Echequié 26:15 - Tupanaarü Ore

¹⁵ Pa Tírux, choma ya Cori ya Tupana rü ñacharügü cuxü̃: —Ngẽxguma ngẽma togü i nachixü̃anegü i márpechinüwa ngẽxmagüxü̃ nüxü̃ cuáchigagügu nax guxchawa cungexmaxü̃ rü nadaiaxü̃ i curü duü̃xü̃gü rü ngúxü̃ yangegüxü̃ i ngẽma yapiexü̃, rü nümagü i ngẽma nachixü̃anegü rü tá muü̃maxã nidu̱xruxe.

Echequié 26:15 Referans Kwoze

Echequié 27:35

Rü ngẽma cuxü̃ ngupetüxü̃gagu rü ngẽma nachixü̃anegü i márpechinüwa ngẽxmagüxü̃arü duü̃xü̃gü rü poraãcü namuü̃e. Rü ngẽma norü ãẽ̱xgacügü rü muü̃maxã nidu̱xruxe. Rü nachametüwa nango̱x nax poraãcü namuü̃exü̃.

Yeremía 49:21

Rü ngẽxguma Edóü̃ norü uanügümaxã nügü nadaixgu, rü norü uanügü nüxü̃ rüporamaegügu, rü tá natagatanüxü̃chi, rü ngẽmaca̱x tá nidu̱xruane. Rü ngẽma duü̃xü̃gü rü tá aita naxüe rü ngü̃xẽẽca̱x ínacagü. Rü ngẽma nax aita naxüexü̃ rü tá nüxü̃ naxĩnüe ñu̱xmata Már ya Dauchíüxü̃wa nangu.

Echequié 31:16

Rü ngẽxguma chanayuxẽẽgu ya yima ocayiwa rü tá niwa̱x rü tá natagaxüchi. Rü ngẽxguma ngẽmaxü̃ naxĩnüegu i ngẽma nachixü̃anegü rü norü muü̃maxã tá nidu̱xruxe. Rü ngẽma waixü̃mütüü̃wa ngẽxmagüxü̃ i chorü naigü i Edéü̃cüã̱xgü rü ngẽxma tá nayacua̱x nax nangechaxü̃güxü̃. Rü ngẽxgumarüxü̃ tá ta ya yima naigü ya mexẽchigüne i líbanucüã̱x ya mea mepǘnegüne rü ngẽxma tá nayacua̱x nax nangechaxü̃güxü̃.

Echequié 26:18

Rü ñu̱xma nax marü icuyarüxoxü̃ rü ngẽma togü i nachixü̃anegü i már arü ngaicamawa ngẽxmagüxü̃ rü nidu̱xruxe. Rü ngẽma nax marü cutauxchicaxü̃ rü ngẽma capaxũgü i márwa ngẽxmagüxü̃ rü muü̃maxã nanapagü”.

Echequié 32:10

Rü cugagu tá chanaxĩ̱xãchiãẽgüxẽxẽ i muxü̃ma i duü̃xü̃gütücumügü. Rü norü ãẽ̱xgacügü rü tá poraãcü namuü̃e i ngẽxguma nape̱xewa chanatúxuchigu i chorü tara. Rü ngẽxguma cuyu̱xgu i cumax, rü ngẽma togü i nachixü̃anegüarü ãẽ̱xgacügü rü tá norü muü̃maxã nidu̱xruxe rü nügüca̱x naxoegaãẽgü”.

Echequié 27:28

‘Rü ngẽxguma curü duü̃xü̃gü aixta üegu, rü ngẽma duü̃xü̃gü i márpechinüwa ngẽxmagüxü̃ rü muü̃maxã tá nidu̱xruxe.

Ichaía 2:19

Rü ngẽxguma Cori ya Tupana inaxügügu nax yaxĩã̱xcüüxẽẽãxü̃ i ñoma i naane, rü ngẽma duü̃xü̃gü i chixexü̃ ügüxü̃ rü norü muü̃maxã tá nutaarü ãxmaxü̃gu rü waixü̃müarü ãxmaxü̃gu nicu̱xgü na̱xcha̱xwa ya Cori ya Tupana ya üünecü rü poraãcü ãũcümacü.

Ichaía 41:5

Rü yema márpechinüwa yexmagüxü̃ ga nachixü̃anegücüã̱x rü yexguma norü uanüxü̃ nadaugügu nax norü churaragümaxã yéma ne naxũxü̃ rü guxü̃wama ga naanewa muü̃maxã nidu̱xruxe ga duü̃xü̃gü —ñanagürü ya Tupana.

Echequié 26:10

Rü ngẽxguma Babiróniaanearü ãẽ̱xgacü curü ĩã̱xwa yaxücuxgu nax cuxü̃ yapuxü̃ca̱x, rü ngẽma norü muxü̃ i cowarugü rü tá poraãcüma nanacaixanexẽxẽgü rü ngẽma waixü̃müte̱xe tá guxü̃wama cuétü nangu. Rü ngẽma nax natagatanüxü̃ i norü cowarugü rü carugü rü curü poxeguxü̃tápü̱xgü rü tá niyoyo.

Echequié 26:21

Rü choma rü wüxi i nachica i ãũcümaxü̃xü̃ tá cuxü̃ chixĩxẽxẽ rü ngẽmaãcü tá icuyarüxo. Rü tá cuxca̱x nadaugü i duü̃xü̃gü natürü tagutáma cuxü̃ nayangaugü. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.