Echequié 23:5 - Tupanaarü Ore

⁵ Rü ngĩma ga Aorá rü tama choxü̃xica idawenü rü yema Achíriaanecüã̱xgümaxã ixãarüã̱x.

Echequié 23:5 Referans Kwoze

Ochéa 5:13

Rü ngẽxguma Efraíü̃tanüxü̃ rü Yudáanecüã̱xgü nüxü̃ daugügu nax taxü̃ i guxchawa nangẽxmagüxü̃, rü Efraíü̃tanüxü̃ rü tá Achíriaanearü ãẽ̱xgacüna ngü̃xẽẽca̱x nayacagü. Natürü nüma i Achíriaanearü ãẽ̱xgacü rü taxũtáma nüxü̃ narüngü̃xẽxẽ.

Norü taxre ga popera ga ãẽ̱xgacügüchiga 17:3

Rü nüma ga Achíriaanearü ãẽ̱xgacü ga Chamanachá, rü norü churaragümaxã Iraéanecüã̱xarü ãẽ̱xgacü ga Ochéaca̱x ínayagoõchi rü nüxü̃ narüporamae. Rü nüma ga Chamanachá rü nügüme̱xwa nanayexmaxẽxẽ ga Ochéa rü naxü̃tawa tacü ga diẽruca̱x ínacaüüxü̃ ga guxcüma ga taunecügügu.

Norü taxre ga popera ga ãẽ̱xgacügüchiga 16:7

Rü yexguma nüma ga Acháx rü nanade ga yema úirugü rü diẽrugü ga Tupanapata ga taxü̃negu nuxü̃ rü yema ãẽ̱xgacüpataarü yemaxü̃gü. Rü ñu̱xũchi Tigáx-piréche ga Achíriaanearü ãẽ̱xgacüxü̃tawa nanamugü namaxã ga ore ga ñaxü̃: —Chomax rü curü ngü̃xẽẽruxü̃ chixĩ rü wüxi i cunerüxü̃ chixĩ. Rü ngẽmaca̱x chanaxwa̱xe i nua cuxũ nax choxü̃ ícuyapoxü̃xü̃ca̱x naxme̱xwa i Chíriaanearü ãẽ̱xgacü rü Iraéanearü ãẽ̱xgacü, erü cha̱u̱xca̱x ínayachoõchi —ñaxü̃ ga ore yéma namu.

Norü taxre ga popera ga ãẽ̱xgacügüchiga 15:19

Rü wüxi ga ngunexü̃gu rü nüma ga Púx ga Achíriaanearü ãẽ̱xgacü rü Iraéanegu nachocu. Rü yexguma ga Menaéü̃ rü 33,000 quíru ga diẽru nüxna naxã nax yemaacü Púx naétüwa üxü̃ca̱x rü naporaxẽẽãxü̃ca̱x nax ãẽ̱xgacü yixĩxü̃.

Echequié 16:28

Natürü tama cuxü̃́ ningu ga yema chixexü̃ ga cuxüxü̃, rü yemaca̱x namaxã cungeãxẽ ga yema Achíriaanecüã̱xgü. Rü woo nax yema cuxüxü̃ rü tama cutaãxẽ.

Yeremía 50:38

¡Rü penapotagü i norü natügü nax yapagüxü̃ca̱x! Erü Babiróniaane rü namaxã nanapa i tupananetachixüna̱xãgü i poraãcü chixexü̃. Rü ngẽmagagu i norü duü̃xü̃gü rü naechitamare namaxẽ.

Ochéa 12:1

Ngẽma Iraéanecüã̱xgü rü natüca̱xma guxü̃ i ngunexü̃gu ngẽma nachixü̃anegü i éstewa ngẽxmagüxü̃arü ngü̃xẽẽca̱x nadau. Rü yexera nidorata̱xagü rü nimáetagü. Rü Achíriaanecüã̱xgümaxã nanaxü i unetagü, rü Equítuanewa nanamugü i ãmare i chíxü̃ nax ngẽmaãcü Equítuanecüã̱xgü nüxü̃ rüngü̃xẽẽgüxü̃ca̱x.

Ochéa 10:6

Rü ngẽma wocaxacüchicüna̱xã i Iraéanecüã̱xgü nüxü̃ icua̱xüü̃güxü̃ rü Achíriaanearü churaragü rü nachixü̃anewa tá nanangegü nax norü ãẽ̱xgacüna naxãgüãxü̃ca̱x. Rü tá naxãnee i ngẽma Efraíü̃tanüxü̃, yerü marü nataxuma ga norü naxchicüna̱xã ga nüxü̃́ yacua̱xüü̃güxü̃. Rü ngẽxgumarüxü̃ ta i guxü̃ma i ngẽma Iraéanecüã̱xgü rü ãne tá ningegü.

Echequié 23:20

Rü yexguma ga ngĩma ga Aoribá rü ngĩxü̃́ nangúchaxü̃xü̃chi nax yema Equítuanecüã̱xgümaxã namaxü̃xü̃ yerü nümagü rü ñoma cowarurüxü̃ rü búrurüxü̃ nitachiraxü̃ rü nata ga namü.

