Echequié 24:14 - Tupanaarü Ore

¹⁴ Rü ngẽma nagu charüxĩnüxü̃ rü taxũtáma chanaxüchicüxü, rü chomatátama chayanguxẽxẽ. Rü cuxü̃ tá chapoxcu nagagu ga cucüma ga nagu cumaxü̃xü̃ rü nagagu ga guxü̃ma ga yema chixexü̃ ga cuxüxü̃. Rü taxũtáma choxü̃́ cuxauxãchitümüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma chorü ore, rü ngẽmaãcü tá chanaxü —ñanagürü ga Cori ya Tupana.

Echequié 24:14 Referans Kwoze

Ore i mexü̃ ga Matéu ümatüxü̃ 16:27

Erü Tupana Nane ya duü̃xü̃xü̃ ixĩcü rü wena táxarü núma naxũ. Rü Chaunatü ya Tupanaarü poramaxã rü daxũcüã̱x i orearü ngeruü̃gümaxã tá ínangu. Rü ngẽxguma tá nixĩ i nüxü̃́ naxütanüãxü̃ i wüxichigü i duü̃xü̃ naxca̱x i ngẽma naxüxü̃.

Echequié 18:30

Rü dücax, Pa Iraétanüxü̃, rü choma rü wüxíechigüna tá chaca naxca̱x i ngẽma chixexü̃ i pexügüxü̃. Rü choma ya Cori ya Tupana nixĩ i pemaxã nüxü̃ chixuxü̃ i ngẽma. ¡Rü wüxicana nüxna pixĩgachitanü i ngẽma perü chixexü̃gü nax ngẽmaãcü tama ngẽma perü chixexü̃gagu pepoxcuexü̃ca̱x!

Ichaía 3:11

Natürü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃ i chixexü̃gu maxü̃xü̃. Rü ngẽma chixexü̃ i naxüxü̃gagu rü tá guxchaxü̃ naxca̱x ínangu. Erü Cori ya Tupana rü ngẽma chixexü̃ i naxüxü̃ca̱x tá nanapoxcu.

Echequié 9:10

Natürü taxũtáma choxü̃́ nangechaü̃tümüxü̃ i ngẽma duü̃xü̃gü, rü nüxna tá chaca naxca̱x ga yema chixri nax namaxẽxü̃ —ñanagürü.

Echequié 7:4

Rü marü taxũtáma choxü̃́ pengechaxü̃tümüxü̃gü. Rü ngẽma pecüma i chixexü̃gagu tá pexü̃ chapoxcu nax ngẽmaãcü penaxütanüxü̃ca̱x ga yema chixexü̃gü ga pexügüxü̃. Rü pema rü ngẽmaãcü tá nüxü̃ picua̱xãchitanü nax choma chixĩxü̃ ya Cori ya Tupana” —ñanagürü.

Echequié 5:11

Rü choma nax Cori ya Tupana chixĩxü̃ rü chauégagu poxcu pemaxã chaxuegu. Yerü ga pema rü penaxãũãchixẽxẽ ga guma chopata ya üünene namaxã ga perü naxchicüna̱xãgü ga ãũãchixü̃ rü pecümagü ga chixexü̃. Rü ngẽmaca̱x i choma rü tá pexü̃ chadai. Rü taxũtáma pemaxã chixãũxãchi rü taxũtáma choxü̃́ pengechaxütümüxü̃gü.

Yeremía 23:20

Rü ngẽma norü nu ya Cori ya Tupana rü taxũtáma ínayachaxãchi ñu̱xmata yanguxẽẽã i ngẽma nagu naxĩnüxü̃. Rü tá ínangugü i ngunexü̃gü i nagu tá aixcüma nagu perüxĩnüexü̃ i ngẽma pexü̃ ngupetüxü̃, rü tá aixcüma nüxü̃ pecua̱x nax ta̱xacüchiga yixĩxü̃ i ngẽma pexü̃ ngupetüxü̃.

Yeremía 13:14

Rü ngẽmawena i choma rü tá nügü chanadaixẽxẽ i ngẽma duü̃xü̃gü. Rü ñoma tüxü̃ yapuxẽẽxü̃rüxü̃ tá nügü nixĩgüxẽxẽ. Rü ngẽxgumarüxü̃ ta i ngẽma nanatügü rü nanegümaxã tá nügü nadai. Rü taxũtáma choxü̃́ nangechaxü̃tümüxü̃gü. Rü taxũtáma nüxü̃́ nüxü̃ charüngüma i norü chixexü̃ i naxügüxü̃. Rü choma rü tá ichayanaxoxẽxẽ, rü taxũtáma nüxü̃ changechaü̃. Rü chomatama ya Cori ya Tupana nixĩ i nüxü̃ chixuxü̃ i ngẽma’ ” —ñanagürü ya Cori ya Tupana.

