Echequié 26:11 - Tupanaarü Ore

¹¹ Rü ngẽma norü cowarugü rü norü tüpatüruü̃maxã tá guxü̃ma i curü namagü napúma. Rü ngẽma norü churaragü rü taramaxã tá nanadai i curü duü̃xü̃gü. Rü yima nutagü ya itacü i curü ĩpatagüarü caxtagü ixĩgücü rü tá nayawa̱xgüxẽxẽ.

Echequié 26:11 Referans Kwoze

Ichaía 26:5

Rü nüma ya Cori ya Tupana rü nanapoxcue i ngẽma nügü írütagüxü̃. Rü ñu̱xũchi yima ĩane ya nügü írütaxü̃ne rü nanaxãnexẽxẽ ñu̱xmata waixü̃müanegu nangu nax ngẽmaãcü ngẽma duü̃xü̃gü i tama nügü icua̱xüü̃güxü̃ rü ngẽma ngearü diẽruã̱xgüxü̃ nagu púgüexü̃ca̱x —tá nawiyaegü.

Ichaía 5:28

Rü yima naxnegü rü meama nixãmagu, rü guxü̃nema ya norü würagü rü meama nipe̱xe̱xcunü. Rü norü cowaruarü nga̱xcueruü̃gü rü nutarüxü̃ nataixichi. Rü naga i nachicu i norü carugü rü ñoma wüxi ya buanecü ya taxüchicürüxü̃ nixĩgü.

Abacú 1:8

Rü norü cowarugü rü aixü̃ narüporamaegü, rü naixnecücüã̱x i airugüarü yexera nidürae. Rü norü churaragü i cowarugu ĩxü̃ rü muxü̃ inaxĩ. Rü nümagü rü ñoma ĩyü i naeü̃ca̱x yáxü̃wa ne ñaxü̃rüxü̃ nixĩgü.

Yeremía 51:27

¡Daiarü cua̱xruxü̃ ya wonera penawe̱x rü nachixü̃anegüwa peyacue i cornétagü nax Babiróniaanearü ĩaneca̱x ípeyaxüãchixü̃ca̱x i pema i togü i nachixü̃anegüarü ãẽ̱xgacügü i Araráanearü ãẽ̱xgacü, rü Miníanearü ãẽ̱xgacü, rü Aquenáanearü ãẽ̱xgacü! ¡Rü nüxü̃ pexuneta i wüxi i churaragüeru nax namaxã inacuáxü̃ca̱x i ngẽma churaragü i daiwa ĩxü̃! ¡Rü inaxĩãchi i ngẽma churaragü i cowaruétügu ĩxü̃ i ñoma munügü i guxü̃ i chixexẽẽxü̃rüxü̃ ixĩgüxü̃!

Yeremía 43:13

Rü tá nagu napogü i Equítuanearü tupananeta i Bex-cheméchicüna̱xãgü. Rü tá nawa nanangixichi ya napatagü ya Equítuanearü tupananetagü, ñanagürü ya Cori ya Tupana.