.

Echequié 27:23 Referans Kwoze

Norü taxre ga popera ga ãẽ̱xgacügüchiga 19:12

Rü yema nachixü̃anegü ga Gocháü̃, rü Aráü̃, rü Réchex ga duü̃xü̃gü ga Bex-edéü̃anecüã̱x ga ĩane ga Teracháxwa maxẽxü̃, rü yema norü tupanagü rü tama ínanapoxü̃gü ga yexguma torü o̱xigü nadaixgu.

Ichaía 37:12

Rü yexguma torü o̱xigü nadaixgu ga yema nachixü̃anegü ga Gocháü̃, rü Aráü̃, rü Réchex rü yema Bex-edéü̃tanüxü̃ ga ĩane ga Teracháxwa maxẽxü̃, ¿rü norü tupanagü yixĩxü̃ ga ínapoxü̃güxü̃?

Amúx 1:5

Rü tá chayaponaama i Damácuarü poxeguxü̃arü ĩã̱x. Rü tá chayama̱x i norü ãẽ̱xgacü i Bicax-abéü̃wa ãẽ̱xgacü ixĩxü̃. Rü ngẽxgumarüxü̃ tá ta chayama̱x i norü ãẽ̱xgacü i Bex-edéü̃wa ãẽ̱xgacü ixĩxü̃. Rü norü uanügü rü tá Quíruwa nanagagü i ngẽma Chíriacüã̱xgü —ñanagürü ya Cori ya Tupana.

Naanearü ügüchiga 10:22

Rü Chéü̃ nanegü nixĩ ga Eráü̃, rü Achúx, rü Arpacháx, rü Lux rü ñu̱xũchi Aráü̃.

Ngechuchuarü ngúexü̃gü ga yamugüxü̃arü puracüchiga 7:4

Rü yexguma ínaxũxũ ga Abraáü̃ nawa ga yema Cadéuanecüã̱xgüarü naane, rü Aráü̃arü naanegu nayaxãchiü̃. Rü yexguma nanatü yuxguwena, rü ñoma ga naane i ñu̱xma nagu pexãchiü̃xü̃wa naxũ, yerü Tupana núma nanaga.

Amúx 6:2

¡Rü ĩane ya Canéxwa pexĩ, rü ngéma nüxü̃ peda̱u̱x i ngẽma ngéma ngupetüxü̃! ¡Rü ĩane ya taxü̃ne ya Amáwa pexĩ rü ñu̱xũchi yima Firitéugüarü ĩane ya Gáxca̱x perüchoü̃! ¿Ẽ̱xna pema nagu perüxĩnüegu rü ngẽma nachixü̃anecüã̱xgüxü̃ perüporamaegü? ¿Ẽ̱xna pema nagu perüxĩnüegu rü ngẽma nachixü̃anegüxü̃ narütamae i perü naane?

Ichaía 10:9

Rü guxü̃nema ya ĩanegü ga nüxü̃ charüporamaene rü cho̱xme̱xwa nangẽxmagü, rü ngẽxgumarüxü̃ ya ĩane ya Canú, rü ĩane ya Caquemí, rü ĩane ya Amá, rü ĩane ya Arpáx, rü ĩane ya Chamária, rü ĩane ya Damácu. Rü guxü̃nema ya yima rü cho̱xme̱xwa nangẽxmagü.

Ichaía 7:20

Rü ngẽma ngunexü̃gu rü nüma ya Cori ya Tupana rü tá Achíriaanearü ãẽ̱xgacüxü̃ namu nax Iraétanüxü̃ca̱x íyaxü̃ãchixü̃ca̱x. Rü taxtü i Eufrátearü tocutüwa tá ne naxĩ i ngẽma Achíriaanecüã̱x. Rü nümagü rü ñoma wüxi i nowayamaxã yadüpü̱xüeruxü̃ rü yadüxchinaguxü̃ rü yadüxü̃nexü̃rüxü̃ tá nixĩ naxca̱x i ngẽma Iraéanecüã̱xgü. Rü ngẽmaãcü tá ãne nüxü̃ ningexẽẽgü.

