Echequié 26:16 - Tupanaarü Ore

¹⁶ Rü guxü̃ma i norü ãẽ̱xgacügü i ngẽma nachixü̃anegü i már arü ngaicamawa ngẽxmagüxü̃, rü ngẽxguma tá nüxü̃ naxĩnüegu i ngẽma pexü̃ ngupetüxü̃, rü tá inachigü i norü tochicaxü̃wa rü tá ínacuxü̃ i norü ãẽ̱xgacüchirugü rü muü̃maxã tá waixü̃müwa narütogü. Rü poraãcü tá namuü̃e, rü taxũtáma ínayachaxãchi nax yadu̱xruxexü̃.

Echequié 26:16 Referans Kwoze

Echequié 32:10

Rü cugagu tá chanaxĩ̱xãchiãẽgüxẽxẽ i muxü̃ma i duü̃xü̃gütücumügü. Rü norü ãẽ̱xgacügü rü tá poraãcü namuü̃e i ngẽxguma nape̱xewa chanatúxuchigu i chorü tara. Rü ngẽxguma cuyu̱xgu i cumax, rü ngẽma togü i nachixü̃anegüarü ãẽ̱xgacügü rü tá norü muü̃maxã nidu̱xruxe rü nügüca̱x naxoegaãẽgü”.

Yoná 3:6

Rü yexguma Nínibearü ãẽ̱xgacüxü̃tawa nanguxgu ga yema dexa, rü nüma rü norü tochicaxü̃wa inachi rü ínacuxuchi ga norü ãẽ̱xgacüchiru rü témüxü̃ ga naxchirugu nicu̱x rü waixü̃müarü ãte̱xexü̃wa narütomare.

Ochéa 11:10

Rü choma rü ñoma wüxi i leóü̃rüxü̃ tá chataga rü chorü duü̃xü̃gü rü tá chauga naxĩnüe. Rü ngẽxguma tagaãcü naxca̱x chacaxgu rü nümagü rü nidu̱xruãcüma tá oéstewaama ne naxĩ.

Yox 8:22

Natürü ngẽma curü uanügü rü ãne tá ningẽgü. Rü napatagü i ngẽma chixexü̃arü üruü̃gü rü wüxicana tá inayarüxogü —ñanagürü ga Biridá.

Nüxíraxü̃xü̃ ga popera ga Pedru ümatüxü̃ 5:5

Rü ngẽxgumarüxü̃ ta i pemax, Pa Ngextü̱xücügüx, rü name nixĩ i naga pexĩnüe i ngẽma perü ãẽ̱xgacügü i Tupanaarü puracümaxã icua̱xgüxü̃. Rü guxãma i pema i yaxõgüxü̃, rü name nixĩ i wüxichigü mea pegüga pexĩnüe rü tama pegügu perüxĩnüe nax pemücügüarü yexera pixĩgüxü̃. Erü Tupanaarü ore i ümatüxü̃wa rü ñanagürü: “Tupana rü tama norü me nixĩ i ngẽma duü̃xü̃gü i nügü icua̱xüxü̃güxü̃. Natürü nüxü̃ narüngü̃xẽxẽ rü namaxã namecüma i ngẽma duü̃xü̃gü i tama nügü icua̱xüxü̃güxü̃”, ñanagürü i ngẽma ore.

Ichaía 3:26

Rü yima ĩanearü duü̃xü̃gü rü tá naxauxe. Rü norü yuetagüca̱x tá naxaure. Rü yima ĩanearü duü̃xü̃gü rü tá naxĩgü.

Wiyaegü 35:26

Rü ñu̱xma chanaxwa̱xe i ãne ningegü i ngẽma duü̃xü̃gü i taãẽgüxü̃ naxca̱x nax chixexü̃gu changuxü̃. Rü chanaxwa̱xe i guxü̃wama ãne ningegü i ngẽma nügü ixugüexü̃ nax choxü̃ nayexeragüxü̃.

