Echequié 25:1 - Tupanaarü Ore

¹ Rü nüma ga Cori ya Tupana rü chomaxã nidexa rü ñanagürü:

Echequié 25:1 Referans Kwoze

Echequié 24:27

Rü cumax, Pa Echequiéx, rü ngẽma ngunexü̃gu rü tá namaxã quidexa i ngẽma duü̃xü̃ i cumaxã nüxü̃ ixuxü̃ i ngẽma ngupetüxü̃. Rü cumatátama nixĩ i cua̱xruxü̃ quixĩxü̃ naxca̱x i ngẽma duü̃xü̃gü. Rü ngẽmaãcü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana” —ñanagürü choxü̃ ga Tupana.

Echequié 25:2

—Pa Yatüx, ¡Amóü̃tanüxü̃guama nadawenü rü chauégagu namaxã nüxü̃ ixu i norü poxcuchiga! ¡Rü namaxã nüxü̃ ixu nax nüxü̃ naxĩnüexü̃ i ñaa ore i choma ya Cori ya Tupana namaxã nüxü̃ chixuxü̃! Rü ñachagürü: “Pema rü taãẽãcüma aixta pexüe ga yexguma nagu napogüegu ga chopata rü guxchawa nayexmagu ga Iraéane. Rü pema rü nüxü̃ pecugüeama ga Yudátanüxü̃ ga yexguma ínayauxü̃güãgu nax to ga nachicawa nagagüãxü̃ca̱x.

Neemía 13:1

Rü yema ga ngunexü̃gügu rü duü̃xü̃güpe̱xewa nüxü̃ nadaumatü ga yema mugüpane ga Moiché ümatüxü̃. Rü yema mugüpanewa nüxü̃ inayangau ga ore ga ñaxü̃: —Ngẽma Amóü̃tanüxü̃ rü Moátanüxü̃ rü tama name nax Tupanaarü duü̃xü̃gütanüwa nangẽxmagüxü̃ —ñaxü̃.

Yeremía 12:14

Rü Cori ya Tupana rü ñanagürü: —Rü ngẽma togü i nachixü̃anecüã̱xgü i chixecümaxü̃ i Iraéanena ngaicamagüxü̃ rü marü nanachixexẽxẽ i ngẽma naane i Iraétanüxü̃na chaxãxü̃ nax guxü̃guma norü yixĩxü̃ca̱x. Rü choma rü norü naanewa tá íchanawoxü̃ i ngẽma togü i nachixü̃anegüarü duü̃xü̃gü i chixecümaxü̃. Rü ngẽma nachixü̃ane i nawa Yudáanecüã̱xgüxü̃ nagagüxü̃, rü choma rü tá ngẽma nachixü̃anewa íchanagaxü̃ i ngẽma Yudáanecüã̱xgü nax norü naaneca̱x nawoeguxü̃ca̱x.

Yeremía 25:21

Rü yexgumarüxü̃ ta yema copuwa chayaxaxexẽẽgü ga yema Edóü̃anecüã̱xgü, rü Moáanecüã̱xgü, rü Amóü̃tanüxü̃.

Yeremía 27:3

Rü chanaxwa̱xe i naxca̱x ngéma cunamu i wüxi i ore i Edóü̃anearü ãẽ̱xgacüca̱x, rü Moáanearü ãẽ̱xgacüca̱x, rü Amóü̃anearü ãẽ̱xgacüca̱x, rü Tíruanearü ãẽ̱xgacüca̱x, rü Chidóü̃anearü ãẽ̱xgacüca̱x ixĩxü̃. Rü ngẽma ore rü tá nüxü̃ cuyamu i ngẽma nachixü̃anegüarü orearü ngeruü̃gü i ãẽ̱xgacü ya Chedequíaxü̃ íyadaugüxü̃.

Yeremía 49:1

Ñaa nixĩ i Cori ya Tupanaarü ore i Amóü̃chiga. Rü yema Gáxarü naane, rü Iraétanüxü̃arüchire̱x nixĩ, natürü yema Iraétanüxü̃ rü tama chauga naxĩnüe. Rü ngẽmaca̱x i ngẽma naane rü ñu̱xma naxme̱xwa nangẽxma i ngẽma Amóü̃tanüxü̃ i tupananeta i Milcóü̃xü̃ icua̱xüü̃güxü̃.

