Echequié 27:16 - Tupanaarü Ore

¹⁶ Rü yema Edóü̃cüã̱xgü rü cuxü̃tawa nayataxegü yerü namuxũchi ga curü yemaxü̃gü. Rü nümagü rü ngã̱xãẽruü̃gü ga granatemaxã rü naxchirugü ga idauxracharaü̃ ga ãmatüxü̃maxã rü naxpü ga línuchinaxca̱xmaxã rü ngã̱xãẽruü̃gü ga corálmaxã rü rubímaxã cuxü̃́ nanaxütanügü ga curü yemaxü̃gü.

Echequié 27:16 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 10:6

Natürü nüma ga Iraétanüxü̃ rü wenaxarü Cori ya Tupanape̱xewa chixexü̃ naxügü rü guxü̃raü̃xü̃ ga Baáchicüna̱xãxü̃ rü Ataréchicüna̱xãxü̃ nicua̱xüü̃gü. Rü yexgumarüxü̃ tá nüxü̃ nicua̱xüü̃gü ga Chíriacüã̱xgüarü tupanachicüna̱xãgü, rü Chidóü̃cüã̱xgüarü tupanachicüna̱xãgü, rü Moátanüxü̃arü tupanachicüna̱xãgü rü Amóü̃tanüxü̃arü tupanachicüna̱xãgü, rü Firitéugüarü tupanachicüna̱xãgü. Rü Cori ya Tupanaxü̃ narüngümae rü nüxü̃ narüxoe nax naxca̱x nangutaque̱xegüxü̃.

Echequié 28:13

Rü yexguma noxri cungo̱xgu, rü cuma rü wüxi ga nachica ga choma cuxca̱x chamexẽẽxü̃wa cuyexmachire̱x, ñoma Edéü̃rüxü̃. Rü cuma cungã̱xãxẽ namaxã ga naguxü̃raxü̃cü ga nuta ga ngã̱xãẽruü̃gü ga rubí rü crichólitu, rü yáde rü topáchiu, rü cornalina rü yáspe, rü chafíru rü granate rü esmeráda. Rü yema curü ngã̱xãẽruü̃gü rü cuxmachinügü rü úirunaxca̱x nixĩgü. Rü guxü̃ma ga yema curü ngã̱xãẽruü̃xü̃gü rü marü cuxca̱x ínamemare ga yexguma noxritama cungo̱xgu.

2 Chamué 15:8

Rü yexguma Chíriaanegu chaxãchiü̃gu ga Yechúxarü ĩanewa, rü choma nax curü duü̃xü̃ chixĩxü̃, rü yéma Cori ya Tupanamaxã nüxü̃ chixu rü ngẽxguma chi nüma choxü̃́ natauxchaxẽẽãgu ga Yerucharéü̃ca̱x nax chataeguxü̃ rü chi nüxü̃ chayarücua̱xüxü̃ namaxã i wüxi i chorü ãmare i naxca̱x chiguxü̃ —ñanagürü.

2 Chamué 10:6

Rü yexguma nüma ga Amóü̃tanüxü̃ nüxü̃ cua̱xgügu nax poraãcü Dabíxü̃ nanuxẽẽgüxü̃, rü yemaca̱x nüxü̃́ nanaxütanü ga 20,000 ga Chíriaanearü churaragü ga Bex-reóxcüã̱x, rü Chobácüã̱x, rü ñu̱xũchi 1,000 ga yatügü ga ãẽ̱xgacü ga Maacáarü churaragü rü 12,000 ga Ix-tóxarü churaragü nax nüxü̃ nangü̃xẽẽgüxü̃ca̱x.

2 Chamué 8:5

Rü yema Chíriaanecüã̱xgü ga Damácuwa maxẽxü̃ rü yéma naxĩ nax Chobáarü ãẽ̱xgacü ga Adáx-échexü̃ yanangü̃xẽẽgüxü̃ca̱x. Natürü ga Dabí rü nüxü̃ narüporamae, rü 22,000 ga Chíriaanecüã̱xgüxü̃ nadai.

Naanearü ügüchiga 28:5

Rü yemaacü ga Ichaá rü nane ga Acóbuxü̃ Padáü̃-aráü̃wa namu. Rü nüma ga Acóbu rü yéma naxũ, rü nata ga Labáü̃xü̃tawa nangu. Rü nüma ga Labáü̃ rü Betué ga Araméutanüxü̃ nane nixĩ. Rü Rebéca ga Acóbu rü Echaú naé rü Labáü̃eya̱x iyixĩ.

Naanearü ügüchiga 10:22

Rü Chéü̃ nanegü nixĩ ga Eráü̃, rü Achúx, rü Arpacháx, rü Lux rü ñu̱xũchi Aráü̃.

Echequié 16:10

Rü cuxü̃ nagu chicuxẽxẽ ga wüxi ga naxchiru ga mematüxü̃, rü ñu̱xũchi chinera ga mexü̃ ga naxcha̱xmünaxca̱x ixĩxü̃. Rü cuxü̃ namaxã chigoye ga wüxi ga goyexü̃ ga línuchinaxca̱x ixĩxü̃. Rü ñu̱xũchi wüxi ga naxchiru ga mexẽchixü̃gu cuxü̃ chicu̱xẽxẽ.

Echequié 16:13

Rü yemaacü, Pa Yerucharéü̃x, rü cunga̱xãxẽ namaxã i úiru rü diẽrumü rü cuxchirugü ga chédanaxca̱x rü línuchi ga meama ixümatüxü̃naxca̱x. Rü yema õna ga cungṍxü̃ rü paũ ga mexü̃ ga triguwa üxü̃, rü ira, rü oribuarü chíxü̃ nixĩ. Rü yemaacü yexera cumexẽchi rü ãẽ̱xgacü naxma̱xwa cungu.

Echequié 16:18

Rü yema cuxchirugü ga imematüxü̃gu cuyacu̱xgüxẽxẽ ga yema naxchicüna̱xãgü, rü nüxna cunaxãmare ga yema chorü chíxü̃ rü chorü pumarate̱xe.