Echequié 27:21 - Tupanaarü Ore

²¹ Rü yema Arábiaanecüã̱x rü guxü̃ma ga Quedáxtanüxü̃arü ãẽ̱xgacügü rü cuxü̃tawa nayataxegü. Rü carnéruxacügümaxã rü carnérugümaxã rü chíbugümaxã cuxü̃́ nanaxütanügü.

Echequié 27:21 Referans Kwoze

Ichaía 60:7

Rü ngẽma Quedáxanecüã̱xarü carnérugü rü pexrü tá nixĩgü. Rü ngẽma Nebaióxanearü carnérugü rü pexme̱xwa tá nangẽxmagü nax ãmare i namaxã chataãẽxü̃ cha̱u̱xca̱x piguxü̃ca̱x i chorü ãmarearü guruü̃wa. Rü choma rü tá yexera chanamexẽxẽ ya chopata ya taxü̃ne.

Naanearü ügüchiga 25:13

Rü naégagü ga Ismaé nanegü, rü gumá nüxíra bucüwa inaxügü rü ñu̱xmata gumá nawa iyacuácüwa nangu rü ñaagü nixĩ: Rü gumá nüxíra bucü nixĩ ga Nebaióx. Rü gumaweama ügüxü̃ nixĩ ga Quedáx, rü Axbeé, rü Mixcháü̃, rü Michimá, rü Dumá, rü Machá, rü Adá, rü Temá, rü Yetú, rü Napí, rü Quedemá.

Yeremía 25:24

Rü yema copuwa chayaxaxexẽẽgü ga guxü̃ma ga Arábiaanearü ãẽ̱xgacügü, rü guxü̃ma ga norü ãẽ̱xgacügü ga yema duü̃xü̃gü ga ínachianexü̃gu ãpatagüxü̃.

Ichaía 21:16

Rü Cori ya Tupana rü chomaxã nidexa rü ñanagürü: —Ñoma wüxi i puracütanüxü̃ i wüxi ya taunecüca̱x nüxü̃ ixunetaxü̃rüxü̃ tá nixĩ nax wüxi ya taunecü inguxgu rü tá nagúxü̃ i norü pora ya yima ĩane ya mexẽchine ya Quedáx.

Charumóü̃arü wiyae 1:5

Pa Ngecügü i Yerucharéü̃cüã̱xgüx, choma rü chawaxracha̱xmü, natürü chamechametü. Chawaxraxü̃ne yimá Quedáxcüã̱xarü ĩpatagürüxü̃. Rü chamexẽchi ñoma Charomóü̃arü ucapuarü düxmachiü̃rüxü̃.

Norü taxre ga to ga popera ga ãẽ̱xgacügüchiga ümatüxü̃ 17:11

Rü woo nümaxü̃ ga Firitéutanüxü̃ rü Yochapáxü̃tawa nanana ga norü ãmaregü, rü nüxü̃́ nanaxütanügü ga yema diẽru ga Yochapáx ueguxü̃. Rü yexgumarüxü̃ ta ga Arábiaanecüã̱x rü Yochapána nanamugü ga 7,700 ga carnérugü, rü yexgumaepü̱x ta ga chíbugü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:29

Rü Ismaé nane ga nüxíraü̃cü rü Nebaióx nixĩ. Rü gumá naigü ga nanegü ga Ismaé nixĩ ga Quedáx, rü Axbeé, rü Mixcháü̃, rü Michimá, rü Dumá, rü Machá, rü Adáx, rü Temá, rü Yetú, rü Napí, rü Quedemá. Rü yemagü nixĩ ga yema Ismaé nanegü.

Nüxíraxü̃xü̃ ga popera ga ãẽ̱xgacügüchiga 10:15

Rü yemaétü ngĩxü̃ nayaxu ga yema diẽru ga nüma ga ãẽ̱xgacü ngĩxü̃ unetacü nax naxütanügüãxü̃ca̱x ga taxepataxü̃arü yoragü rü yema togü ga taxetanüxü̃. Rü yexgumarüxü̃ ta ga guxü̃ma ga Arábiaanearü ãẽ̱xgacügü rü yema ãẽ̱xgacügü ga Iraéanearü üyechigümaxã icua̱xgüxü̃ rü ngĩxü̃ naxütanügü ga yema diẽru ga ãẽ̱xgacü ngĩxü̃ unetacü.

Wiyaegü 120:5

Rü chaugümaxã changechaü̃ erü natanüwa changexma i ngẽma Méchecüã̱xgü. Rü ngẽma Quedáxtanüxü̃ ínaxãchiü̃güxü̃gu chamaxü̃.

Ichaía 21:13

Pema i Arábiaanecüã̱x i taxetanüxü̃ i Dedáü̃wa ne ĩxẽ rü chianexü̃arü chuxchuxü̃necügu pegüxe ¡rü namawa tüxü̃ peyangu̱xẽxẽ ya yíxema duü̃xẽgü ya uanücha̱xwa ibuxmüxẽ, rü dexá tüxna pexã erü tita̱xawae! ¡Rü pemax, Pa Temácüã̱x, rü namawa tüxü̃ peyangu̱xẽxẽ ya yíxema duü̃xẽgü ya uanücha̱xwa ibuxmüxẽ rü õna tüxna pexã!

Yeremía 49:28

Ñaa nixĩ i Cori ya Tupanaarü ore nachiga i Quedáxtanüxü̃ rü Achóxtanüxü̃arü ãẽ̱xgacügü ga Nabucudonochó ya Babiróniaanearü ãẽ̱xgacü nüxü̃ rüporamaexü̃. Rü nüma ya Cori ya Tupana rü Nabucudonochóxü̃ ñanagürü: —¡Inaxũãchi rü naxca̱x íyagoõchi i ngẽma Quedáxtanüxü̃ i éstewa maxẽxü̃! ¡Rü nadai!

Ichaía 42:11

Rü pema i chianexü̃ rü ĩanegü̃ i chianexü̃wa ngẽxmagüxe ¡rü petaãxẽgü! Rü pema i Quedáxcüã̱x ¡rü petaãxẽgü! Rü pema i Cherácüã̱x rü name nixĩ nax yima ma̱xpǘnegüchitaeruwa taãxẽãcü rü tagaãcü pewiyaegüxü̃ nax Tupanaxü̃ picua̱xüxü̃güxü̃.

Yeremía 2:10

¡Rü ẽcü ngẽma nachixü̃anegü i yáxü̃wa ngẽxmagüxü̃wa pexĩ, rü peyangugü rü aixcüma ngẽma nachixü̃anecüã̱xgü rü norü tupanachicüna̱xãxgüxü̃ naxoe, ngẽma pema choxü̃ nax pexoexü̃rüxü̃! Rü woo ngẽma capaxũgü i oéstewa ngẽxmagüxü̃wa pexĩxgu, rüe̱xna Quedáxarü chianexü̃ i éstewa ngẽxmaxü̃wa pexĩxgu, rü ngéma rü taxũtáma nüxü̃ ipeyangau nax ngẽma nachixü̃anecüã̱xgü norü tupanachicüna̱xãxgüxü̃ naxoexü̃ woo tama aixcüma Tupanaxü̃chi nax yixĩxü̃. Natürü i pema i chorü duü̃xü̃gü nax pixĩgüxü̃ rü woo perü Tupana ya üünecü nax chixĩxü̃ rü choxü̃ pexoe naxca̱x i ngẽma tupananetachicüna̱xãgümare i taxuwama mexü̃.