Auxexü̃chiga 1:21

Rü guxü̃ma ga duü̃xü̃gü rü choxü̃ naxĩnüe ga nax chaxaxuxü̃, natürü tataxuma nax texé choxü̃ yataãẽxẽẽxü̃. Rü guxü̃ma i ngẽma chorü uanügü rü nüxü̃ nacua̱xgü nax ngúxü̃ choxü̃ quingexẽẽxü̃, Pa Chorü Corix. Rü ngẽmaca̱x nataãẽgü. ¡Rü naxca̱x ínanguxẽxẽ i ngẽma poxcu i namaxã cuxueguxü̃ nax nümagü rü ta chaurüxü̃ ngúxü̃ yangegüxü̃ca̱x!

Echequié 28:26

Rü ngéma rü tá taãẽãcüma namaxẽ rü taxúetama tanachixewegü. Rü tá naxüpatagü rü úbamaxã tá natoegü. Rü choma rü tá chanapoxcue i guxü̃ma i ngẽma nachixü̃anegü i nüxna ngaicamagüxü̃ i guxchaxü̃ naxca̱x ínguxẽẽxü̃. Rü ngẽmaãcü i ngẽma duü̃xü̃gü rü tá nüxü̃ nacua̱xgü nax choma yixĩxü̃ i Iraétanüxü̃arü Cori ya Tupana chixĩxü̃” —ñanagürü ga Tupana.

Echequié 32:29

Rü ngéma naxmaxü̃wa nangẽxma i Edóü̃ namaxã i norü ãẽ̱xgacügü rü norü ngü̃xẽẽruü̃gü. Rü woo nax naporaxüchichiréxü̃ natürü ngẽma daigu yuexü̃tanüwa nangẽxma, rü yema tama Tupanaaxü̃́ yaxõgüxü̃tanügu nata̱xgü.

Echequié 36:7

Rü ngẽmaca̱x i choma ya Cori ya Tupana rü namaxã chanaxuegu i ngẽma nachixü̃anegü i pexna ngaixcamagüxü̃ rü choma rü tá poraãcü chanaxãnexẽxẽ.

Joel 3:19

Rü Equítuane rü tá nachixe, rü Edóü̃ane rü wüxi i naane i ngextá taxúema íxãpataxü̃warüxü̃ tá nixĩ. Yerü Yudáchixü̃aneca̱x ínayaxüãchi rü nanadai ga duü̃xü̃gü ga taxuxü̃ma chixexü̃ ügüxü̃.

Amúx 1:13

Rü ñanagürü ya Cori ya Tupana: —Ngẽma Amóü̃cüã̱x rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü yema norü ĩnügü nixĩ nax nüxü̃ natanetagüchaü̃ ga yema norü naanegü. Rü yemaca̱x tüxü̃ narüwítepütüwegü ga guxema ngexegü ga itacharaü̃güxẽ ga Garaáxcüã̱xgü.

Abacú 1:17

¿Rü yadaxẽẽgüãxü̃ tá i ngẽma Cadéugü nax ñoma püchagu choxni iyaxuxü̃rüxü̃ duü̃xü̃güxü̃ ínayauxü̃xü̃? ¿Rü yadaxẽẽgüãxü̃ tá nax tama nüxü̃́ nangechaü̃tümüxü̃ãcüma nadaiãcuãxü̃ i wüxichigü i nachixü̃anegü?

Chofonía 2:8

Rü nüma ya Cori ya Iraétanüxü̃arü Tupana ya Guxãétüwa Ngẽxmacü rü ñanagürü: —Marü nüxü̃ chaxĩnü nax ñuxãcü ngẽma Moátanüxü̃ rü Amóü̃tanüxü̃ chorü duü̃xü̃güchiga chixri yadexagüxü̃. Erü nümagü rü chorü duü̃xü̃gümaxã naguxchigagü rü tümaarü naanegu nachocu. Rü ngẽmaca̱x i choma rü chauégagutama nüxü̃ chixu rü tá chayanaxoxẽxẽ i ngẽma Moátanüxü̃ rü Amóü̃tanüxü̃ guma ĩanegü ga Chodómarüxü̃ rü Gomórarüxü̃. Rü ngẽma norü naane rü tá chuxchuxü̃necü chayanguxuchixẽxẽ. Rü tá nayucüraane rü taxuxü̃táma i ta̱xacürü nanetü nawa narüxü, rü guxü̃gutáma nachipetüanemare. Rü ngẽma chorü duü̃xü̃gü i to i nachixü̃anewa gagüxü̃wa íyaxügüxü̃ rü tá nügüxü̃́ nanayauxgü i ngẽma Moátanüxü̃arü naane rü ngẽma Amóü̃tanüxü̃arü naane —ñanagürü.