Echequié 23:16

Rü yexguma yema naxchicüna̱xãgüxü̃ nada̱u̱xgu, rü ngĩma ga Aoribá rü nüxü̃ ingẽxẽ ga yema Babiróniacüã̱x. Rü yexgumatama Babiróniawa inamugü ga ngĩrü orearü ngeruü̃gü.

Echequié 23:12

Rü ngĩma ga Aoribá rü yema ngĩeya̱xrüü̃tama yema Achíriaanecüã̱xgümaxã ixãarüã̱x. Rü nümaxü̃ rü ãẽ̱xgacügü nixĩgü rü togü rü churaragüerugü nixĩgü. Rü nümagü rü ningextü̱xü̱x rü nimechametü rü nimechiru. Rü churaragü i meama nüxü̃ icuáxü̃xü̃ i cowarugu ĩxü̃ nixĩgü.

Echequié 23:9

Rü yemaca̱x ga choma rü naxme̱xgu ngĩxü̃ chamu ga yema Achíriaanecüã̱xgü ga namaxã naxããrüxã́xü̃ erü yemagü nixĩ ga ngĩxü̃́ ngúchaü̃güxü̃.

Echequié 23:7

Rü nümagü rü yema rüporamaegüxü̃ ga yatügü nixĩgü ga Achíriaanewa. Rü ngĩma ga Aorá rü ngĩgü nüxna ixã nax ngĩmaxã namaxẽxü̃ca̱x. Rü woo ga yema norü tupananetachicüna̱xãgü rü ngĩxü̃́ nangúchaü̃ rü nüxü̃ iyacua̱xüxü̃.

Echequié 16:37

Rü ngẽmaca̱x i choma rü wüxigu tá chanangutaque̱xexẽxẽ ga guxü̃ma ga yema namaxã cungeãẽxü̃. Rü yema nixĩ ga guxü̃ma ga yema nüxü̃ cungechaxü̃güxü̃, rü ñu̱xũchi guxü̃ma ga yema naxchi cuxaixü̃. Rü guxü̃ma i ngẽmagü rü cuxü̃tagu tá chanangutaque̱xexẽxẽ. Rü guxü̃táma i ngẽmagüpe̱xewa tá nixĩ i cuxü̃ íchacuxuchixü̃ nax ngẽmaãcü báitücuãcüma cüxü̃ nadaugüxü̃ca̱x.

Nüxíraxü̃xü̃ ga popera ga ãẽ̱xgacügüchiga 21:26

Rü nüma ga Acáx rü poraãcü Tupanape̱xewa chixexü̃ naxü ga yexguma yema tupananetachicüna̱xãxü̃ yacua̱xüxü̃gü naxrüxü̃ ga yema Amoréutanüxü̃ ga Cori ya Tupana Iraétanüxü̃tanüwa íwoxü̃xü̃.

Nüxíraxü̃xü̃ ga popera ga ãẽ̱xgacügüchiga 15:30

Rü yemaacü nangupetü nagagu ga yema Yeruboáü̃ üxü̃ ga chixexü̃. Rü yema norü pecadugagu nixĩ ga chixexü̃gu nayixü̃ ga Iraéanecüã̱xgü rü norü Cori ya Tupanaxü̃ nanuxẽẽgüxü̃.

Nüxíraxü̃xü̃ ga popera ga ãẽ̱xgacügüchiga 15:26

Natürü yema naxüxü̃ ga nüma ga Nadáx, rü poraãcü nachixe ga Tupanape̱xewa. Rü yematama chixexü̃gü ga nanatü üxü̃ naxü. Rü muxü̃ma ga tupananetachicüna̱xãgüxü̃ nicua̱xüxü̃. Rü yemaacü poraãcü chixexü̃gu Iraéanecüã̱xgüxü̃ nayixẽxẽ.

Nüxíraxü̃xü̃ ga popera ga ãẽ̱xgacügüchiga 14:16

Rü nüma ya Cori ya Tupana rü to i nachixü̃aneme̱xẽgu tá nananguxẽxẽ i Iraéane nagagu ga yema pecadugü ga Yeruboáü̃ üxü̃ rü yema pecadugü ga Iraétanüxü̃xü̃ naxüxẽẽxü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 14:9

Natürü i cuma rü yema nüxíraxü̃güxü̃ ga ãẽ̱xgacügüarü yexera chixri cumaxü̃. Rü choxü̃ cunuxẽxẽ ga yexguma cunaxü̱xgu ga tupananetachicüna̱xãgü rü togüama ga naxchicüna̱xãgü ga fierumünaxca̱x. Rü yemaca̱xama choxü̃ cuxo.

Echequié 23:4

Rü yema rüyamaecü rü Aorá nixĩ ga ngĩéga. Rü ngĩma rü ĩane ya Chamáriachiga nixĩ. Rü yéma rübumaecü rü Aoribá nixĩ ga ngĩéga. Rü ngĩma rü ĩane ya Yerucharéü̃chiga nixĩ. Rü choma rü ngĩmaxã chaxãma̱x ga yema taxre ga ngegü. Rü ngĩmagü rü choxü̃́ yaxaxãcü rü iyaxãne.