Echequié 25:4 - Tupanaarü Ore

⁴ Rü yemagagu rü choma rü tá éstewaama ngẽxmagüxü̃ i nachixü̃anegüme̱xẽwa pexü̃ changexmagüxẽxẽ, nax nümagü noxrüxü̃ nayauxgüãxü̃ca̱x i perü naane. Rü nümagü rü tá pechixü̃anewa naxĩ rü ngẽxma tá naxüpatagü rü ngéma tá namaxẽ. Rü guxü̃ma i penetügü i peanewa ngẽxmagüxü̃ rü tá namaxã naxãwemügü. Rü tá nayaxaxgü i perü lechi.

Echequié 25:4 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 6:33

Rü yemawena rü guxü̃ma ga Madiáü̃tanüxü̃ rü Amaréxtanüxü̃ rü duü̃xü̃gü ga éstewaama ne ĩxü̃, rü wüxigu nangutaque̱xe. Rü natü ga Yudáü̃ nichoü̃ rü Yereéarü metachinüxü̃wa nangugü rü yexma napegü.

Wenaxarü naxümatü ga Tupanaarü mugü 28:51

Rü ngẽma duü̃xü̃gü rü tá curü wocaxacügümaxã naxãwemü. Rü cuanegu cutoxü̃ i cunetügüarü o rü tá nayabuxgü ñu̱xmatáta taxuxü̃táma i norü o ngéma yaxǘgüxẽxẽ. Rü ngẽma curü tríguarü o, rü taxuxü̃táma ngéma nayaxügüxẽxẽ. Rü ngẽxgumarüxü̃ ta i curü bínu, rü chíxü̃, rü curü wocaxacügü rü curü carnéruxacügü rü taxuxü̃táma ngéma nayaxügüxẽxẽ. Rü ngẽmagagu tá taiyamaxã cuyu.

Wenaxarü naxümatü ga Tupanaarü mugü 28:33

Rü ngẽma curü naanegu cutoxü̃ i cunetüarü o i curü puracüwa ne ũxü̃, rü duü̃xü̃gü i ü̃paacü taguma nüxü̃ cucuáxü̃ tá nüxchiama nanangõ̱xgü. Rü ngẽmaãcü guxü̃gutáma chixri cumaxã inacua̱xgü rü chixri cumaxã nachopetü.

Ichaía 1:7

Rü pechixü̃ane rü naxnücüane i chianexü̃xü̃ nayanguxuchi, rü perü ĩanegü rü nixae rü niya̱u̱xragü. Rü ngẽma perü uanügü rü pepe̱xewa nanangõ̱xgü i ngẽma pema petogüxü̃ i penetüarü o. Rü guxü̃ma i perü naane rü naxnücüane i chianexü̃xü̃ nayanguxuchi yema Chodómaxü̃ ngupetüxü̃rüxü̃ ga yexguma yaxaxgu.

Nüxíraxü̃xü̃ ga popera ga ãẽ̱xgacügüchiga 4:30

Rü yemaacü ga Charomóü̃arü cua̱x rü Equítuanecüã̱xgüarü cua̱xü̃ nangupetü, rü yema duü̃xü̃gü ga éstewaama yexmagüxü̃arü yexera nixĩ ga norü cua̱x.

Ichaía 65:22

Rü taxũtáma texé taxüpata nax togue nawa maxü̃xü̃ca̱x. Rü taxũtáma texé tatoxe nax togue nangṍxü̃ca̱x. Rü ngẽma chorü duü̃xü̃gü rü tá mucü ya taunecü namaxẽ ñoma wüxi i nairüxü̃. Rü tá nanangõ̱xgü i ngẽma nümatama naxca̱x napuracüexü̃.

Ichaía 41:2

¿Rü texé tanango̱xẽxẽ i ngẽma ãẽ̱xgacü i éstewa ne ũxü̃ rü guxãxü̃ma rüporamaexü̃? ¿Rü texé nüxna tanamugü i ngẽma togü i nachixü̃anegü rü ñu̱xũchi nüxü̃ tanamuü̃xẽxẽ i ngẽma togü i nachixü̃anegüarü ãẽ̱xgacügü? Rü ngẽma ãẽ̱xgacü i éstewa ne ũxü̃ rü norü taramaxã rü norü würamaxã nanadai i ngẽma togü i nachixü̃anecüã̱x rü ñoma maxẽ i paxü̃rüxü̃ nanangianexẽxẽ.

2 Chamué 12:26

Yoxni nüma ga Yoá rü guma Amóü̃tanüxü̃arü ĩane ga Rabáca̱x ínayagoõchi. Rü yexguma marü yapugüchaü̃ãgu ga guma ĩane ga Amóü̃anearü ãẽ̱xgacü nawa yexmane, rü Dabíca̱x yéma namuga ga Yoá rü ñanagürü: —Marü Rabáca̱x íchayagoõchi rü ngẽma marü nüxna chayapuxü̃ nixĩ i ngẽma norü ĩanexacü i nüxna dauxü̃ i ngẽma nachica i dexá nawa nayauxgüxü̃.

Ãẽ̱xgacügü ga guxchaxü̃güarü mexẽxẽruü̃gü 8:10

Rü nüma ga Zéba rü Salmuná rü Cacówa nayexmagü namaxã ga 15,000 ga norü churaragü yerü yexicatama nixĩ ga guxü̃ma ga norü churaragü ga éstewaama ne ĩxü̃ ga íyaxügüxü̃, yerü daigu marü nayue ga 120,000 ga norü churaragü.

Ãẽ̱xgacügü ga guxchaxü̃güarü mexẽxẽruü̃gü 7:12

Rü yema Madiáü̃tanüxü̃ rü Amaréxtanüxü̃ rü yema duü̃xü̃gü ga éstewaama ne ĩxü̃ rü yema doxonexü̃gu nügü nawoonemare ñoma munügürüxü̃. Rü namuxũchi ga norü caméyugü ñoma naxnücüte̱xe ya márcutüwa ngẽxmacürüxü̃.

Iraétanüxü̃arü muxchiga 23:7

Rü nüma ga Balaáü̃ rü nüxü̃ nixu ga ñaa ore rü ñanagürü: —Yeama yáxü̃wa ínama̱xpǘneanexü̃wa i Aráü̃wa choxü̃ ne naxũxẽxẽ ya Baláx ya Moáanecüã̱xgüarü ãẽ̱xgacü. Rü ñanagürü choxü̃: “¡Nua naxũ rü chixexü̃ namaxã naxuegu i ngẽma Iraétanüxü̃ nax ngẽmaãcü chixexü̃ namaxã ngupetüxü̃ca̱x i Acóbutanüxü̃!” ñanagürü choxü̃.

Naanearü ügüchiga 29:1

Rü Acóbu rü ínixũchigü, rü düxwa yema duü̃xü̃gü ga éstewaama yexmagüxü̃arü naanewa nangu.

Auxexü̃chiga 1:14

Rü Cori ya Tupana rü marü nüxü̃ nadau i chorü pecadu i nümatama chowa yanaxĩcuchixü̃ ñoma wüxi i naixmena̱xã i toxcunaxãruxü̃. Rü ngẽma pecadu rü ñoma toxcunaxãruxü̃ ya yáxü̃nerüxü̃ choxü̃́ nayá. Rü marü nagu̱x i chorü pora. Rü nüma ya Cori ya Tupana rü chorü uanügüme̱xẽgu choxü̃ nanguxẽxẽ, rü ngẽmaca̱x taxucürüwa chaugü íchapoxü̃.