Echequié 26:8 - Tupanaarü Ore

⁸ Rü ngẽma duü̃xü̃gü i curü ĩanexacügüwa ngẽxmagüxü̃ rü tá taramaxã nanadai. Rü curü guxü̃cüwawa tá nanachixẽxẽgü i norü poxü̃ruü̃gü. Rü tá curü poxeguxü̃tápü̱xwa nanagünagü i waixü̃mü nax ngẽmawa cugu nachocuxü̃ca̱x i norü churaragü i poxü̃ruxü̃ã́xü̃.

Echequié 26:8 Referans Kwoze

Echequié 21:22

Rü yexguma nawonagütanügu ga naxnegü rü ãẽ̱xgacüarü tügünecüwagu nangu ga guma naxne ga Yerucharéü̃gu ãégane. Rü ngẽmawa nüxü̃ nacua̱x nax Yerucharéü̃cax tá íyachoõchixü̃ namaxã ga naxnegü. Rü ngẽmaãcü tá tagaãcü daica̱x nügüca̱x nacagü, rü yima ĩanearü ĩã̱xgügu tá napogüe, rü tá waixü̃mü nügüca̱x nagünagügü nax yima ĩanegu nachocuxü̃ca̱x, rü tá nüxü̃ ínachomaeguãchi ya yima ĩane.

Yeremía 52:4

Rü yexguma 9 ga taunecü marü ãẽ̱xgacü yixĩxgu ga Chedequía ga Yudáanewa, rü gumá taunecüarü 10 ga tauemacügu rü nüma ga Nabucudonochó rü guxü̃ma ga norü churaragümaxã Yerucharéü̃ca̱x ínayaxüãchi rü nüxü̃ ínachomaeguãchi. Rü guma ĩanetapü̱xwa waixü̃mümaxã nanagünagügü nax yemawa nagu nachocuxü̃ca̱x ga guma ĩane.

Yeremía 32:24

Rü ñu̱xma i ngẽma Babiróniacüã̱x rü toxca̱x ínayaxüãchi rü torü ĩanetapü̱xwa waixü̃mümaxã nanagünagügü nax ngẽmawa nagu nachocuxü̃ca̱x ya daa ĩane. Rü ngẽma daigagu rü ngẽma taiyagagu rü ngẽma da̱xaweanegagu rü ngẽma Babiróniaanecüã̱xme̱xẽgu tá nangu ya daa ĩane. Pa Cori ya Tupanax, cuma rü marü nüxü̃ cudau nax ñu̱xma marü yanguxü̃ i ngẽma guxchaxü̃gü ga nüxü̃ quixuxü̃.

Yeremía 6:6

Rü nüma ya Cori ya Tupana ya Guxãétüwa ngẽxmacü rü ñanagürü: —¡Nai ne pedaxü̃ rü wüxi ya toxṍõne pexü̱x nax ngẽmaãcü naxca̱x ípeyaxüãchixü̃ca̱x ya yima Yerucharéü̃! Rü yima ĩane rü poxcu tá naxca̱x ínangu erü chixexü̃maxã nayapa.

2 Chamué 20:15

Rü yexguma ĩane ga Abé-béx-maacáwa nangugügu ga Yoáarü churaragü rü ĩanearü poxeguxü̃tapü̱xarü düxétüwa nanaxügü ga waixü̃müarü günagüxü̃ nax yemawa nagu nachocuxü̃ca̱x ga guma ĩane. Rü ñu̱xũchi guxü̃ma ga Yoáarü churaragü rü wüxigu inanaxügüe nax ĩanearü poxeguxü̃gu napogüexü̃ rü yemaacü nax yawáxü̃ca̱x ga naxtapü̱x.

Ore i mexü̃ ga Luca ümatüxü̃ 19:43

Rü tá guxchaxü̃gü pexü̃ naxüpetü. Rü perü uanügü rü perü ĩanearü guxü̃cüwawa tá nanagünagüane nax nawa nachopetüxü̃ca̱x i naxtapü̱x. Rü norü churaragü tá perü ĩanexü̃ ínachomaeguãchi, rü guxü̃cüwawa tá pexca̱x nichocu.

Echequié 26:9

Rü naxnegümaxã tá cuxca̱x ínayaxüãchi nax yawa̱xẽẽgüãxü̃ca̱x i curü poxeguxü̃tápü̱xgü rü curü dauxü̃taechicagü i curü poxü̃ruxü̃gü ixĩgüxü̃.

Abacú 1:10

Rü nümagü rü to i nachixü̃anegüarü ãẽ̱xgacügügu nidaucüraxü̃ rü nüxü̃ nacugüe i ngẽma duü̃xü̃gü i tachigagüxü̃. Rü nüxü̃ nacugüe i ngẽma ĩanearü poxeguxü̃tápü̱x erü nacüwawa rü waixü̃mümaxã nanagünagügü nax ngẽmaãcü nagu nachocuxü̃ca̱x rü yapugüãxü̃ca̱x ya yima ĩane.