Echequié 7:8

Rü ñu̱xmatatama pegu chananguxẽxẽ i ngẽma chorü nu rü ngẽxgumaxica tá nixĩ i charüngüxmüxü̃. Rü pexna tá naxca̱x chaca i ngẽma pecüma i chixexü̃. Rü ñu̱xũchi tá pexü̃ chapoxcue naxca̱x i guxü̃ma i ngẽma chixexü̃gü i nagu pemaxẽxü̃.

Auxexü̃chiga 2:10

Rü guma ĩane ya Chióü̃arü yaxguã̱xgü rü ngechaü̃maxã waixü̃müanewa narütogü, rü waixü̃müte̱xe nügüeru nagügü, rü naxchiru i techaraxü̃gu nicu̱xgü. Rü pacügü i Yerucharéü̃cüã̱xgü rü ngĩrü ãnemaxã waixü̃müanegu iyangücuchitanü.

Ichaía 52:2

¡Pa Yerucharéü̃cüã̱xgüx, ipechigü! ¡Marütama nax perü uanügüme̱xẽwa pengẽxmagüxü̃ rü pegümaxãtama ipecua̱xgüxü̃! ¡Pa Chióü̃cüã̱xgü, pema nax pepoxcuexü̃, rü ípeyawẽgü ya yimá cadénagü ya perü uanügü namaxã pexü̃ ichotanaxãgücü!

Ichaía 47:1

Rü ñanagürü ga Tupana: —Pa Babiróniacüã̱xgüx, noxri rü muxü̃ma ga nachixü̃anegümaxã ipecua̱xgü natürü i ñu̱xma rü marü peturae rü waixü̃müte̱xewa tá perütogü. Rü yima perü ĩane ga noxri wüxi i pacü i mexẽchicürüxü̃ ixĩxü̃ne rü duü̃xü̃gü rü marü tagutáma nüxü̃ nixugüe nax namexẽchixü̃.

Wiyaegü 132:18

Rü norü uanügü rü poraãcü tá chanaxãneexẽxẽ. Natürü i nüma ya ãẽ̱xgacü rü tá chanataxẽxẽ rü tá nüxna chanaxã i taxü̃ i pora —ñanagürü ga Cori ya Tupana.

Wiyaegü 109:29

Rü ngẽma chorü uanügü rü name nixĩ nax poraãcü naxãneexü̃. ¡Rü ngẽma norü ãne rü noxtacüma yadü̱xã i naxü̃ne ñoma wüxi i naxchirumaxã idü̱xü̱xü̃rüxü̃!

Wiyaegü 109:18

¡Rü ngẽma nacüma i chixexü̃, rü noxtacüma yadü̱xã i naxü̃ne ñoma wüxi i naxchirumaxã idü̱xü̱xü̃rüxü̃! ¡Rü naanügu rü naxchina̱xãgu noxtacüma naxücu i ngẽma chixexü̃ i nagu naxĩnüxü̃ ñoma dexá rüe̱xna chíxü̃ tagu ücuxü̃rüxü̃!

Ínachoxü̃xü̃chiga 15:15

Rü ngẽma Edóü̃anearü ãẽ̱xgacügü rü tá namuü̃e, rü ngẽma Moáanearü ãẽ̱xgacügü rü tá muü̃maxã nidu̱xrue. Rü guxü̃ma i ngẽma Canaáü̃anecüã̱xgü rü norü muü̃maxã tá nibuxmü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:9

Rü ngẽma togü i nachixü̃anegüarü ãẽ̱xgacügü ga guma ĩanewa poraãcü chixexü̃ yaxügüxü̃ rü meruü̃güwa yexmagüxü̃, rü tá poraãcü norü ngechaü̃maxã yima ĩaneca̱x naxauxe i ngẽxguma nüxü̃ nadaugügu i ngẽma üxüema i namaxã yaxãxü̃.

Ichaía 41:5

Rü yema márpechinüwa yexmagüxü̃ ga nachixü̃anegücüã̱x rü yexguma norü uanüxü̃ nadaugügu nax norü churaragümaxã yéma ne naxũxü̃ rü guxü̃wama ga naanewa muü̃maxã nidu̱xruxe ga duü̃xü̃gü —ñanagürü ya Tupana.

