Echequié 24:21 - Tupanaarü Ore

²¹ Rü choxü̃ namu nax pemaxã nüxü̃ chixuxü̃ca̱x i norü ore i ñaxü̃: “Pa Iraétanüxü̃x, pema rü namaxã pegü picua̱xüü̃gü ya yima chopata ya taxü̃ne ya namaxã pegü íperüporaene. Natürü woo nax nüxü̃ pingechaü̃xü̃chixü̃ rü perü meruxü̃ nax yixĩxü̃ rü choma rü tá nagu chapogü. Rü ngẽma Yerucharéü̃wa yaxǘgüxü̃ ga penegü rü pexacügü rü taramaxã tá nayue.

Echequié 24:21 Referans Kwoze

Echequié 23:47

Rü nutagümaxã tá ngĩxü̃ nadai rü taramaxã tá ngĩxü̃ nacanagü. Rü tá ngĩnegüxü̃ rü ngĩxacügüxü̃ nadai, rü tá nayagu ya ngĩpatagü.

Echequié 23:25

Rü ngẽma chorü nu rü tá cugu chananguxẽxẽ. Rü nümagü i perü uanügü rü tá poraãcü chixri cumaxã nixĩgü. Rü cuxü̃ rü tá ínawieraü̃gü rü cuxü̃ ínawiepachinügü. Rü yíxema íyaxügüxe rü tá taramaxã tüxü̃ nadai. Rü tá cuxna tüxü̃ napuxü̃ ya yíxema cunegü rü cuxacügü. Rü yíxema íyaxügüxe rü tá tüxü̃ ínagu.

Yeremía 7:14

Rü ngẽmaca̱x guma chopata ga Chilówa yexmanemaxã chaxüxü̃ tátama namaxã chaxü ya daa chopata ga pexna chaxãxü̃ne rü nũxcümaü̃güxü̃ ga perü o̱xigüna chaxãxü̃ne. Rü ñu̱xma i pema rü daa chopatamaxã pegü íperüporae nax pexü̃ ínapoxü̃xü̃ca̱x.

Wiyaegü 27:4

Rü ngẽma Cori ya Tupanana naxca̱x chacaxü̃ rü choxü̃́ ngúchaü̃xü̃ rü wüxitama nixĩ. Rü ngẽma nixĩ nax guxü̃ma i chorü maxü̃gu Cori ya Tupanapatawa changexmaxü̃ nax ngẽmaãcü nüxü̃ chicua̱xüü̃xü̃ca̱x rü norü üünemaxã chataãẽxü̃ca̱x.

Echequié 24:16

—Pa Yatüx, cuma rü tüxü̃ cungechaü̃xüchi ya cuxma̱x, natürü i choma rü ngürüãchimare tá tüxna chanayaxu i tümaarü maxü̃. Rü tama chanaxwa̱xe nax tümaca̱x cuxaxuxü̃ rü cungechaü̃xü̃ naxrüxü̃ i ngẽma togü i duü̃xü̃gü ega nayutanügu. Rü bexma tá ngúxü̃ quinge. Rü tama chanaxwa̱xe nax ngepatexeãcü rü ngearü chapatuãcü quixũxü̃. Rü tama chanaxwa̱xe i cunangṍxü̃ i ngẽma paũ i ngẽma togü i duü̃xü̃gü ngṍxü̃ i ngẽxguma nayutanügu —ñanagürü choxü̃ ga Tupana.

Yeremía 6:11

Pa Corix, choma rü ta curüxü̃ poraãcüxüchi namaxã chanu i ngẽma duü̃xü̃gü i tama cuga ĩnüechaü̃xü̃. Rü tama yáxna chaxĩnü nax namaxã chanuxü̃ —ñachagürü. Rü yexguma ga nüma ga Cori ya Tupana rü ñanagürü choxü̃: —¡Ẽcü namaxã nanu i ngẽma namawa ngẽxmagüxü̃ i buxü̃gü rü ngẽma ngextü̱xü̃gütücumügü i chixexü̃gu maxẽxü̃! Rü ngẽma uanügü rü tá tüxü̃ ínayauxü̃ ya yíxema iyatüxe tümama̱xmaxã. Rü ngẽxgumarüxü̃ ta, tá tüxü̃ ínayauxü̃ ya yíxema o̱xigü rü yaxguã̱xgü.

