Echequié 26:9 - Tupanaarü Ore

⁹ Rü naxnegümaxã tá cuxca̱x ínayaxüãchi nax yawa̱xẽẽgüãxü̃ca̱x i curü poxeguxü̃tápü̱xgü rü curü dauxü̃taechicagü i curü poxü̃ruxü̃gü ixĩgüxü̃.

Echequié 26:9 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 26:15

Rü nüma ga Uchía rü Yerucharéü̃wa nanaxü ga máquinagü ga chuxchiarü ma̱xruü̃gü rü nuta ga itapütacüarü ma̱xruü̃gü. Rü yema máquinagü rü daxũtaechicaxü̃gügu rü Yerucharéü̃arü poxeguxü̃étügügu nananugü. Rü naporaxüchi ga Uchía yerü Tupana nüxü̃ narüngü̃xẽxẽ. Rü yemaacü guxü̃wama nangu ga yema nachiga.

Echequié 21:22

Rü yexguma nawonagütanügu ga naxnegü rü ãẽ̱xgacüarü tügünecüwagu nangu ga guma naxne ga Yerucharéü̃gu ãégane. Rü ngẽmawa nüxü̃ nacua̱x nax Yerucharéü̃cax tá íyachoõchixü̃ namaxã ga naxnegü. Rü ngẽmaãcü tá tagaãcü daica̱x nügüca̱x nacagü, rü yima ĩanearü ĩã̱xgügu tá napogüe, rü tá waixü̃mü nügüca̱x nagünagügü nax yima ĩanegu nachocuxü̃ca̱x, rü tá nüxü̃ ínachomaeguãchi ya yima ĩane.

Echequié 26:4

Rü ngẽma nachixü̃anegü rü tá nayawa̱xẽxẽgü i ngẽma curü poxeguxü̃tápü̱xgü. Rü ngẽxgumarüxü̃ tá ta nayawa̱xgüxẽxẽ i ngẽma curü dauxü̃taechicagü i poxü̃ruü̃gü. Rü yima curü ĩane rü tá nabáianemare rü nutaxica tá ínayaxü.

Echequié 26:8

Rü ngẽma duü̃xü̃gü i curü ĩanexacügüwa ngẽxmagüxü̃ rü tá taramaxã nanadai. Rü curü guxü̃cüwawa tá nanachixẽxẽgü i norü poxü̃ruü̃gü. Rü tá curü poxeguxü̃tápü̱xwa nanagünagü i waixü̃mü nax ngẽmawa cugu nachocuxü̃ca̱x i norü churaragü i poxü̃ruxü̃ã́xü̃.

Echequié 26:10

Rü ngẽxguma Babiróniaanearü ãẽ̱xgacü curü ĩã̱xwa yaxücuxgu nax cuxü̃ yapuxü̃ca̱x, rü ngẽma norü muxü̃ i cowarugü rü tá poraãcüma nanacaixanexẽxẽgü rü ngẽma waixü̃müte̱xe tá guxü̃wama cuétü nangu. Rü ngẽma nax natagatanüxü̃ i norü cowarugü rü carugü rü curü poxeguxü̃tápü̱xgü rü tá niyoyo.