Echequié 27:15 - Tupanaarü Ore

¹⁵ Rü yexgumarüxü̃ ta ga yema taxetanüxü̃ ga capaxũ ga Ródaxwa ne ĩxü̃ rü cuxü̃tawa nayataxegü. Rü muxü̃ma ga nachixü̃anegü ga márpechinüwa yexmagüxü̃ rü cuxü̃tawa nayataxegü. Rü nümagü rü marfíxmaxã rü mürapewagü ga ébanunaxca̱xmaxã cuxü̃́ nanaxütanügü ga curü yemaxü̃gü.

Echequié 27:15 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 18:12

Rü marü taxúetama naxca̱x nüxü̃́ tataxe i norü úiru, rü norü diẽrumü, rü norü nutaxacügü i ngã̱xãẽruü̃gü, rü naxpügü i línuchinaxca̱x i mexẽchixü̃ i dauxracharaxü̃ rü idauxcharaü̃ i ngéma nangegüxü̃. Rü ngẽxgumarüxü̃ ta taxúetama naxca̱x nüxü̃́ tataxe i naguxü̃raü̃xü̃ i norü naixchipanügü i yixixü̃, rü norü ngẽmaxü̃gü i marfínaxca̱x, rü norü ngẽmaxü̃gü i naigü i mexẽchixü̃wa naxügüxü̃, rü norü ngẽmaxü̃gü i cobrenaxca̱x, rü fierunaxca̱x, rü nuta i mármonaxca̱x i ngéma nangegüxü̃.

Nüxíraxü̃xü̃ ga popera ga ãẽ̱xgacügüchiga 10:22

Rü gumá norü wapurugü ga ãẽ̱xgacü ga Charomóü̃ rü Iráü̃arü wapurumaxã tomaepü̱x ga taunecüguwena wüxicanatama Tárchixwa naxĩĩxü̃. Rü yéma ne nananaxü̃ü̃xü̃ ga úiru rü diẽrumü rü marfí rü naeü̃gü ga õmegü rü pirugü.

Naanearü ügüchiga 10:7

Rü Cúx nanegü nixĩ ga Chebá, rü Abirá, rü Chaxtá, rü Raamá rü Chaxtecá. Rü Raamá nanegü nixĩ ga Chebá rü Dedáü̃.

Echequié 27:20

Rü yema Dedáü̃tanüxü̃ rü cuxü̃ namaxã nataxegü ga naxma̱xwe̱xegü ga cowaruétügu üxü̃.

Echequié 25:13

Rü ngẽmaca̱x i choma ya Cori ya Tupana rü ñachagürü: Choma rü tá chanapoxcue i ngẽma Edóü̃tanüxü̃ rü tá chanadai i norü yatügü rü naxü̃nagü. Rü tá nagu chapogü i norü ĩanegü. Rü ĩane ya Temáü̃wa tá inaxügü rü ñu̱xmatáta ĩane ya Dedáü̃gu yacuá nax taramaxã nayuexü̃ i norü duü̃xü̃gü

Yeremía 49:8

Pemax, Pa Ĩane ya Dedáü̃cüã̱x, ¡pibuxmü nax ãxmaxü̃gügu pegü peyarücu̱xgüxü̃ca̱x! Erü tá chanapoxcu i guxü̃ma i Edóü̃anecüã̱xgü i Echaútanüxü̃ ixĩgüxü̃. Rü marü nawa nangu i ngẽma ngunexü̃ i nagu tá chanapoxcuxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:32

Rü Queturá ga Abraáü̃ naxma̱xaba ixĩcü ngĩnegü nixĩ ga Chimráü̃, rü Yoxcháü̃, rü Medáü̃, rü Madiáü̃, rü Ichibáx, rü Chúa. Rü Yoxcháü̃ nanegü nixĩ ga Chebá, rü Dedáü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:9

Rü Cúx nanegü nixĩ ga Chebá, rü Abirá, rü Chaxtá, rü Raamá, rü Chaxtecá. Rü Raamá nanegü nixĩ ga Chebá, rü Dedáü̃.

Naanearü ügüchiga 25:3

Rü Yoxcháü̃ nanegü nixĩ ga Chebá rü Dedáü̃. Rü Dedáü̃tanüxü̃ nixĩ ga Achuréugü, rü Retuchéugü, rü ñu̱xũchi Leuméugü.

Ichaía 21:13

Pema i Arábiaanecüã̱x i taxetanüxü̃ i Dedáü̃wa ne ĩxẽ rü chianexü̃arü chuxchuxü̃necügu pegüxe ¡rü namawa tüxü̃ peyangu̱xẽxẽ ya yíxema duü̃xẽgü ya uanücha̱xwa ibuxmüxẽ, rü dexá tüxna pexã erü tita̱xawae! ¡Rü pemax, Pa Temácüã̱x, rü namawa tüxü̃ peyangu̱xẽxẽ ya yíxema duü̃xẽgü ya uanücha̱xwa ibuxmüxẽ rü õna tüxna pexã!

Echequié 38:13

Natürü, Pa Góx, ngẽma duü̃xü̃gü i Chabácüã̱xgü rü Dedáü̃cüã̱xgü, rü ngẽma taxetanüxü̃ ya ĩane ya Tárchixcüã̱xgü rü ñu̱xũchi ngẽma duü̃xü̃gü i náigü ya ĩanecüã̱xgü, rü tá cuxna nacagüe rü tá ñanagürügü: ‘¿Ẽ̱xna ngĩ́xwa nixĩ i nua cuxũxü̃? ¿Rü ẽ̱xna cunanutaque̱xe i curü churaragü nax ngẽmamaxã pegüaxü̃́ penadexü̃ca̱x i diẽrumü, rü úiru, rü naxü̃nagü rü togü i ngẽmaxü̃gü nax ngẽmaãcü peyanaxü̃ca̱x i muxü̃ma i mexü̃gü?’ ” ñanagürü.

Norü taxre ga to ga popera ga ãẽ̱xgacügüchiga ümatüxü̃ 9:21

Rü nüma ga ãẽ̱xgacü ga Charomóü̃ rü nüxü̃́ nayexma ga norü wapurugü ga Tárchixwa ĩĩxü̃ne. Rü Iráü̃arü duü̃xü̃gü nixĩ ga namaxã icua̱xgüxü̃. Rü wüxichigü ga tomaepü̱x ga taunecüguwena ínangugüxü̃ rü yéma ne nanana ga úiru, rü diẽrumü, rü marfí, rü naeü̃gü rü pirugü ga meruxü̃gü.