Wiyaegü 84:1

Pa Cori Pa Tupanax ya Guxãétüwa Ücüx, rü namexẽchi ya cupata ya üünene.

Danié 11:31

Rü ngẽma norü churaragü rü tá chixexü̃ nawa naxügü ya yima Tupanapata ya taxü̃ne rü yima ĩane ya ípoxegune ya Yerucharéü̃. Rü tá inayanaxoxẽxẽ nax wüxichigü i ngunexü̃ Tupanaca̱x ãmare yagugüxü̃. Rü ngẽmatama ãmarearü guruü̃wa tá nayagugü i ngẽma Tupanaca̱x ãũãchixü̃.

Echequié 9:7

Rü yemawena rü nüma ga Cori ya Tupana rü yema yatügüxü̃ namu rü ñanagürü nüxü̃: —¡Chopata ya taxü̃newa pexĩ rü penaxãũãchixẽxẽ! ¡Rü yuexü̃maxã penapaxẽxẽ i naa̱xtü! —ñanagürü. Rü nüma ga yema yatügü rü ínachoxü̃ rü inanaxügüe ga nax nadaiaxü̃ ga yema ĩanecüã̱x ga duü̃xü̃gü.

Auxexü̃chiga 1:10

Rü nüma ga yema uanügü rü nügüaxü̃́ nanade ga guxü̃ma ga yema yemaxü̃gü ga Yerucharéü̃wa yexmagüxü̃. Rü yema Yerucharéü̃cüã̱xgü rü nüxü̃ nadaugü, Pa Tupanax, nax cupatagu nachocuxü̃ ga yema togü ga nachixü̃anecüã̱xgü i tama yaxõgüxü̃, woo cuma nüxü̃ quixu nax tama namexü̃ nax ngexerüxemare nagu ücuxü̃ ya yima cupata.

Yeremía 9:21

—Ngẽma yu rü tapatagüwa nangu, rü tórü ãẽ̱xgacügüpatawa nangu. Rü ngẽma uanügü rü namagügu tüxü̃ nadai ya buxegü, rü ñu̱xũchi plázagügu nanadai i ngextü̱xüxü̃gü.

Ichaía 65:11

Natürü i pema rü choxna pixĩgachitanü, rü nüxü̃ perüngümae ya yima chopata ya ma̱xpǘne ya üünexü̃wa ngẽxmane. Rü ñu̱xũchi ngẽma tupananetagü i Gáx i mexü̃ ueguxü̃, rü Mení i chixexü̃ ueguxü̃, rü pema rü õna rü bínu nüxna pexãgü.

Wiyaegü 132:8

¡Rü inachi, Pa Cori Pa Tupanax, rü cupatagu naxücu naxü̃tawa i curü mugüchixü̃ i curü poraarü cua̱xruxü̃ ixĩxü̃ nax ngéma cupatawa cungexmaxü̃ca̱x!

Wiyaegü 105:4

¡Rü naxca̱x pexĩ ya Corix ya Tupana, rü norü poraca̱x pedaugü! ¡Rü guxü̃guma norü ngü̃xẽẽca̱x pedaugü!

Wiyaegü 96:6

Rü nüma ínangexmaxü̃wa rü nangóone. Rü napatawa nangẽxma i pora rü guxü̃ma namexẽchi.

Wiyaegü 79:1

Pa Tupanax, ngẽma tama cuxü̃́ yaxõgüxü̃ rü naxca̱x ínayaxüãchi ya yima cupata ya üünene rü nanaxãũãchixẽxẽ. Rü nüma ya ĩane ya Yerucharéü̃ rü nagu napogüe.

Wiyaegü 74:7

Rü guma cupata ga üünene rü nagu nanangixgü rü nayawa̱xẽẽgü. Rü yemaacü nanachixexẽẽgü ga guma cupata.

Lebítanüxü̃arü puracüchiga 26:19

Rü ngẽxguma pegü picua̱xüü̃güamagu rü choma rü yexera tá guxchaxü̃ pexca̱x íchanguxẽxẽ. Rü tá chanamu nax tama napuxü̃ca̱x nax ngẽmaãcü tama naxoxü̃ca̱x i penetügü i peanewa ngẽxmagüxü̃.