Yeremía 48:39

¡Rü poraãcü naxca̱x pexauxe i Moáarü naane! Rü taxü̃ i muü̃wa nangẽxma erü norü ãnemaxã tüxna naxãca̱xwe̱xmare. Rü Moáane i ñu̱xma rü wüxi i ãũãchixü̃ nixĩ, rü wüxi i cugüruxü̃ nixĩ, rü wüxi i baixãchixẽẽruxü̃ nixĩ naxca̱x i guxü̃ma i ngẽma togü i nachixü̃anegü i nüxna ngaicamagüxü̃.

Echequié 7:27

Rü nüma ya Yudáanecüã̱xarü ãẽ̱xgacü rü ñoma nayutanüxü̃rüxü̃ tá ngechaü̃ nüxü̃́ nangu̱x. Rü ngẽma ãẽ̱xgacü nane i duü̃xü̃gümaxã icuáxü̃ rü tá ta ngechaü̃ nüxü̃́ nangu. Rü nüma i Yerucharéü̃cüã̱x i duü̃xü̃gü rü norü muü̃maxã tá nidu̱xrue. Rü ngẽma nax tama mea namücügümaxã inacua̱xgüxü̃ãcü tátama namaxã ichacua̱x. Rü ngẽmatama poxcu i namücügümaxã naxuegugüxü̃ãcü tátama chanapoxcue. Rü ngẽmaãcü tá nixĩ i nüxü̃ nacua̱xgüxü̃ nax choma rü Cori ya Tupana nax chixĩxü̃” —ñachagürü.

Echequié 16:10

Rü cuxü̃ nagu chicuxẽxẽ ga wüxi ga naxchiru ga mematüxü̃, rü ñu̱xũchi chinera ga mexü̃ ga naxcha̱xmünaxca̱x ixĩxü̃. Rü cuxü̃ namaxã chigoye ga wüxi ga goyexü̃ ga línuchinaxca̱x ixĩxü̃. Rü ñu̱xũchi wüxi ga naxchiru ga mexẽchixü̃gu cuxü̃ chicu̱xẽxẽ.

Echequié 26:21

Rü choma rü wüxi i nachica i ãũcümaxü̃xü̃ tá cuxü̃ chixĩxẽxẽ rü ngẽmaãcü tá icuyarüxo. Rü tá cuxca̱x nadaugü i duü̃xü̃gü natürü tagutáma cuxü̃ nayangaugü. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Echequié 28:17

Rü yema nax cumexẽchixü̃gagu cugü quicua̱xüxü̃ rü nüxü̃ curüngü̃ma i curü cua̱x. Rü yemaca̱x ga choma rü cuxü̃ chiwa̱xẽxẽ nax wüxi ga cugüruxü̃ quixĩxü̃ca̱x nape̱xewa ga yema togü ga nachixü̃anegüarü ãẽ̱xgacügü.

Aguéu 2:22

Rü guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü rü tá ichayanaxoxẽxẽ i norü pora. Rü tá nagu chapogü i ngẽma ãẽ̱xgacügüarü tochicaxü̃gü. Rü tá chanangüegutanü i norü carugü i daiwexü̃ wüxigu namaxã i norü ũxẽẽruü̃gü. Rü tá nayue i norü cowarugü wüxigu namaxã i ngẽma nagu ĩxü̃. Rü wüxichigü rü tá naenexẽarü taragu tátama nayu.

Echequié 31:15

Rü choma ya Cori ya Tupana rü ñacharügü: ‘Rü ngẽxguma nayu̱xgu ya yima ocayiwa rü waixü̃mütüü̃wa nangẽxmagu rü choma rü tá chanamu i ngẽma már i mátamaxü̃ nax norü ngechaü̃maxã yachexü̃ca̱x. Rü tá íchayachaxãchixẽxẽ i ngẽma natügü rü natüxacügü. Rü tá chanamu ya yima ma̱xpǘne ya Líbanu nax yima ocayiwaca̱x nangechaxü̃xü̃. Rü ngẽxgumarüxü̃ tá ta chanamu ya yima naigü ya naanewa rüxügüne nax nañe̱xgüxü̃ca̱x.