Echequié 27:12 - Tupanaarü Ore

¹² Rü cumax, Pa Ĩane ya Tírux, rü namuxũchi ga curü yemaxü̃gü. Rü yemaca̱x muxü̃ma ga duü̃xü̃gü ga Tárchixwa ne ĩxü̃ rü cuxü̃tawa naxĩ nax naxca̱x yataxegüxü̃ca̱x ga curü yemaxü̃gü. Rü yema curü yemaxü̃gü rü cuxü̃́ nanaxütanügü namaxã ga diẽru rü fieru rü estáñu rü plomu.

Echequié 27:12 Referans Kwoze

Echequié 38:13

Natürü, Pa Góx, ngẽma duü̃xü̃gü i Chabácüã̱xgü rü Dedáü̃cüã̱xgü, rü ngẽma taxetanüxü̃ ya ĩane ya Tárchixcüã̱xgü rü ñu̱xũchi ngẽma duü̃xü̃gü i náigü ya ĩanecüã̱xgü, rü tá cuxna nacagüe rü tá ñanagürügü: ‘¿Ẽ̱xna ngĩ́xwa nixĩ i nua cuxũxü̃? ¿Rü ẽ̱xna cunanutaque̱xe i curü churaragü nax ngẽmamaxã pegüaxü̃́ penadexü̃ca̱x i diẽrumü, rü úiru, rü naxü̃nagü rü togü i ngẽmaxü̃gü nax ngẽmaãcü peyanaxü̃ca̱x i muxü̃ma i mexü̃gü?’ ” ñanagürü.

Ichaía 23:10

¡Pa Duü̃xü̃gü i Tárchixcüã̱xgüx, name nixĩ ipenaxügüe nax naanewa pepuracüexü̃ rü pitoegüxü̃, erü ngẽma türe i nawa wapurugü ngugüxü̃ rü marü nataxuma!

Nüxíraxü̃xü̃ ga popera ga ãẽ̱xgacügüchiga 10:22

Rü gumá norü wapurugü ga ãẽ̱xgacü ga Charomóü̃ rü Iráü̃arü wapurumaxã tomaepü̱x ga taunecüguwena wüxicanatama Tárchixwa naxĩĩxü̃. Rü yéma ne nananaxü̃ü̃xü̃ ga úiru rü diẽrumü rü marfí rü naeü̃gü ga õmegü rü pirugü.

Naanearü ügüchiga 10:4

Rü Yabáü̃ nanegü nixĩ ga Erichá, rü Tárchix, rü Quitíü̃ rü Rodaníü̃.

Yoná 1:3

Natürü nüma ga Yoná rü tama Tupanaga naxĩnü, rü naxca̱x nadau nax ñuxãcü naxcha̱xwa yaxũxü̃. Rü yemaca̱x Yópearü türewa naxũ, rü yexma nüxü̃ inayangau ga wüxi ga wapuru ga ixũãchichaxü̃ne ga Tárchixwa ũxũne. Rü gumawa nanaxütanü nax yexma yaxũxü̃ca̱x.

Echequié 27:18

Rü yema Damácucüã̱xgü rü cuxü̃tawa naxca̱x nayataxegü ga muxü̃ma ga curü yemaxü̃gü ga itatanüxü̃. Rü nümagü rü Ebóü̃cüã̱x ga bínumaxã rü Chaáxcüã̱x ga carnéruta̱xamaxã cuxü̃́ nanaxütanügü.

Echequié 27:16

Rü yema Edóü̃cüã̱xgü rü cuxü̃tawa nayataxegü yerü namuxũchi ga curü yemaxü̃gü. Rü nümagü rü ngã̱xãẽruü̃gü ga granatemaxã rü naxchirugü ga idauxracharaü̃ ga ãmatüxü̃maxã rü naxpü ga línuchinaxca̱xmaxã rü ngã̱xãẽruü̃gü ga corálmaxã rü rubímaxã cuxü̃́ nanaxütanügü ga curü yemaxü̃gü.

Yeremía 10:9

Rü ngẽma naxchicüna̱xãgü rü Tárchixwa ne naxü̃ i diẽrumünaxca̱x nixĩgü, rü Ufáwa ne naxü̃ i úirunaxca̱x nixĩgü. Rü yatügü i naxchicüna̱xãarü üxü̃ cuáxü̃ rü yatügü i úiruwa rü diẽrumüwa puracüxü̃ nixĩ i naxügüxü̃. Rü ñu̱xũchi nayaxüxchiru namaxã i naxchiru i dauxracharaxü̃ rü daucharaxü̃. Rü guxü̃ma i ngẽma naxchicüna̱xãgü rü yatügü i norü üxü̃ icua̱xüchixü̃ nixĩ i ínaxüxü̃xü̃.

Ichaía 23:14

¡Pa duü̃xü̃gü i wapurugu rüxĩĩĩxü̃ i Tárchixcüã̱xgü rü pexauxe, erü ngẽma Tíruarü türe i nawa pengugüüxü̃ rü marü nataxuma!

Ichaía 23:6

Rü ngẽma Equítuanecüã̱xgü rü tá ngẽma duü̃xü̃gü i wapuruãcuxü̃ ñanagürügü tá: —Name nixĩ i Tárchixca̱x pewoegu nax ngéma peyaxauxexü̃ca̱x —ñanagürügü tá.