Ichaía 55:11

Rü ngẽxgumarüxü̃ ta nixĩ i ngẽma chorü ore i cha̱u̱a̱xwa ixũxũxü̃. Rü taxũtáma ngẽmaãcümare cha̱u̱xca̱x nataegu. Rü ngẽma chorü oregagu rü tá ningu rü tá naxü i ngẽma choma chanaxwa̱xexü̃ rü ngẽma nüxü̃ chixuxü̃.

Wiyaegü 33:9

Yerü nüma rü norü dexamaxã guxü̃ma naxü. Rü nanamu rü guxü̃ma mea inanu.

1 Chamué 15:29

Erü yimá Tupana ya Iraétanüxü̃maxã poracü rü tama nidora, rü taguma nanaxüchicüxü i ngẽma nagu naxĩnüxü̃ erü tama wüxi i duü̃xü̃marerüxü̃ nixĩ —ñanagürü.

Iraétanüxü̃arü muxchiga 23:19

Rü Tupana rü tama duü̃xü̃gü nagu rüxĩnüxü̃gu narüxĩnü, rü taguma nidora rü taguma nanaxüchicüxü i norü ĩnü. Rü ngẽxguma ta̱xacüxü̃ yaxuxgu rü aixcümama nanaxü. Rü ngẽxguma ta̱xacüca̱x inaxunetagu rü aixcümama nayanguxẽxẽ.

Ore i mexü̃ ga Matéu ümatüxü̃ 24:35

Rü ñoma i naane rü ngẽma daxũwa nüxü̃ idauxü̃ rü tá nagu̱x. Natürü chorü ore rü tagutáma inayarüxo rü aixcüma tá ningu.

Echequié 36:19

Rü yema norü poxcu ga naxca̱x íchanguxẽẽxü̃ nagagu ga yema chixexü̃ ga naxügüxü̃, rü yemaca̱x nixĩ nax togü ga nachixü̃anegügu chanawoonexü̃.

Echequié 23:29

Rü nümagü rü tá cuxchi naxaie, rü tá cuxna nanapuxü̃ i guxü̃ma i curü ngẽmaxü̃gü i curü puracügagu cuxü̃́ ngẽxmaxü̃. Rü ngẽmaãcü tá ngechiruãcü ngéma cuxü̃ nata̱xgü. Rü ngẽmaãcü tá nabáitücumare i ngẽma cuxune i namaxã cungeãẽxü̃. Rü ngẽma nax cuxunearü ngúchaü̃ cuxüxü̃gagu rü cungeãẽxü̃gagu rü tá cuxca̱x ínangugü i guxü̃ma i ngẽma guxchaxü̃gü. Yerü cuma rü yema nachixü̃anegümaxã cungẽãxẽ rü cugügutama cuyanachixexẽxẽ ga yexguma nüxü̃ quicua̱xüxü̃gu ga norü tupananetachicüna̱xãgü.

Echequié 23:24

Rü nümagü rü muxü̃nema ya naweü̃ ya dairuxü̃maxã rü muxü̃ma i norü churaragümaxã tá cuxca̱x ínayachoõchi Rü guxü̃wama tá cuxü̃ ínachomaeguãchi. Rü nümagü rü meama nixãxne rü meama nixãpate̱xe rü meama ínapoxü̃ruxü̃ã̱xgü. Rü choma rü tá nüxü̃́ chanatauxchaxẽxẽ nax cuxü̃ napoxcuxü̃ca̱x. Rü nümagü rü ngẽma norü mugüwa nüxü̃ yaxuxü̃ãcü tá cuxü̃ napoxcugü.

Echequié 22:31

Rü ngẽmaca̱x tá chanapoxcue i ngẽma duü̃xü̃gü. Rü chorü numaxã tá chanadai nax ngẽmaãcü ngẽma íyaxügüxü̃ nüxü̃ yacua̱xãchiexü̃ca̱x i ngẽma chixexü̃ i naxügüxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Tupana.

Echequié 16:43

Cumax, Pa Yerucharéü̃x, rü nüxü̃ curüngü̃ma ga yema cuxca̱x chaxüxü̃ ga yexguma cupaxgu. Rü choxü̃ cunuxẽxẽ namaxã ga guxü̃ma ga yema chixexü̃gü ga ãũãchixü̃ ga cuxüxü̃. Rü ngẽmaca̱x i chomax, rü tá cuxü̃ chapoxcu naxca̱x i ngẽma cucüma i chixexü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma’.

