Echequié 27:13 - Tupanaarü Ore

¹³ Rü yexgumarüxü̃ ta ga yema taxetanüxü̃ ga Gréchiawa rü Tubáxwa rü Méchewa ne ĩxü̃ rü cuxü̃tawa naxca̱x nayataxegü ga curü yemaxü̃gü. Rü nümagü rü duü̃xẽgü ga mugüruü̃maxã rü yemaxü̃gü ga bróũchenaxca̱xmaxã cuxü̃́ nanaxütanügü.

Echequié 27:13 Referans Kwoze

Naanearü ügüchiga 10:2

Rü Yapéx nanegü nixĩ ga Góme, rü Magóx, rü Madái, rü Yabáü̃, rü Tubáx, rü Méche rü Tirá.

Ichaía 66:19

Rü wüxi i cua̱xruxü̃ tá nüxü̃ chawe̱x i ngẽma duü̃xü̃gü i maxẽxü̃. Rü togü i nachixü̃anegüwa tá chanamugü i Tárchixwa rü Líbiawa rü Lídiawa i ngextá mea würaarü maxü̃xü̃ ínacua̱xgüxü̃wa. Rü tá nawa chanamugü i Tubáxwa rü Gréchiawa rü ngẽma nachixü̃anegü i yáxü̃wa ngẽxmagüxü̃ i márpechinüwa i ngextá taguma chauchigaxü̃ ínaxĩnüexü̃wa rü taguma chorü poraxü̃ ínadaugüxü̃wa. Rü nümagü rü tá ngẽma nachixü̃anegüwa nüxü̃ nixugüe i chorü porachiga.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:13

Rü taxúetama naxca̱x nüxü̃́ tataxe i norü canela rü togü i norü üexü̃wemüxü̃gü i yixixü̃, rü pumarate̱xe i guruxü̃ ixĩxü̃, rü togü i pumaragü i yixixü̃, rü bínugü rü chíxü̃gü, rü arína i mexẽchixü̃, rü trigu i ngéma nangegüxü̃. Rü ngẽxgumarüxü̃ ta ngéma nanagagü i wocagü, rü carnérugü, rü cowarugü, rü carugü i cowaru itúchigüxü̃, rü duü̃xü̃gü i puracüruü̃gü. Rü ngẽmaãcü woo duü̃xẽgü rü ngéma tüxü̃ nagagü nax tümamaxã nataxegüxü̃ca̱x.

Echequié 39:1

—Cumax, Pa Yatüx, ¡Chauégagu Góxmaxã nüxü̃ ixu i norü poxcuchiga rü ñacurügü nüxü̃! “Cori ya Tupana rü ñanagürü, ‘Pa Góx ya Ĩanegü ya Méchemaxã rü Tubáxmaxã Icuáxex, choma rü chaugü chixu nax curü uanü chixĩxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:5

Rü Yapéx nanegü nixĩ ga Góme, rü Magóx, rü Madái, rü Yabáü̃, rü Tubáx, rü Méche, rü Tirá.

Joel 3:3

Rü ngẽma togü i nachixü̃anecüã̱xgü i duü̃xü̃gü rü sortéuãcü nügü nayanu ga chorü duü̃xü̃gü, rü tümamaxã nataxegü ga buxegü ga iyatüxe rü ingexe. Rü yemawena ga guxema buxegütanü rü bínugu rü ngexü̃gü ga ngĩxü̃negümaxã taxexü̃gu tüxü̃ nagu̱xẽẽgü ga guxema diẽru.

Echequié 32:26

Rü ngẽxgumarüxü̃ ta ngéma naxmaxü̃wa nangẽxma i Méche rü Tubáx namaxã i norü churaragü ga nacüwagu ta̱xgüxü̃. Rü guxü̃ma ga yema rü tama Tupanaaxü̃́ nayaxõgü. Rü poraãcü nanamuü̃xẽxẽ i ngẽma duü̃xü̃gü i maxẽxü̃, natürü nümagü rü daigu nayue.

Danié 11:2

Ñu̱xma rü tá cuxü̃ nüxü̃ chacua̱xẽxẽ i ngẽma aixcüma ixĩxü̃: Rü marü tomaepü̱x i ãẽ̱xgacügü Pérchiaanemaxã icua̱xguwena, rü tá nixücu i norü ãgümücü i ãẽ̱xgacü. Rü nüma rü tá ngẽma tomaepü̱xü̃arü yexera nadiẽruã̱xü̃chi. Rü ngẽma norü diẽrumaxã tá nügü ínarüpora rü Gréchiacüã̱xgümaxã tá nügü nadai.

Danié 10:20

Rü yexguma ga nüma ga yema naduü̃xü̃raxü̃xü̃ rü choxü̃ ñanagürü: —¿Nüxü̃ cucuáxü̃ nax ta̱xacüca̱x yixĩxü̃ i nua cuxü̃ íchayadauxü̃? Erü ñu̱xma rü wena tá namaxã togü tadai i ngẽma naãxẽ i chixexü̃ i Pérchiaanearü ãẽ̱xgacümaxã icuáxü̃. Rü ngẽxguma tá marü togü namaxã tadaixguwena rü tá ínangu i ngẽma naãxẽ i Gréchiaanearü ãẽ̱xgacümaxã icuáxü̃.

Danié 8:21

Rü ngẽma chíbu rü Gréchiaanearü ãẽ̱xgacüchiga nixĩ. Rü ngẽma naxchata̱xcure i naxetügüarü ngãxü̃wa ngẽxmaxü̃ rü ngẽma nixĩ i ngẽma nüxíraxü̃xü̃ i Gréchiaanearü ãẽ̱xgacü.

Echequié 27:19

Rü yema Dáü̃tanüxü̃ rü Griégugü rü Ucháxwa cuxca̱x ne nanana ga fieru ga ipomüxü̃, rü canela, rü dexne ga iyixixü̃. Rü yemamaxã cuxü̃́ nanaxütanügü ga curü yemaxü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:7

Rü Yabáü̃ nanegü nixĩ ga Erichá, rü Tárchix, rü Quitíü̃, rü Rodaníü̃.

Naanearü ügüchiga 10:4

Rü Yabáü̃ nanegü nixĩ ga Erichá, rü Tárchix, rü Quitíü̃ rü Rodaníü̃.

Wiyaegü 120:5

Rü chaugümaxã changechaü̃ erü natanüwa changexma i ngẽma Méchecüã̱xgü. Rü ngẽma Quedáxtanüxü̃ ínaxãchiü̃güxü̃gu chamaxü̃.

Echequié 27:12

Rü cumax, Pa Ĩane ya Tírux, rü namuxũchi ga curü yemaxü̃gü. Rü yemaca̱x muxü̃ma ga duü̃xü̃gü ga Tárchixwa ne ĩxü̃ rü cuxü̃tawa naxĩ nax naxca̱x yataxegüxü̃ca̱x ga curü yemaxü̃gü. Rü yema curü yemaxü̃gü rü cuxü̃́ nanaxütanügü namaxã ga diẽru rü fieru rü estáñu rü plomu.

Joel 3:6

Rü yáxü̃wama penagagü ga yema Yudáanecüã̱xgü rü Yerucharéü̃cüã̱xgü, rü ñu̱xũchi puracütanüxü̃xü̃ Griégugüxü̃ namaxã petaxegü.