Echequié 27:22 - Tupanaarü Ore

²² Rü yema taxetanüxü̃ ga Chabácüã̱xgü rü Raamácüã̱xgü rü cuxü̃tawa nayataxegü. Rü pumaragü ga iyixichixü̃maxã rü úirugümaxã rü nutaxacügü ga ngã̱xãẽruü̃gümaxã cuxü̃́ nanaxütanügü.

Echequié 27:22 Referans Kwoze

Naanearü ügüchiga 10:7

Rü Cúx nanegü nixĩ ga Chebá, rü Abirá, rü Chaxtá, rü Raamá rü Chaxtecá. Rü Raamá nanegü nixĩ ga Chebá rü Dedáü̃.

Ichaía 60:6

Rü muxü̃tama i duü̃xü̃gü i togü i nachixü̃anegücüã̱x rü tá caméyugügu Yerucharéü̃wa naxĩ. Rü tá ínangugü i Madiáü̃cüã̱xgü rü Efácüã̱xgü. Rü guxü̃ma i Chabáanecüã̱xgü rü núma tá naxĩ namaxã i norü úirugü rü pumaragü. Rü tá choxü̃ nicua̱xüü̃gü naxca̱x i ngẽma mexü̃ i chorü poramaxã chaxüxü̃.

Echequié 38:13

Natürü, Pa Góx, ngẽma duü̃xü̃gü i Chabácüã̱xgü rü Dedáü̃cüã̱xgü, rü ngẽma taxetanüxü̃ ya ĩane ya Tárchixcüã̱xgü rü ñu̱xũchi ngẽma duü̃xü̃gü i náigü ya ĩanecüã̱xgü, rü tá cuxna nacagüe rü tá ñanagürügü: ‘¿Ẽ̱xna ngĩ́xwa nixĩ i nua cuxũxü̃? ¿Rü ẽ̱xna cunanutaque̱xe i curü churaragü nax ngẽmamaxã pegüaxü̃́ penadexü̃ca̱x i diẽrumü, rü úiru, rü naxü̃nagü rü togü i ngẽmaxü̃gü nax ngẽmaãcü peyanaxü̃ca̱x i muxü̃ma i mexü̃gü?’ ” ñanagürü.

Wiyaegü 72:15

¡Namaxü̃ ya yimá ãẽ̱xgacü! ¡Rü nüxna penaxã i ngẽma Chabáanearü úiru! ¡Rü guxü̃guma naxca̱x peyumüxẽgü! Rü name nixĩ i guxü̃guma Tupana nüxü̃ narüngü̃xẽxẽ.

Wiyaegü 72:10

Rü ngẽma Tárchixanearü ãẽ̱xgacü, rü Capaxũgüarü ãẽ̱xgacü, rü Chabáanearü ãẽ̱xgacü, rü Chebáanearü ãẽ̱xgacü, rü name nixĩ i guxü̃ma i ngẽma ãẽ̱xgacügü rü torü ãẽ̱xgacüxü̃tawa nanana i norü ãmaregü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:9

Rü Cúx nanegü nixĩ ga Chebá, rü Abirá, rü Chaxtá, rü Raamá, rü Chaxtecá. Rü Raamá nanegü nixĩ ga Chebá, rü Dedáü̃.

Naanearü ügüchiga 43:11

Rü yexguma ga nüma ga nanatü, rü nanangãxü̃ rü ñanagürü: —Ngẽxguma nataxuxgu nax ta̱xacümaxã penangüxmüxẽẽxü̃ ya yimá ãẽ̱xgacü ega Bẽyamíü̃ tama pewe rüxũxgu, rü ñaãcü tá penaxü: ¡Rü perü chacugügu norü ãmare ngéma penge! ¡Rü ngéma penana i ngẽma ngẽmaxü̃gü i mexü̃gü i tórü naanewa ixüxü̃, ngẽxgumarüxü̃ i tuxuneruxü̃, rü pumara, rü míra, rü ira, rü castaña rü arméü̃draarü o!

Echequié 28:13

Rü yexguma noxri cungo̱xgu, rü cuma rü wüxi ga nachica ga choma cuxca̱x chamexẽẽxü̃wa cuyexmachire̱x, ñoma Edéü̃rüxü̃. Rü cuma cungã̱xãxẽ namaxã ga naguxü̃raxü̃cü ga nuta ga ngã̱xãẽruü̃gü ga rubí rü crichólitu, rü yáde rü topáchiu, rü cornalina rü yáspe, rü chafíru rü granate rü esmeráda. Rü yema curü ngã̱xãẽruü̃gü rü cuxmachinügü rü úirunaxca̱x nixĩgü. Rü guxü̃ma ga yema curü ngã̱xãẽruü̃xü̃gü rü marü cuxca̱x ínamemare ga yexguma noxritama cungo̱xgu.

Echequié 23:42

Rü nüxü̃ taxĩnüe ga nax íyacuxcuxü̃ rü ínapetaegüxü̃ ga muxü̃ma ga duü̃xü̃gü. Rü yema nixĩ ga duü̃xü̃gü ga ngaxwa̱xegüxü̃ ga chianexü̃wa ne ĩxü̃. Rü yema duü̃xü̃gü rü ngĩxü̃ nanga̱xcupüme̱xẽgü ga yema taxre ga ngĩgüeya̱xgü rü ngĩxü̃ nanga̱xcuerugü mexẽchixü̃ ga nga̱xcueruxü̃maxã —ñanagürü.