Echequié 8:18

Rü ngẽmaca̱x i choma rü chorü numaxã tá chanapoxcue. Rü taxũtáma namaxã chixãũxãchi. Rü woo aita cha̱u̱xca̱x naxüegu rü taxũtáma nüxü̃ chaxĩnü —ñanagürü choxü̃.

Echequié 7:9

Rü marü taxũtáma choxü̃́ pengechaxü̃tümüxü̃gü. Rü ngẽma pecüma i chixexü̃gagu tá pexü̃ chapoxcu nax ngẽmaãcü penaxütanüxü̃ca̱x ga yema chixexü̃gü ga pexügüxü̃. Rü pema rü ngẽmaãcü tá nüxü̃ picua̱xãchitanü nax choma ya Cori ya Tupana yixĩxü̃ nax pexü̃ chapoxcuexü̃.

Yeremía 4:18

Rü ñanagürü: —Ngẽma pecümagagu, rü ñu̱xũchi ngẽma chixexü̃ i pexügüxü̃gagu nixĩ i ngẽma pexü̃ ngupetüxü̃. Rü ngẽma perü chixexü̃ nixĩ i pexca̱x ínanguxẽẽxü̃ i ñaa guxchaxü̃ i poraãcü pexü̃ ngúxü̃ —ñanagürü ya Cori ya Tupana.

Iraétanüxü̃arü muxchiga 11:23

Natürü nüma ga Cori ya Tupana rü nanangãxü̃ rü ñanagürü: —¿Cuma nagu curüxĩnügu i ngẽma chorü pora rü naxíraxü̃? Rü ñu̱xma tá nüxü̃ cudau nax aixcüma tá yanguxü̃ i ngẽma nüxü̃ chixuxü̃ —ñanagürü.

Yox 27:22

Rü yimá buanecü rü tá nagu nanguema rü taxũtáma namaxã nixauxãchi. Rü woo naxcha̱xwa yañagu rü yimá buanecü rü tá nawe ningechigüama.

Echequié 24:15

Rü nüma ga Cori ya Tupana rü chomaxã nidexa rü ñanagürü choxü̃:

Chacaría 8:14

Rü Tupana ya Guxãétüwa Ngẽxmacü rü ñanagürü: —Pa Yudáanecüã̱xgüx rü Pa Yerucharéü̃cüã̱xgüx, yema perü o̱xigü rü choxü̃ nanuxẽẽgü rü yemaca̱x noxtacüma chanapoxcue.

Echequié 7:3

Rü marü nawa nangu i perü gu̱x, Pa Iraéanecüã̱x. Rü chorü numaxã tá pexü̃ chapoxcu. Rü pexna tá naxca̱x chaca i ngẽma pecüma i chixexü̃, rü tá pexü̃ chapoxcu naxca̱x ga yema chixexü̃gü ga pexügüxü̃.

Echequié 7:8

Rü ñu̱xmatatama pegu chananguxẽxẽ i ngẽma chorü nu rü ngẽxgumaxica tá nixĩ i charüngüxmüxü̃. Rü pexna tá naxca̱x chaca i ngẽma pecüma i chixexü̃. Rü ñu̱xũchi tá pexü̃ chapoxcue naxca̱x i guxü̃ma i ngẽma chixexü̃gü i nagu pemaxẽxü̃.

Echequié 17:24

Rü guxü̃ma i ngẽma naigü i naanewa rüxügüxü̃ rü tá nüxü̃ nacua̱xgü nax choma chixĩxü̃ ya Cori ya Tupana. Choma rü chayadaxüchi i ngẽma nai i nügü írütaxü̃, rü chanayaxẽxẽ i ngẽma nai i nügü írüxíxraxü̃. Choma rü chanagüatüxẽxẽ i ngẽma nai i nügü írümetanüxü̃, rü wena chanaxüatüxẽxẽ i ngẽma nai i igüatüxü̃. Rü choma ya Cori ya Tupana nixĩ i pemaxã nüxü̃ chixuxü̃ rü ñu̱xũchi chayanguxẽẽxü̃ i ngẽma” —ñanagürü ga Cori ya Tupana.

Echequié 30:9

Rü ngẽma Etiopíaanecüã̱xgü rü norü poragu nayaxõgü. Natürü ngẽxguma chanapoxcuegu i Equítuane rü choma rü tá márgu chayamugü i orearü ngeruü̃gü nax ngẽma Etiopíaanecüã̱xgüxü̃ namuü̃exẽẽxü̃ca̱x. Rü ngẽma ngunexü̃ rü marü ningaica.