Echequié 23:48 - Tupanaarü Ore

⁴⁸ Rü ngẽmaãcü tá wüxicana chayanaxoxẽxẽ i ngẽma nacümagü i chixexü̃chixü̃. Rü ngẽxguma Aorá rü Aoribáarü poxcuxü̃ nadaugügu i ngẽma togü i ngexü̃gü rü marü taxũtáma nagu naxĩ i ngẽma chixexü̃ i nacümagü.

Echequié 23:48 Referans Kwoze

Norü taxre ga popera ga Pedru ümatüxü̃ 2:6

Rü Tupana rü yexgumarüxü̃ ta inayanaxoxẽxẽ ga gumá ĩanegü ga Chodóma rü Gomóra ga poraãcü chixexü̃gü nawa naxügüne. Rü ínanagu ga gumá ĩanegü ñu̱xmata norü tanimacaxicatama íyaxü. Rü yemaacü nanaxü nax gumá ĩanegü rü wüxi ga cua̱xruxü̃ yixĩxü̃ca̱x nüxü̃́ ga yema duü̃xü̃gü ga chixexü̃ ga yemawena maxẽxü̃.

Echequié 23:27

Rü ngẽmaãcü tá chayanaxoxẽxẽ nax yema cuxunearü ngúchaü̃ cuxüxü̃ rü yema nax Equítuanewa cugü icuxãxü̃ nax yema duü̃xü̃gümaxã cungeãẽxü̃ca̱x. Rü ngẽmaãcü rü marü taxũtáma naxca̱x cuyadau, rü marü taxũtáma nüxna cucua̱xãchi i ngẽma Equítuanecüã̱xgü” —ñanagürü.

Echequié 16:41

Rü tá ínanagugü ya cupatagü. Rü ñu̱xũchi muxü̃tama i ngexü̃güpe̱xewa tá cuxü̃ napoxcugü. Rü ngẽxma tá chayagu̱xẽxẽ nax cungeãẽxü̃. Rü marü taxũtáma nüxü̃́ cunaxütanügü ga yema namaxã cungeãẽgüxü̃.

Echequié 6:6

Rü guxü̃ma i ngẽma naane i nawa pemaxẽxü̃arü ĩanegü rü tá inayarüxo. Rü ngẽma perü tupananetagüarü ãmarearü guruü̃gü rü tá nagu nipogügü. Rü ngẽmaãcü i ngẽma ãmarearü guruü̃gü rü tá noxtacüma nayarüxo. Rü ngẽma perü tupananetachicüna̱xãgü rü íxraxü̃gu tá napoü̃gü. Rü ngẽma perü pumaraarü guruü̃gü rü tá niwa̱xgü. Rü guxü̃táma i ngẽma pema pexügüxü̃ rü tá inayarüxo.

Chofonía 1:3

Rü tá ichayanaxoxẽxẽ i duü̃xü̃gü, rü naeü̃gü, rü ngẽxgumarüxü̃ tá ta i werigü, rü choxnigü. Rü tá naxca̱x íchayagoõchi i ngẽma chixexü̃arü üruü̃gü, rü tá chanadai. Rü tá ichayanaxoxẽxẽ i guxü̃ma i duü̃xü̃gü i ñoma i naanewa, rü taxuxü̃táma ínayaxü —ñanagürü. Rü ngẽma nixĩ i nüxü̃ yaxuxü̃ ya Cori ya Tupana.

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.

Echequié 22:15

Rü guxü̃ i nachixü̃anegügu tá chanawoone i curü duü̃xü̃gü nax ngéma nangẽxmagüxü̃ca̱x. Rü ngẽmaãcü tá meama íchanapigü i ngẽma curü pecadugü.

Echequié 5:15

Rü ngẽxguma chorü numaxã perü chixexü̃gagu taxü̃ i poxcumaxã pexü̃ chapoxcuegu, rü guxü̃ma i ngẽma togü i duü̃xü̃gü rü tá pemaxã naguxchigagü rü pexü̃ nacugüe. Rü guxü̃ma i ngẽma togü i nachixü̃anegü i pexna ngaicamaxü̃arü dauxcüraxü̃ruxü̃ tá pixĩgü. Rü choma ya Cori ya Tupana nixĩ i nüxü̃ chixuxü̃ i ngẽma.

Ichaía 26:9

Chütacü rü guxü̃ma i chorü ngúchaü̃maxã cugu charüxĩnü. Rü aixcüma chorü maxü̃nemaxã cuxca̱x chadau. Rü ngẽxguma cuma ñoma i naanewa cuxũxgu nax nüxna cucaxü̃ca̱x i duü̃xü̃gü naxca̱x i norü maxü̃, rü ngẽxguma tá nixĩ i aixcüma nüxü̃ nacua̱xgüxü̃ i ta̱xacü nixĩ i ngẽma cupe̱xewa mexü̃.

Wenaxarü naxümatü ga Tupanaarü mugü 13:11

Rü ngẽmaãcü guxü̃ma i Iraétanüxü̃ rü tá nüxü̃ naxĩnüe i ngẽma ngupetüxü̃chiga, rü tá poraãcü namuü̃e. Rü tagutáma wena texé tanaxüchaü̃ i nangexgumaraxü̃xü̃ i chixexü̃.

Echequié 23:47

Rü nutagümaxã tá ngĩxü̃ nadai rü taramaxã tá ngĩxü̃ nacanagü. Rü tá ngĩnegüxü̃ rü ngĩxacügüxü̃ nadai, rü tá nayagu ya ngĩpatagü.

Echequié 23:49

Rü ngẽma taxre i ngĩgüeya̱xgü rü tá ipoxcue nagagu nax yangeãẽmaregüxü̃ rü naxchicüna̱xãxü̃ yacua̱xüü̃güxü̃. Rü ngẽmaãcü tá nüxü̃ picua̱xãchitanü nax choma yixĩxü̃ i Iraétanüxü̃arü Tupana —ñanagürü.

Wenaxarü naxümatü ga Tupanaarü mugü 13:12

Rü ngẽxguma nüxü̃ pecuáchigagu nax ngexnerüxüne ya yima ĩanegü ya Cori ya perü Tupana pexna ãxü̃newa nangóegu i duü̃xü̃gü i chixexü̃arü üruü̃gü i tama Tupanaga ĩnüexü̃ rü naxucu̱xẽgüxü̃ i duü̃xü̃gü nax ta̱xacürü tupananetaxü̃ yacua̱xüü̃güxü̃, rü pema rü name nax ípeyadaugüxü̃ rü aixcüma yixĩ rüe̱xna tama. Rü ngẽxguma aixcüma yixĩxgu nax duü̃xü̃gü naxucu̱xẽgüxü̃ nax ta̱xacürü tupananetaxü̃ yacua̱xüü̃güxü̃ca̱x, rü penaxwa̱xe nax noxtacüma taramaxã penadaixü̃ i guxü̃ma i ngẽma duü̃xü̃gü ya yima ĩanewa maxẽxü̃. Rü guxü̃táma pedai rü taxuxü̃táma pemaxẽxẽ rü woo ngẽma naxü̃nagü rü tá penadai.