Echequié 26:7 - Tupanaarü Ore

⁷ Rü choma ya Cori ya Tupana rü nórtewaama tá cuxca̱x íchanaxũxẽxẽ ya Babiróniaanearü ãẽ̱xgacü i Nabucudonochó i guxü̃ i ãẽ̱xgacügüxü̃ rüporamaexü̃. Rü nüma rü tá cuxca̱x ínayagoõchi, Pa Tírux, namaxã i muxü̃ma i norü churaragü i cowarugu ĩxü̃ rü carugu ĩxü̃ rü nacutügu ĩxü̃.

Echequié 26:7 Referans Kwoze

Danié 2:37

Rü cuma nixĩ, Pa Ãẽ̱xgacüx, i guxü̃ma i togü i ãẽ̱xgacügüétüwa cuxüxü̃ i ñu̱xmax, erü nüma ya Tupana ya daxũgucü rü cuxü̃ inamu nax ãẽ̱xgacü quixĩxü̃ca̱x rü cuporaxü̃ca̱x rü guxü̃ma i nachixü̃anegü cuxü̃ cua̱xüü̃güxü̃ca̱x.

Echequié 23:24

Rü nümagü rü muxü̃nema ya naweü̃ ya dairuxü̃maxã rü muxü̃ma i norü churaragümaxã tá cuxca̱x ínayachoõchi Rü guxü̃wama tá cuxü̃ ínachomaeguãchi. Rü nümagü rü meama nixãxne rü meama nixãpate̱xe rü meama ínapoxü̃ruxü̃ã̱xgü. Rü choma rü tá nüxü̃́ chanatauxchaxẽxẽ nax cuxü̃ napoxcuxü̃ca̱x. Rü nümagü rü ngẽma norü mugüwa nüxü̃ yaxuxü̃ãcü tá cuxü̃ napoxcugü.

Ochéa 8:10

Natürü woo ngẽma Achíriaanecüã̱xgüaxṹ naxütanügüãxgu natürü choma rü ngẽma togü i nachixü̃anegügu tá chanawoone. Rü ñuxre ya taunecü rü taxũtáma nüxü̃́ nangẽxma i noxrütama ãẽ̱xgacügü.

Danié 2:47

Rü yemawena rü Daniéxü̃ ñanagürü: —Aixcümaxü̃chima ya yimá perü Tupana nixĩ ya guxü̃ma i togü i tupanagüxü̃ rüporamaecü. Rü nüma rü guxü̃ma i ãẽ̱xgacügüarü Cori nixĩ. Rü nüma rü inanawe̱x i ngẽma ẽxü̃guxü̃ rü ngẽmaca̱x cuxü̃ nüxü̃ nacua̱xẽxẽ i ngẽma chaunegü —ñanagürü.

Yeremía 52:32

Rü mea namaxã inacua̱x rü yema togü ga ãẽ̱xgacügü ga Babiróniaanegu namaxã napoxcuexü̃arü yexera nüxü̃ narüngü̃xẽxẽ.

Yeremía 25:9

Rü naxca̱x tá changema i guxü̃ma i nachixü̃anegü i nórtewa ngẽxmagüxü̃ rü chorü mugüruxü̃ i Nabucudonochó ya Babiróniaanearü ãẽ̱xgacü. Rü nümagü rü tá nua naxĩ rü tá pexca̱x ínayaxüãchi, rü tá pexü̃ nadai, rü tá nanadai i guxü̃ma i nachixü̃anegü i perü ngaicamana ngẽxmagüxü̃. Rü ngẽmaãcü tá pexü̃ chagu̱xẽxẽ. Rü guxü̃gutáma pechicaxica tá ngéma nayaxǘ. Rü ngẽma duü̃xü̃gü i nüxü̃ daugüxü̃ rü tá poraãcü namaxã naba̱i̱xãchie rü namuü̃e.

Ichaía 10:8

Rü nüma i Achíriaanearü ãẽ̱xgacü rü ñanagürü: “Guxü̃ma i nachixü̃anegüarü ãẽ̱xgacügü rü cho̱xme̱xwa nangẽxmagü nax choma chanaxwa̱xexü̃ãcüma chanamuxü̃.

Echequié 26:3

Rü ngẽmaca̱x i choma ya Iraétanüxü̃arü Cori ya Tupana rü ñacharügü: “Pa Ĩane ya Tírux, choma rü tá cumaxã charüxuanü. Rü muxü̃tama i nachixü̃anegü rü tá cumaxã narüxuanügü. Rü ñoma már arü yuapegürüxü̃ tá cuxca̱x ínayaxüãchi.

Yeremía 25:22

Rü yema copuwa chayaxaxexẽẽgü ga guxü̃ma ga Tíruanearü ãẽ̱xgacügü rü Chidóü̃anearü ãẽ̱xgacügü, rü norü ãẽ̱xgacügü ga yema nachixü̃anegü ga Már Mediteráneuwa ügüxü̃ ga Dedáü̃tanüxü̃, rü Temátanüxü̃, rü Búxtanüxü̃, rü ñu̱xũchi guxü̃ma ga yema duü̃xü̃gü ga nügü ibáixpü̱xüerugüxü̃.

Yeremía 6:23

Nümagü rü würamaxã, rü wocaemaxã nixãxne, rü taxúexü̃ma nangechaxü̃gü, rü taxúexü̃ma nüxü̃́ tangechaxü̃tümüü̃gü. Rü ngẽxguma yacaetanügu rü ñoma már arü yuaperüxü̃ nixĩ nax natagaxü̃. Rü nümagü rü cowaruétügu naxĩ. Rü marü ínamegümare nax Chióü̃cüã̱xgümaxã nügü nada̱i̱xü̃ca̱x —ñanagürü.

Yeremía 4:13

Dücax, ngẽma tórü uanügü rü ñoma caixanexü̃rüxü̃ ningaicamaetanü, rü ngẽma norü carugü i dairuxü̃ rü ñoma buanecü ya poracürüxü̃ nixĩgü. Rü ngẽma norü cowarugü rü ĩyüxü̃ narüporamaegü. Rü yíxema rü marü taxuacüma tibuxmü.

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.