Ichaía 7:18

Rü ngẽma ngunexü̃gu rü nüma ya Tupana rü tá ñoma murenügü i muxũchixü̃rüxü̃ tá cuxca̱x ínanangugüxẽxẽ i ngẽma churaragü i Equítuanearü natügü i yáxü̃guxü̃wa ne ĩxü̃. Rü ngẽxgumarüxü̃ tá ta cuxca̱x ínanangugüxẽxẽ i ngẽma Achíriaanecüã̱x i churaragü i ñoma beruretanü i muxũchixü̃rüxü̃ ixĩxü̃.

Wiyaegü 83:8

Rü woo i ngẽma Achíriaanecüã̱xgü rü ngẽma Loxtanüxü̃ rü natanügu naxãgü.

Yox 1:15

Rü ngürüãchi ngéma nangugü i Chabéutanüxü̃, rü naxca̱x nangĩ̱xgü i ngẽma wocagü rü búrugü, rü taramaxã nanadai i chomücügü i puracütanüxü̃. Rü chaxicatama chiña nax cumaxã nüxü̃ chayarüxuxü̃ca̱x —ñanagürü.

Naanearü ügüchiga 32:22

Rü yematama chütaxü̃gu rü ínarüda ga Acóbu, rü tüxü̃ namuãchitanü ga guxema taxre ga naxma̱x rü yema taxre ga naxü̃taxü̃, rü guma 11 ga nanegü. Rü wüxigu, namaxã ga guxü̃ma ga norü yemaxü̃gü, tüxü̃ nimuü̃ nawa ga yema natü ga Yabóxarü nuxtamaxü̃.

Naanearü ügüchiga 25:3

Rü Yoxcháü̃ nanegü nixĩ ga Chebá rü Dedáü̃. Rü Dedáü̃tanüxü̃ nixĩ ga Achuréugü, rü Retuchéugü, rü ñu̱xũchi Leuméugü.

Naanearü ügüchiga 12:4

Rü yemaacü ga nüma ga Abráü̃ rü ínaxũxũ ga Aráü̃wa, yema Cori ya Tupana namaxã nüxü̃ ixuxü̃ãcüma. Rü nüma rü nüxü̃́ nayexma ga 75 ga taunecü ga yexguma yema naanewa ínaxũxũxgu nax Canaáü̃anewa naxũxü̃ca̱x.

Naanearü ügüchiga 10:10

Rü guma ĩanegü ga itaxü̃ne ga Nimróxme̱xẽwa yexmagüne rü ĩanegü ga Babé rü Érex, rü Acáx rü Canéx nixĩ. Rü guma ĩanegü rü naane ga Chináxwa nayexmagü.

Naanearü ügüchiga 2:8

Rü yemawena ga Cori ya Tupana rü inanató ga wüxi ga mexẽchixü̃ ga naane ga Edéü̃wa ga éstewaama yexmaxü̃. Rü yemagu nanamu ga gumá yatü ga nüma naxüãcü.

Echequié 27:24

Rü nümagü rü cuxü̃ namaxã nataxegü ga naxchirugü ga imexẽchixü̃, rü gáuxü̃chirugü ga daucharaxü̃ ga naxümatügüxü̃. Rü cuxü̃ namaxã nataxegü ga ĩpatachiãarü ngã̱xãẽruü̃gü ga nagu ümatügüraü̃xü̃ rü napana̱xãgü ga munütagüxü̃.

Echequié 32:22

“Rü ngẽma ãxmaxü̃wa nangẽxma i Achíriaane. Rü nacüwagu nata̱xgü i guxü̃ma i norü churaragü. Rü guxü̃ma i nümagü rü daigu nayue.

Echequié 38:13

Natürü, Pa Góx, ngẽma duü̃xü̃gü i Chabácüã̱xgü rü Dedáü̃cüã̱xgü, rü ngẽma taxetanüxü̃ ya ĩane ya Tárchixcüã̱xgü rü ñu̱xũchi ngẽma duü̃xü̃gü i náigü ya ĩanecüã̱xgü, rü tá cuxna nacagüe rü tá ñanagürügü: ‘¿Ẽ̱xna ngĩ́xwa nixĩ i nua cuxũxü̃? ¿Rü ẽ̱xna cunanutaque̱xe i curü churaragü nax ngẽmamaxã pegüaxü̃́ penadexü̃ca̱x i diẽrumü, rü úiru, rü naxü̃nagü rü togü i ngẽmaxü̃gü nax ngẽmaãcü peyanaxü̃ca̱x i muxü̃ma i mexü̃gü?’ ” ñanagürü.