Echequié 24:3 - Tupanaarü Ore

³ ¡Rü ngẽma Iraétanüxü̃ i tama chauga ĩnüechaü̃xü̃maxã nüxü̃ ixu i chorü ore i wüxi ya panerachigagu ixuxü̃! “¡Üxüwa naxü̃nagü ya wüxi ya panera, rü dexámaxã naxüãcu!

Echequié 24:3 Referans Kwoze

Echequié 20:49

Rü yexguma ga choma rü Tupanaxü̃ ñacharügü: —¡Pa Chorü Tupanax, ngẽma duü̃xü̃gü rü nüxü̃ nixugüe nax choma rü ore i taxúema nüxü̃ cuáxü̃maxã chidexaxü̃! —ñacharügü.

Echequié 11:3

Rü nümagü ga yema yatügü rü ñanagürügü: “Tama name nax paxa wena namexẽẽãxü̃ ya Yerucharéü̃arü ĩpatagü. Rü ñoma buetare i namachi nawa ngẽxmaxü̃rüxü̃ nixĩ ya daa ĩane nax mea ípoxexü̃güxü̃. Rü yíxema rü ñoma namachirüxü̃ tixĩgü nax mea tüxü̃ ínapoxü̃xü̃ ya daa ĩane”, ñanagürügü. ¡Rü ngẽmaca̱x chauégagu namaxã idexa! —ñanagürü ga Tupana.

Echequié 2:6

Rü cumax, Pa Yatüx ¡rü taxṹ i nüxü̃ cumuü̃xü̃! ¡Rü taxṹ i naxca̱x cumuü̃xü̃ ega cuxü̃ naxãxũnegügu rü ñoma tuxumaxã ícunumaeguãchigurüxü̃ cumaxã yixĩxgu rüe̱xna ñoma tuxchinawetanüwa cungexmagurüxü̃! ¡Rü taxṹ i curümaãchixü̃ ega chixri cuchiga yadexagügu! ¡Rü taxṹ i cubaixãchixü̃ ega numaxã cuxna nadaugügu i ngẽma duü̃xü̃gü i tama irüxĩnüechaü̃xü̃!

Echequié 2:3

Rü nüma ga Tupana rü ñanagürü choxü̃: —Cumax, Pa Yatüx, rü tá natanüwa cuxü̃ chamu i ngẽma Iraétanüxü̃ i tama chauga ĩnüexü̃ rü chomaxã nueamaxü̃. Rü nümagü rü ñu̱xma rü ta chomaxã nanueama yema norü o̱xigürüxü̃.

Ichaía 1:2

Pa Daxũguxü̃ i Naanecüã̱x rü Ñoma i Naanecüã̱x ¡rü iperüxĩnüe i ñaa Tupanaarü ore i ñaxü̃: —Yema chaunegü ga mea chayaexẽẽxü̃ rü ñu̱xma rü tama chauga naxĩnüe!

Echequié 24:6

Rü nüma ya Cori ya Tupana rü ñanagürü: —¡Wüxi i taxü̃ i ngechaü̃ nixĩ i cuxca̱x, Pa Máetatanüxü̃arü Ĩanex ya Yerucharéü̃x! Erü ngẽma curü chixexü̃ rü ñoma wüxi ya panera ya ãü̃cürüxü̃ nixĩ rü tama inayi i ngẽma curü ãũãchixü̃. ¡Rü ñu̱xmax i cumax, Pa Echequiéx, rü ínacuixü̃ i wüxichigü i ngẽma namachi ñu̱xmata nangeãcu ya yima panera!

Echequié 2:8

¡Mea irüxĩnü i ngẽma cumaxã nüxü̃ chixuxü̃! ¡Rü taxṹ i nümagürüxü̃ tama icurüxĩnüchaü̃xü̃! ¡Rü icho, rü nangõ̱x i ngẽma tá cuxna chaxãxü̃! —ñanagürü choxü̃.

