Echequié 26:18 - Tupanaarü Ore

¹⁸ Rü ñu̱xma nax marü icuyarüxoxü̃ rü ngẽma togü i nachixü̃anegü i már arü ngaicamawa ngẽxmagüxü̃ rü nidu̱xruxe. Rü ngẽma nax marü cutauxchicaxü̃ rü ngẽma capaxũgü i márwa ngẽxmagüxü̃ rü muü̃maxã nanapagü”.

Echequié 26:18 Referans Kwoze

Echequié 26:15

Pa Tírux, choma ya Cori ya Tupana rü ñacharügü cuxü̃: —Ngẽxguma ngẽma togü i nachixü̃anegü i márpechinüwa ngẽxmagüxü̃ nüxü̃ cuáchigagügu nax guxchawa cungexmaxü̃ rü nadaiaxü̃ i curü duü̃xü̃gü rü ngúxü̃ yangegüxü̃ i ngẽma yapiexü̃, rü nümagü i ngẽma nachixü̃anegü rü tá muü̃maxã nidu̱xruxe.

Echequié 27:35

Rü ngẽma cuxü̃ ngupetüxü̃gagu rü ngẽma nachixü̃anegü i márpechinüwa ngẽxmagüxü̃arü duü̃xü̃gü rü poraãcü namuü̃e. Rü ngẽma norü ãẽ̱xgacügü rü muü̃maxã nidu̱xruxe. Rü nachametüwa nango̱x nax poraãcü namuü̃exü̃.

Ichaía 41:5

Rü yema márpechinüwa yexmagüxü̃ ga nachixü̃anegücüã̱x rü yexguma norü uanüxü̃ nadaugügu nax norü churaragümaxã yéma ne naxũxü̃ rü guxü̃wama ga naanewa muü̃maxã nidu̱xruxe ga duü̃xü̃gü —ñanagürü ya Tupana.

Yeremía 49:21

Rü ngẽxguma Edóü̃ norü uanügümaxã nügü nadaixgu, rü norü uanügü nüxü̃ rüporamaegügu, rü tá natagatanüxü̃chi, rü ngẽmaca̱x tá nidu̱xruane. Rü ngẽma duü̃xü̃gü rü tá aita naxüe rü ngü̃xẽẽca̱x ínacagü. Rü ngẽma nax aita naxüexü̃ rü tá nüxü̃ naxĩnüe ñu̱xmata Már ya Dauchíüxü̃wa nangu.

Yeremía 50:46

Rü ngẽxguma Babirónia norü uanügüme̱xẽgu nanguxgu rü tá natagatanüxü̃chi, rü ngẽma naane rü tá nidu̱xru. Rü ngẽma nax aita naxüexü̃ i ngẽma Babiróniacüã̱x rü ñu̱xmata togü i nachixü̃anegüwa tá nangu i ngẽma naga —ñanagürü.

Echequié 31:15

Rü choma ya Cori ya Tupana rü ñacharügü: ‘Rü ngẽxguma nayu̱xgu ya yima ocayiwa rü waixü̃mütüü̃wa nangẽxmagu rü choma rü tá chanamu i ngẽma már i mátamaxü̃ nax norü ngechaü̃maxã yachexü̃ca̱x. Rü tá íchayachaxãchixẽxẽ i ngẽma natügü rü natüxacügü. Rü tá chanamu ya yima ma̱xpǘne ya Líbanu nax yima ocayiwaca̱x nangechaxü̃xü̃. Rü ngẽxgumarüxü̃ tá ta chanamu ya yima naigü ya naanewa rüxügüne nax nañe̱xgüxü̃ca̱x.