Echequié 27:18 - Tupanaarü Ore

¹⁸ Rü yema Damácucüã̱xgü rü cuxü̃tawa naxca̱x nayataxegü ga muxü̃ma ga curü yemaxü̃gü ga itatanüxü̃. Rü nümagü rü Ebóü̃cüã̱x ga bínumaxã rü Chaáxcüã̱x ga carnéruta̱xamaxã cuxü̃́ nanaxütanügü.

Echequié 27:18 Referans Kwoze

Ichaía 7:8

Rü Damácu nixĩ ya Chíriaanearü ĩane ya taxü̃ne, rü Rechíü̃ nixĩ i Damácuwa ãẽ̱xgacü ixĩxü̃. Rü Chamária nixĩ ya Efraíü̃tanüxü̃arü ĩane ya taxü̃ne, rü Remaría nane nixĩ i Chamáriawa ãẽ̱xgacü ixĩxü̃. Natürü ngẽxguma marü 65 ya taunecüwa nanguxgu rü ngẽma Efraíü̃tanüxü̃ rü tá inarüxo nax wüxi i nachixü̃ane nax yixĩxü̃. Rü ngẽxguma pema rü taxũtáma aixcüma choxü̃́ peyaxõgügu, rü pema rü tá ta iperüxo” —ñanagürü ya Tupana.

Naanearü ügüchiga 15:2

Natürü ga Abráü̃ rü Cori ya Tupanaxü̃ nangãxü̃ rü ñanagürü nüxü̃: —¿Ta̱xacüwa choxü̃́ name i ngẽma ngü̃xẽxẽ i chomaxã nüxü̃ quixuxü̃? Erü meama nüxü̃ cucua̱x nax nataxuxü̃ma ya chaune. Rü ngẽmaca̱x i ngẽma tá chowena nayaxuxü̃ i chorü ngẽmaxü̃gü rü yimá chorü ngü̃xẽẽruxü̃ ya Eriéche ya Damácucüã̱x tá nixĩ —ñanagürü.

Naanearü ügüchiga 14:15

Rü yemaarü chütaxü̃gu rü Abráü̃ rü norü duü̃xü̃gümaxã yema ãẽ̱xgacügüxü̃ ínayabaixgü. Rü nawe ningẽxü̃tanü ñu̱xmata ĩane ga Obá ga Damácuarü nórtewa yexmanewa nangugü.

Yeremía 49:23

Rü ñanagürü ta: —Ñaa nixĩ i ore i Damácuca̱x ixĩxü̃. Rü yima ĩanegü ga Amá rü Arpáx rü naxoegaãẽgü, erü nachiga marü nüxna nangu i ore i chixexü̃. Rü poraãcü namuü̃e rü tama nataãẽgü.

Echequié 27:19

Rü yema Dáü̃tanüxü̃ rü Griégugü rü Ucháxwa cuxca̱x ne nanana ga fieru ga ipomüxü̃, rü canela, rü dexne ga iyixixü̃. Rü yemamaxã cuxü̃́ nanaxütanügü ga curü yemaxü̃gü.

Echequié 27:33

Rü yexguma cuxü̃tawa taxewa naxĩxgu ga yema togü ga nachixü̃anegü rü cuxü̃tawa nayexma ga guxü̃ma ga nanaxwa̱xegüxü̃. Rü yema muxũchixü̃ ga curü yemaxü̃gümaxã poraãcü cuyadiẽruã̱xẽxẽ ga guxü̃ma ga nachixü̃anegüarü ãẽ̱xgacügü.