Echequié 26:17 - Tupanaarü Ore

¹⁷ Rü ngẽxguma rü tá ñaa yuetaarü wiyaegu cuchiga nawiyaegü: “Pa Ĩane ya Tírux, cuma rü curü duü̃xü̃gümaxã wüxi ya ĩane ya poraxüchichiréne quixĩ. Rü guxü̃ma i ñaa naanewa rü cuxü̃ nacua̱xgü rü curü duü̃xü̃gümaxã cunamuü̃xẽxẽ i nachixü̃anegü. ¿Natürü i ñu̱xmax rü ta̱xacü cuxü̃ nangupetü nax ñaa márcutüwa cutauxchicaxü̃?

Echequié 26:17 Referans Kwoze

Ichaía 14:12

Cuma rü marü dauxü̃wa icurünguxü̃ Pa Babiróniaanearü Ãẽ̱xgacüx i Ñoma Ngunetüxü̃arü Woramacurirüxü̃ Ibáixchiréxex. Rü ñu̱xma rü curütáe i cumax nax muxü̃ i nachixü̃anegüxü̃ curüporamaexü̃.

Echequié 19:1

Rü cumax, Pa Echequiéx, rü Iraétanüxü̃arü ãẽ̱xgacügüchiga nagu nawiyae i ñaa ngechaü̃arü wiyae:

Echequié 32:16

Rü ngẽma nixĩ i wüxi i ngechaü̃arü wiyae. Rü ngẽmaãcü tá nixĩ i namexü̃ nax nawiyaegüxü̃ i ngẽma togü i nachixü̃anegüarü ngexü̃gü i ngẽxguma Equítuaneca̱x rü ngẽma muxũchixü̃ i norü duü̃xü̃güca̱x naxauxegu. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Echequié 32:2

—Pa Yatüx, ¡nagu nawiyae i ñaa ngechaü̃arü wiyae i Equítuanearü ãẽ̱xgacü i Faraóü̃gu ixuxü̃ rü ñaxü̃! “Cumax, Pa Equítuanearü Ãẽ̱xgacü i Faraóü̃x, rü ñoma wüxi i leóü̃rüxü̃ quixĩ natanüwa i ngẽma togü i nachixü̃anegü. Rü cuma rü ñoma coya i taxü̃ i taxtü i Níruwa icháuxacüüxü̃rüxü̃ quixĩ. Rü cuparacutümaxã quichauxacüxü rü ícunabuxchixü i ngẽma dexá rü cunayuapexẽxẽ i ngẽma taxtü.

Echequié 19:14

Rü ngẽma nachacüügüwa rü ninai ya wüxi ya üxü, rü ngẽma ngexwaca rüxügüxü̃ i nachacüügü rü nixae wüxigu norü omaxã. Rü marü nataxuma ga nachacüügü ga iporaxü̃ nax ãẽ̱xgacügüarü naixmena̱xãwa nangugüxü̃. Rü ngẽma nixĩ i wüxi i ngechaü̃arü wiyae, rü name nixĩ i nagu pewiyaegü i ngẽxguma ngechaü̃ ínguxgu.

Ichaía 23:4

Natürü i ñu̱xma i pema i Chidóü̃cüã̱xgü rü poraãcü pexãnee. Rü noxri rü márgu pexca̱x ínangugüxü̃ i guxü̃ma i perü ngẽmaxü̃gü, natürü i ñu̱xma rü perü wapurugü ga márgu yarüüxü̃ne rü marü ínayachaxãchitanü. Rü ngẽmaca̱x ñoma wüxi i ngexü̃ i ãtéxü̃ i ngexacüxü̃rüxü̃ pixĩgü, rü poraãcü pengechaü̃gü.

