Echequié 24:16 - Tupanaarü Ore

^16-17 —Pa Yatüx, cuma rü tüxü̃ cungechaü̃xüchi ya cuxma̱x, natürü i choma rü ngürüãchimare tá tüxna chanayaxu i tümaarü maxü̃. Rü tama chanaxwa̱xe nax tümaca̱x cuxaxuxü̃ rü cungechaü̃xü̃ naxrüxü̃ i ngẽma togü i duü̃xü̃gü ega nayutanügu. Rü bexma tá ngúxü̃ quinge. Rü tama chanaxwa̱xe nax ngepatexeãcü rü ngearü chapatuãcü quixũxü̃. Rü tama chanaxwa̱xe i cunangṍxü̃ i ngẽma paũ i ngẽma togü i duü̃xü̃gü ngṍxü̃ i ngẽxguma nayutanügu —ñanagürü choxü̃ ga Tupana.

Echequié 24:16 Referans Kwoze

Yeremía 22:10

¡Rü taxṹ i ãẽ̱xgacü ya yucü ya Yochíaca̱x pexauxexü̃! Rü narümemae nixĩ nax nane i Charúü̃ca̱x pexauxexü̃, erü nüma rü to i nachixü̃anewa nanagagü rü tagutáma nataegu. Rü ngẽxma tá nayu, rü tagutáma wena nüxü̃ nadau i ngẽma norü naane i nagu nabuxü̃.

Yeremía 13:17

Rü ngẽxguma taxũtáma ipexĩnüegu i ngẽma pemaxã nüxü̃ chixuxü̃, rü choma rü chaxica tátama chaxaxu nagagu nax pegü picua̱xüü̃güxü̃. Rü chauxetüwa tá inarüyaegü i ngẽma chauxgüxü̃etü, erü perü uanügü rü tá pexü̃ ínayauxü̃ rü tá pexü̃ nigagü i pemax nax Cori ya Tupanaarü duü̃xü̃gü pixĩgüxü̃ —ñanagürü ga Yeremía.

1 Tesalonicenses 4:13

Pa Chauenexẽgüx, tanaxwa̱xe nax nüxü̃ pecuáxü̃ i ta̱xacü tá namaxã naxüpetüxü̃ i ngẽma yuexü̃ nax tama pengechaü̃güxü̃ca̱x naxrüxü̃ i ngẽma togü i duü̃xü̃gü i taxuxü̃ma ínangu̱xuxẽẽgüxü̃ nax wena tá namaxẽxü̃ i ngẽma yuexü̃.

Echequié 24:18

Rü pa̱xmama rü namaxã chidexa ga duü̃xü̃gü, natürü yexguma nayáuanegu rü tayu ga cho̱xma̱x. Rü moxü̃ãcü rü chanaxü ga yema Tupana chomaxã nüxü̃ ixuxü̃.

Charumóü̃arü wiyae 7:10

Choma rü chaute ya choxü̃́ ngúchaü̃cüarü chixĩ. Rü nüma rü poraãcü nüxü̃́ changúchaü̃.

Auxexü̃chiga 2:18

Pa Mexẽchine ya Ĩane ya Chióü̃x, ¡Cori ya Tupanana ngü̃xẽẽca̱x naca! Rü name nax ngunecü rü chütacü cuxaxuxü̃ nax yayáxü̃ca̱x i cu̱xgüxü̃etü ñoma wüxi i natü iyaxü̃rüxü̃. ¡Rü taxṹ i nüxü̃ curüchauxü̃ nax cuxaxuxü̃!

Yeremía 16:5

Rü nüma ya Cori ya Tupana rü ñanagürü ta choxü̃: —¡Taxṹ i nagu cuxücuxü̃ ya wüxi ya ĩpata ya ngechaü̃ nawa ngẽxmane naxca̱x i wüxi i yuxü̃! ¡Rü taxṹ i cuxaxuxü̃ naxca̱x i ngẽma yuxü̃ rü taxṹ icunango̱xẽẽxü̃ nax naxca̱x cungechaxü̃xü̃ i ngẽma yuxü̃! Erü ñaa duü̃xü̃gü rü nüxna chayaxũgachixẽxẽ i chorü taãxẽ, rü chorü ngechaü̃, rü chorü ngechaü̃tümüxü̃. Rü choma ya Cori ya Tupana nixĩ i nüxü̃ chixuxü̃ i ngẽma.

Yeremía 9:18

¡Rü paxãma nua naxĩ, rü taxca̱x nua yaxauxe nax ngẽmaãcü i yíxema rü ta ixauxexü̃ca̱x rü taxgüxü̃xetümaxã napaxü̃ca̱x ya taxetügü rü tachipaxetügü!

Yeremía 9:1

Choma rü ngunecü rü chütacü naxca̱x chaxauxecha i ngẽma chorü duü̃xü̃gü i yuexü̃. Rü chierü ñoma wüxi i dexá i íchuxchuechaxü̃rüxü̃ yixĩxgu i chauxgüxü̃etü.

Ucu̱xẽgüchiga 5:19

Rü ñoma wüxi i cowü i ngexü̃ i taãẽxü̃rüxü̃ iyixĩ, rü ngẽmaca̱x tagutáma inatauxẽxẽ nax cuxü̃ nameãẽxü̃, rü guxü̃gutáma cuxü̃ ingechaü̃.

Yox 36:18

Rü ngẽmaca̱x ¡mea cugüna nadau nax tama cuxü̃ nawomüxẽẽxü̃ca̱x i curü diẽru rü curü ngẽmaxü̃gü!

Yeremía 22:18

Rü Cori ya Tupana rü Yudáanearü ãẽ̱xgacü ya Yoaquíü̃ ya Yochía nanechiga nidexa rü ñanagürü: —Taxúetama cuxca̱x taxaxu i ngẽxguma cuyu̱xgu. Rü taxúetama texé ñatagürü: “¡Ãẽ̱xgacüca̱x changechaü̃, Pa Chauenexẽ! ¡Rü ãẽ̱xgacüca̱x changechaü̃, Pa Chaueya̱x! ¡Rü ãẽ̱xgacüca̱x changechaü̃, Pa Corix! ¡Rü cuxca̱x tangechaxü̃, Pa ãẽ̱xgacüx!” ñatagürü. Rü ngẽmaãcü taxúetama cuxca̱x tangechaxü̃ i ngẽxguma cuyu̱xgu.

Echequié 24:15

Rü nüma ga Cori ya Tupana rü chomaxã nidexa rü ñanagürü choxü̃:

Lebítanüxü̃arü puracüchiga 21:4

Rü nümagü i chacherdótegü rü choma ichanamugü nax duü̃xü̃gümaxã inacua̱xgüxü̃ca̱x, rü ngẽmaca̱x tama name nax nüxü̃ yangógügüxü̃ i wüxi i yuxü̃ i tama natanüxü̃xüchi ixĩxü̃ nax ngẽmaãcü tama nügü yaxãũxãchixẽẽgüxü̃ca̱x.