Ichaía 30:9

Ñaa duü̃xü̃gü rü duü̃xü̃gü i tama ixĩnüechaü̃xü̃ rü tama yaxõgüchaü̃xü̃ nixĩgü. Rü tama norü Coriarü ucu̱xẽgü inarüxĩnüechaxü̃.

Ichaía 30:1

Nüma ya Cori ya Tupana rü ñanagürü: —Wüxi i ngechaü̃ nixĩ naxca̱x i ngẽma chaunegü i tama chauga ĩnüexü̃. Nümagü rü tama choxna nacagüãcüma nanaxü i ngẽma nagu naxĩnüexü̃ rü tama chauxü̃tagu naxca̱x nadaugü i chorü ucu̱xẽ. Rü ngẽmaãcü nanayexeraxẽxẽ i norü pecadugü.

Wiyaegü 78:2

Rü cua̱xruü̃gu ixuxü̃ i oreãcü tá pemaxã chidexa. Rü tá pemaxã nüxü̃ chixu i ore i ẽxü̃guxü̃ ga nũxcüma nüxü̃ cuáxü̃.

Ngechuchuarü ngúexü̃gü ga yamugüxü̃arü puracüchiga 7:51

Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.

Ore i mexü̃ ga Luca ümatüxü̃ 8:10

Rü Ngechuchu ñanagürü nüxü̃: —Tupana nanaxwa̱xe nax pemaxã nüxü̃ chixuxü̃ nax ta̱xacüchiga yixĩxü̃ i ngẽma ore i ẽxü̃guxü̃ i ñuxãcü ãẽ̱xgacü nax yixĩxü̃ i nümax. Natürü ngẽma togü i duü̃xü̃gü rü cua̱xruü̃gügu chayaxuãcüma namaxã nüxü̃ chixu i ore. Rü ngẽxguma woo nüxü̃ nadaugügu rü ñoma tama nüxü̃ nadaugüxü̃rüxü̃ nixĩgü, rü woo nüxü̃ naxĩnüegu rü ñoma tama nüxü̃ naxĩnüexü̃rüxü̃ nixĩgü —ñanagürü.

Ore i mexü̃ ga Márcu ümatüxü̃ 12:12

Rü yexguma ga yema chacherdótegüarü ãẽ̱xgacügü, rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Yudíugüarü ãẽ̱xgacügü, rü Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruü̃gu yaxuxü̃. Natürü duü̃xü̃güxü̃ namuü̃e rü yemaca̱x taxuxü̃ma namaxã naxüe. Rü nüxna yéma ínixĩmare.

Miquéa 2:4

Rü ngẽma ngunexü̃gu rü perü uanügü i pexü̃ igagüxü̃ rü ngechaü̃arü wiyaegu tá pexca̱x nawiyaegü. Rü pexü̃ nacugüãcüma tá ñaãcü nawiyaegü: “Aixcümaxü̃chi taxuwama time. Rü yíxema i Cori ya Tupanaarü duü̃xü̃gü rü togü i duü̃xü̃güme̱xẽwa tangexmagü rü taxúema taétüwa tachogü. Rü ngẽma taanegü rü nügü nayanugü i ngẽma tüxü̃ igagüxü̃”, ngẽmaãcü tá nawiyaegü —ñanagürü ya Tupana.

Echequié 12:25

Erü choma i Cori ya Tupana rü tá chidexa, rü ngẽma nüxü̃ chixuxü̃ rü paxatáma ningu. Rü pema, Pa Duü̃xü̃gü i Tama Chauga Ĩnuexü̃x, rü aixcüma tá nüxü̃ pedaugü. Choma rü tá chidexa, rü tá chayanguxẽxẽ i ngẽma nüxü̃ chixuxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Cori ya Tupana.

Echequié 11:11

Rü yima ĩane ya Yerucharéü̃ rü taxũtáma ñoma buetarerüxü̃ pexü̃ ínapoxü̃, rü pema rü taxũtáma ngẽma namachirüxü̃ mexü̃wa pengẽxmagü. Choma rü ngẽma Iraéanearü üyeanewa tá nixĩ i aixcüma perü chixexü̃ca̱x pexna chacaxü̃ nax pexü̃ chapoxcuexü̃ca̱x.