Chofonía 2:15

Rü ngẽma tá nüxü̃ nangupetü ya yima ĩane ya nügü írütaxü̃ne rü norü poragu yaxõxü̃ne. Rü ngẽma duü̃xü̃gü i nawa maxẽxü̃ rü ñaãcü nidexagü rü ñanagürügü: “Taxuxü̃ma i nachixü̃ane i ñoma i naanewa ngẽxmaxü̃maxã nawüxigu i tochixü̃ane”, ñanagürügü. Natürü yima ĩane rü tá nangeãcu rü ngẽmaca̱x naeü̃gü i idüraexü̃ tá nawa namaxẽ. Rü ngẽma duü̃xü̃gü i norü ngaicamana chopetüxü̃ rü tá nüxü̃ nacugüe rü nanexáerugü.

Miquéa 2:4

Rü ngẽma ngunexü̃gu rü perü uanügü i pexü̃ igagüxü̃ rü ngechaü̃arü wiyaegu tá pexca̱x nawiyaegü. Rü pexü̃ nacugüãcüma tá ñaãcü nawiyaegü: “Aixcümaxü̃chi taxuwama time. Rü yíxema i Cori ya Tupanaarü duü̃xü̃gü rü togü i duü̃xü̃güme̱xẽwa tangexmagü rü taxúema taétüwa tachogü. Rü ngẽma taanegü rü nügü nayanugü i ngẽma tüxü̃ igagüxü̃”, ngẽmaãcü tá nawiyaegü —ñanagürü ya Tupana.

Abdía 1:5

Rü nüma ya Cori ya Tupana rü ñanagürü: —Ngẽxguma ngẽma ngĩ́ta̱xagüxü̃ rü chütacü curü ngẽmaxü̃ca̱x nangĩ̱xgügu, rü taxũchima guxü̃ma i curü ngẽmaxü̃güca̱x nangĩ̱xgü. Rü ngẽxguma cuanewa nangugügu i úbaarü oarü buxruü̃gü nax nabugüãxü̃ca̱x i curü úbaarü o rü tá ñuxretama i curü úbaarü oxya̱xa cuanewa nayaxüxẽẽgü. Natürü ngẽma curü uanügü rü ngẽxguma cuxca̱x íyaxüãchigu rü taxúexü̃táma ngéma nayaxüxẽxẽ.

Joel 1:18

Rü taiyamaxã narüdoxe i wocagü. Rü natüca̱xmamare maxẽ ne nadaugü i wocagü, rü ngẽma carnérugü rü niyuetanü.

Auxexü̃chiga 1:1

Ñu̱xma rü nangeãcumare ya daa ĩane ya Yerucharéü̃ ga ü̃pa muãcuchiréne. Rü ñoma wüxi i ngexü̃ i yutexü̃rüxü̃ nixĩ ya daa ĩane ga guxü̃nema ga Yudáanearü ĩanegüétüwa üchiréne. Rü guma ĩane ga tachirénearü duü̃xü̃gü rü ñu̱xma rü norü uanügüme̱xẽwa nangẽxma nax ngẽmagü poraãcü napuracüexẽẽxü̃ca̱x.

Yeremía 9:20

Pa Ngexü̃güx, ¡iperüxĩnüe i ngẽma Cori ya Tupanaarü ore, rü iperüxĩnüe i ngẽma nüxü̃ yaxuxü̃! ¡Rü penangúexẽxẽ i pexacügü nax naxauxexü̃! ¡Rü ngẽxgumarüxü̃ ta pemücügüxü̃ pengúexẽxẽ nax ñaãcü ngechaü̃ãcü naxauxexü̃!

Yeremía 7:29

¡Pa Yerucharéü̃cüã̱xgü, pegü ípeyoeyaegü, rü ípenawogü! ¡Rü ñu̱xũchi ínachianexü̃wa i ngüchitaeruxü̃güwa wüxi i ngechaü̃arü wiyaegu peyawiyaegü! Erü Cori ya Tupana rü pemaxã nanu, rü pexü̃ ínawogü, rü pexü̃ naxo.

Yeremía 6:26

Rü yexguma ga choma rü ñachagürü: —¡Pa Chorü Duü̃xü̃güx, ẽcü naxchiru i témüxü̃gu picu̱xgü nax ngẽmaãcü penawéxü̃ca̱x nax ngúxü̃ pingegüxü̃! ¡Rü tanimacate̱xegu pidixgü! ¡Rü pingechaü̃gü, rü taxü̃ i perü ngechaü̃maxã pexauxe ñoma nügümaxã wüxicáxü̃ i tane yu̱xgurüxü̃! Erü ngẽma tá tüxü̃ yadaixü̃ rü paxa tá nua tatanüwa nangugü —ñachagürü.