Echequié 7:24

Rü choma rü tá ngéma chanamugü i togü i nachixü̃anecüã̱xgü i duü̃xü̃gü i chixecümaxü̃ nax ngẽmamaxã yayoraã́xü̃ca̱x ya napatagü i ngẽma Yerucharéü̃cüã̱xgü. Rü ngẽmaãcü tá chayanaxoxẽxẽ nax nügü yacua̱xüü̃güxü̃ i ngẽma yatügü i muarü ngẽmaxü̃ã̱xgüxü̃. Rü ngẽma nachicagü i nawa norü tupananetachicüna̱xãgüxü̃ yacua̱xüü̃güxü̃, rü tá chanamu i ngẽma norü uanügü nax nagu napogüexü̃ca̱x.

Echequié 24:20

Rü yexguma ga choma rü chanangãxü̃ rü ñacharügü: —Cori ya Tupana rü chomaxã nidexa.

Echequié 24:22

Rü ngẽxguma yanguxgu i ngẽma guxchaxü̃gü rü chauxrüxü̃ taxũtáma pexauxe rü taxũtáma perü ngechaü̃maxã pegü pidüchiwe rü taxũtáma penangṍxü̃ i ngẽma paũ i ngẽma togü i duü̃xü̃gü ngṍxü̃ i ngẽxguma nayutanügu.

Echequié 24:25

Rü ñu̱xma, Pa Echequiéx, rü choma rü tá Iraétanüxü̃na chanayaxu ya chopata ya taxü̃ne ya namaxã nügü ínapoxü̃güne. Rü ñu̱xma rü norü meruxü̃ nixĩ rü namaxã nataãẽgü rü nüxü̃ nangechaxü̃gü, rü poraãcü nüxü̃́ nangúchaü̃ nax nüxü̃ nadaunüechaxü̃. Natürü i choma rü tá nagu chapogü ya yima chopata rü tá Yerucharéü̃na chanade i nanegü rü naxacügü.

Echequié 33:28

Rü pechixü̃ane rü tá chianexü̃ i taxúema nagu ãpataxü̃ chayanguxuchixẽxẽ. Rü ngẽma perü pora i namaxã pegü picua̱xüü̃güxü̃ rü tá pexna chanayaxu. Rü Iraéanearü ma̱xpǘnegü rü tá nangeãcuanemare rü taxúetama nawa taxüpetü.

Ochéa 9:16

Rü pemax, Pa Iraéanecüã̱xgüx, rü guxchaxü̃wa pengẽxmagü, rü ñoma wüxi i nai i marü ipaxchuma̱xãxü̃ rü marü tama oxü̃rüxü̃ pixĩgü! ¡Rü woo pixãxacügügu, rü choma rü tá chanayuexẽxẽ! —ñanagürü ya Tupana.

Maraquía 2:12

Rü nüma ya Cori ya Tupana rü chierüna nua tachixü̃anewa iyanaxoxẽẽãgu i ngẽma duü̃xü̃gü i chixexü̃ ügüxü̃, rü nüetama ega woo ta̱xacürü duü̃xü̃ yixĩxgu rü woo ãmare ngéma Tupanapatawa nangexgu.

Wiyaegü 84:3

Rü woo i chirugü rü togü i werigü rü naxãchica i ngéma cupatawa nax ngẽxma naxüxchiãü̃güxü̃ca̱x, Pa Chorü Tupana Pa Chorü Ãẽ̱xgacü ya Guxãétüwa Ücüx.

Auxexü̃chiga 2:1

Cori ya Tupana rü poraãcü Yerucharéü̃maxã nanu, rü yemaca̱x ẽanexü̃ naétügu nanguxẽxẽ ga guma ĩane ga noxri mexẽchine. Rü yima Iraéanearü ĩane ga guxü̃nema ga Yudáanearü ĩanegüétüwa üchiréne rü Cori ya Tupana rü dauxü̃wa ne nanamu nax nagu napogüxü̃. Rü woo ga napata ga Chióü̃wa yexmane rü tama nüxna nacua̱xãchi.

Auxexü̃chiga 2:21

Rü ngẽma chorü ngextü̱xücügü rü pacügü rü yaxguã̱xgü rü taramaxã nanadai. Rü nüxü̃ tadau i ngẽma ngextü̱xücügü rü pacügü rü yaxguã̱xgü i yuexü̃ i ĩanearü namagüwa nuquegüxü̃. Rü ngẽma ngunexü̃ i nagu curü nu ínguxü̃ rü cunadai. Rü taxúema texé cuxü̃́ taxãũxãchitümüü̃gü.