Echequié 11:7

Rü ngẽmaca̱x i choma i Cori ya Tupana rü pexü̃ ñachagürü: Yerucharéü̃ rü ñoma wüxi ya buetarerüxü̃ tá nixĩ, natürü ngẽma buetarearü namachi rü taxũtáma pema pixĩxgü, rü yíxema pema tüxü̃ pedaixe tá tixĩgü. Rü choma rü tá pexü̃ nawa íchamuxü̃ ya Yerucharéü̃.

Echequié 3:9

Rü aixcüma tá cuxü̃ chaporaxẽxẽxü̃chi nax ñoma diamánterüxü̃ rü ñoma nuta i taixü̃rüxü̃ cutaixü̃ca̱x nape̱xewa i ngẽma duü̃xü̃gü. ¡Rü taxṹ i nüxü̃ cumuü̃xü̃! ¡Rü taxṹ i nachametügümaxã cubaixãchixü̃ i ngẽxguma yexera chomaxã nanuegu! —ñanagürü choxü̃.

Yeremía 1:13

Rü nüma ga Cori rü wena chomaxã nidexa rü choxna naca rü ñanagürü: —¿Ta̱xacü nixĩ i nüxü̃ cudauxü̃? —ñanagürü. Rü choma rü chanangãxü̃ rü ñachagürü: —Nüxü̃ chadau ya wüxi ya buetare ya idocacü ya nórtewa ngẽxmacü rü súrguama baãcuchaü̃cü i Yudáarü naanewa —ñachagürü.

Ichaía 63:10

Natürü ga Iraétanüxü̃ rü tama Tupanaga naxĩnüe rü nananuxẽẽgü ga Naãxẽ ya Üünecü. Rü yemaca̱x ga nüma ga Tupana rü yema duü̃xü̃gümaxã narüxuanü rü namaxã nanaxunagü ga nax nadaiaxü̃.

Norü taxre ga popera ga ãẽ̱xgacügüchiga 4:38

Rü yemawena ga Erichéu rü Guirigáca̱x nataegu. Rü yexgumaü̃cüxü rü yema naanewa rü taiya nangu̱x. Rü wüxi ga ngunexü̃gu ga yexguma Erichéuxü̃ ínatomaeguãchigügu ga Tupanaarü orearü uruü̃gü, rü nüma ga Erichéu rü norü ngü̃xẽẽruü̃xü̃ ñanagürü: —¡Üxüétügu naxünagü ya yima buetare ya tacü rü ñu̱xũchi Tupanaarü orearü uruü̃güaxü̃́ naxü i wüxi i õna i dexechitanüxü̃! —ñanagürü.

Yeremía 1:14

Rü yexguma ga nüma ga Cori ya Tupana rü chomaxã nüxü̃ nixu rü ñanagürü: —Ngẽma taxü̃ i guxchaxü̃ i nórtewaama ixügüxü̃ rü tá nüxna nangu i guxü̃táma i duü̃xü̃gü i nua Yudáanewa maxẽxü̃.

Echequié 2:2

Rü yexguma chomaxã íyadexayane ga Tupana rü choxna nangu ga Naãxẽ, rü choxü̃ inachixẽxẽ. Rü yexguma mea nüxü̃ chaxĩnü ga naga ga yema chomaxã idexaxü̃.

Echequié 2:5

Rü ñanagürü ta: —Ngẽma duü̃xü̃gü i tama irüxĩnüechaü̃xü̃ rü ngẽxguma woo cuxü̃́ inaxĩnüegu rüe̱xna tama cuxü̃́ inaxĩnüegu, natürü tá nüxna nacua̱xãchie nax natanüwa marü nangẽxmaxü̃ i chorü orearü uruxü̃.