Ichaía 2:16

Rü Tupana rü taxũtáma namaxã nataãxẽ i ngẽma nügü icua̱xüü̃güxü̃ rü nügügu rüxĩnüexü̃ nax ñoma Tárchixarü wapurugürüxü̃ yaporaxü̃ rü naigü ya wapurugü ya imexẽchínerüxü̃ yaporaxü̃.

Wiyaegü 72:10

Rü ngẽma Tárchixanearü ãẽ̱xgacü, rü Capaxũgüarü ãẽ̱xgacü, rü Chabáanearü ãẽ̱xgacü, rü Chebáanearü ãẽ̱xgacü, rü name nixĩ i guxü̃ma i ngẽma ãẽ̱xgacügü rü torü ãẽ̱xgacüxü̃tawa nanana i norü ãmaregü.

Nüxíraxü̃xü̃ ga popera ga ãẽ̱xgacügüchiga 22:48

Rü Yochapáx rü Tárchixcüã̱x ga wapurugü ínaxüxü̃ nax gumagügu úiruca̱x Ofíanewa naxĩxü̃ca̱x. Natürü tama yéma nangugü yerü Echióü̃-guébegu rü inayi ga guma wapurugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:12

Rü marü taxúetama naxca̱x nüxü̃́ tataxe i norü úiru, rü norü diẽrumü, rü norü nutaxacügü i ngã̱xãẽruü̃gü, rü naxpügü i línuchinaxca̱x i mexẽchixü̃ i dauxracharaxü̃ rü idauxcharaü̃ i ngéma nangegüxü̃. Rü ngẽxgumarüxü̃ ta taxúetama naxca̱x nüxü̃́ tataxe i naguxü̃raü̃xü̃ i norü naixchipanügü i yixixü̃, rü norü ngẽmaxü̃gü i marfínaxca̱x, rü norü ngẽmaxü̃gü i naigü i mexẽchixü̃wa naxügüxü̃, rü norü ngẽmaxü̃gü i cobrenaxca̱x, rü fierunaxca̱x, rü nuta i mármonaxca̱x i ngéma nangegüxü̃.

Echequié 27:11

Rü yema churaragü ga Arbáxcüã̱x rü curü churaragümaxã nüxna nadaugü ga curü poxeguxü̃tápü̱xgü. Rü yema churaragü ga Gamáxcüã̱x rü nüxna nadaugü ga curü dauxü̃taechicagü. Rü curü poxeguxü̃tapü̱xgüarü guxü̃cüwagu nanachogü ga norü poxü̃ruü̃gü. Rü yemaacü yexera cuxü̃ namexẽchixẽẽgü.

Echequié 27:13

Rü yexgumarüxü̃ ta ga yema taxetanüxü̃ ga Gréchiawa rü Tubáxwa rü Méchewa ne ĩxü̃ rü cuxü̃tawa naxca̱x nayataxegü ga curü yemaxü̃gü. Rü nümagü rü duü̃xẽgü ga mugüruü̃maxã rü yemaxü̃gü ga bróũchenaxca̱xmaxã cuxü̃́ nanaxütanügü.

Echequié 27:33

Rü yexguma cuxü̃tawa taxewa naxĩxgu ga yema togü ga nachixü̃anegü rü cuxü̃tawa nayexma ga guxü̃ma ga nanaxwa̱xegüxü̃. Rü yema muxũchixü̃ ga curü yemaxü̃gümaxã poraãcü cuyadiẽruã̱xẽxẽ ga guxü̃ma ga nachixü̃anegüarü ãẽ̱xgacügü.

Echequié 28:5

Rü ngẽma nüxü̃ nax cucuáxü̃ nax ñuxãcü cutaxexü̃ rü ngẽmagagu nimu i curü ngẽmaxü̃gü. Rü ñu̱xma rü ngẽma curü ngẽmaxü̃gümaxã cugü quicua̱xüxü̃.

Echequié 28:16

Natürü yema nax cumuarü ngẽmaxü̃ã́xü̃gagu rü poraãcü cumáeta rü ngẽmaãcü chixexü̃gu cungu. Rü yemagagu chaugüxü̃tawa cuxü̃ íchata̱xüchi nawa ya yima chorü ma̱xpǘne. Rü yema chorü orearü ngeruxü̃ i daxũcüã̱x ga cuxna dauchiréxü̃ rü cuxü̃ ínamuxũchi nawa ga yema nachica ga mexẽchixü̃ ga nawa cuyexmaxü̃.

Norü taxre ga to ga popera ga ãẽ̱xgacügüchiga ümatüxü̃ 9:21

Rü nüma ga ãẽ̱xgacü ga Charomóü̃ rü nüxü̃́ nayexma ga norü wapurugü ga Tárchixwa ĩĩxü̃ne. Rü Iráü̃arü duü̃xü̃gü nixĩ ga namaxã icua̱xgüxü̃. Rü wüxichigü ga tomaepü̱x ga taunecüguwena ínangugüxü̃ rü yéma ne nanana ga úiru, rü diẽrumü, rü marfí, rü naeü̃gü rü pirugü ga meruxü̃gü.