Ichaía 23:8

¿Rü texé tixĩ ya yíxema ãẽ̱xgacüarü ĩane ya Tírumaxã naxueguxe i ngẽma ñu̱xma ngupetüxü̃? Yima ĩanearü taxepataxü̃güarü yoragü rü natachigagü, rü norü taxetanüxü̃ rü guxü̃ma i togü i taxetanüxü̃ i ñoma i naanewa ngẽxmagüxü̃arü yexera nüxü̃ icua̱xüchixü̃ nixĩgü.

2 Chamué 1:19

“Pa Iraétanüxü̃x, rü ngẽma cumaxã poraexü̃ rü ma̱xpǘneanegu nayue. Rü dücax i ñuxãcü nayue i ngẽma iporaexü̃.

Yochué 19:29

Rü yéma rü yexma ínayapo ga norü üyeane rü Ramáwaama nada ñu̱xmata ĩane ga Tíru ga meama ípoxegunewa nada. Rü yéma rü Ocháwaama nada rü Már Mediteráneuwa inayarügo. Rü namaxã nanangauxẽxẽ ga 22 ga ĩanegü namaxã ga norü ĩanexacügü. Rü yema ĩanegütanüwa nayexma ga Maaréx, rü Achíx, rü Umá rü Aféx rü Reóx. Rü yema nixĩ ga naane ga Achétücumüarü duü̃xü̃güna üxü̃ norü ĩanegümaxã rü norü ĩanexacügümaxã.

Yeremía 48:39

¡Rü poraãcü naxca̱x pexauxe i Moáarü naane! Rü taxü̃ i muü̃wa nangẽxma erü norü ãnemaxã tüxna naxãca̱xwe̱xmare. Rü Moáane i ñu̱xma rü wüxi i ãũãchixü̃ nixĩ, rü wüxi i cugüruxü̃ nixĩ, rü wüxi i baixãchixẽẽruxü̃ nixĩ naxca̱x i guxü̃ma i ngẽma togü i nachixü̃anegü i nüxna ngaicamagüxü̃.

Yeremía 50:23

Babirónia rü ñoma wüxi i martíyurüxü̃ nixĩ naxca̱x i guxü̃ma i nachixü̃anegü i ñoma i naanewa ngẽxmagüxü̃, natürü Babirónia ga noxri martíyurüxü̃ ixĩxü̃ rü ñu̱xma rü marü nagu napogüe rü natüchixicatama ínayaxü. Rü ngẽma togü i nachixü̃anegü rü poraãcü naba̱i̱xãchi i ngẽxguma nüxü̃ nadaugügu i ngẽma taxü̃ i guxchaxü̃ i Babiróniaca̱x ínguxü̃.

Echequié 32:23

Rü ngẽma ãxmaxü̃arü ma̱xmaxü̃xü̃chixü̃gu nata̱xgü. Rü ngẽma Achíriaanearü churaragü rü poraãcü nanamuü̃xẽxẽ i ngẽma duü̃xü̃gü i ñu̱xma maxẽxü̃. Natürü ngẽma churaragü rü daigu nayue. Rü ngẽmagü nixĩ i ñu̱xma Achíriaanemaxü̃cüwagu nata̱xgüxü̃.

Echequié 32:27

Natürü tama yema nũxcümaü̃güxü̃ ga churaragü ga tama muü̃wa̱xexü̃tanügu nata̱xgü. Rü nümagü ga tama Tupanaaxü̃́ yaxõgüxü̃ rü poraãcü nanamuü̃xẽxẽ ga yema duü̃xü̃gü ga maxẽxü̃, natürü nayue rü naxnegümaxã nanata̱xgü. Rü norü taramaxã nacuxeruxü̃ã̱xgü, rü nügütanecagu nanaxǘgü ga norü poxü̃ruü̃gü.