Echequié 23:3 - Tupanaarü Ore

³ Rü yema taxre rü yexguma napaegutama ngĩgüxünemaxã itaxegü. Rü Equítuanewa rü ngĩxü̃ nidaucaniü̃gü rü yatügümaxã imaxẽ.

Echequié 23:3 Referans Kwoze

Lebítanüxü̃arü puracüchiga 17:7

Rü ngẽma Iraétanüxü̃ rü chanaxwa̱xe i nüxü̃ narüxoe nax ãmare naxca̱x ínaguxü̃ i ngẽma chíbuchicüna̱xãgü i noxri nüxü̃ yacua̱xüü̃güxü̃ rü chixexü̃wa nagagüxü̃. Rü ngẽma pemaxã nüxü̃ chixuxü̃ i mu nixĩ i guxü̃gutáma nagu pexĩxü̃ i pema rü penegü rü petaagü.

Echequié 16:22

Rü yema curü maxü̃ ga chixexü̃ ga namaxã cuxunearü ngúchaü̃gu cumaxü̃xü̃gagu nüxü̃ icurüngüma ga yexguma cuxíragu rü nax cungexchiruxü̃ rü cugüétüwa nax quicuaixnacüüxü̃.

Yochué 24:14

Rü nüma ga Yochué rü ñanagürü ta: —Rü ñu̱xma rü name i aixcüma Cori ya Tupanaxü̃ pengechaxü̃gü rü naga pexĩnüe rü norü ngúchaü̃ pexü. Rü name nixĩ i nüxna pexĩgachixü̃ i ngẽma nũxcüma ga perü o̱xigüarü tupananetagü ga taxtü ga Eufrátecutüwa rü Equítuanewa nüxü̃ yacua̱xüü̃güxü̃.

Ochéa 2:15

Rü choma rü wena táxarü nüxü̃ chanatáeguxẽxẽ i norü úbanecügü, rü ngẽma doxonexü̃ i Acóxarü metachinüanexü̃ ga noxri Guxchaxü̃chicagu ãégaxü̃ rü Taãẽchicaxü̃ tá chayanguxuchixẽxẽ. Rü ngẽma naanewa tá choxü̃ nangechaü̃gü i ngẽma Iraéanecüã̱xgü yexguma Equítuanewa ínachoxü̃gurüxü̃.

Echequié 23:21

Rü cumax, Pa Aoribá, rü naxca̱x cungechaxü̃ i ngẽma chixexü̃gü ga cuxüxü̃ ga yexguma cupaxgu rü cuxü̃ yadaucaníü̃gügu ga yema Equítuanecüã̱xgü.

Echequié 23:19

Natürü ngĩma rü iyayexerachigüama nax nangeãẽxü̃. Rü nüxna icua̱xãchi ga yexguma napaxgu ga Equítuanecüã̱xgümaxã nangeãẽxü̃.

Echequié 23:8

Rü yexguma Equítuanewa nayexmagucürüwa rü ngĩgüxü̃nemaxã itaxe rü taguma nüxü̃ irüxo. Rü yexguma napaxgucürüwa rü muxü̃ma ga yatügü ngĩmaxã napegü rü ngĩmaxã namaxẽ. Rü yemaacü ga ngĩma rü ngĩgüxü̃nemaxã itaxe.

Echequié 20:8

Natürü ga nümagü rü chomaxã nanueama rü tama chauga naxĩnüechaü̃. Rü tama ínanawogü ga norü tupananetachicüna̱xãgü rü tama nüxü̃ narüxoechaü̃ nax nüxü̃ yacua̱xüü̃güxü̃ ga yema Equítuanecüã̱xgüarü tupananetachicüna̱xãgü. Rü yexguma ga choma rü poraãcü namaxã chanu, rü nagu charüxĩnü chi nax Equítuanegu chanapoxcuexü̃ ñu̱xmata naxüpetü i chorü nu.

Wenaxarü naxümatü ga Tupanaarü mugü 29:16

Rü pemax rü meama nüxü̃ pecua̱x nax chixri tamaxã nachopetüxü̃ ga yema Equítuanecüã̱xgü ga yexguma norü naanewa iyexmagügu. Rü nüxü̃ pecua̱x nax ñuxãcü guxchaxü̃ tüxna naxãgüxü̃ ga yema nachixü̃anegü ga nawa ichopetüetanüxü̃ nax ñu̱xma nua ingugüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:8

Rü ngẽma naxü̃negü i ngẽma taxre rü tá yima ĩane ga tórü Cori nawa curuchawa ipotane ya Yerucharéü̃arü plazawa nawogü. Rü yima ĩane rü nachixe rü ngẽmaca̱x Chodómaarü ĩanemaxã rü Equítuanemaxã nanaxugü.

Yeremía 3:9

Rü yema Yudáanecüã̱xgü rü Iraéanecüã̱xgürüxü̃ tama naxca̱x nachixe ga yema chixexü̃ ga naxügüxü̃. Rü yemaacü norü taãẽmaxã nüxü̃ nicua̱xüü̃gü ga norü tupanachicüna̱xãgü ga nutanaxca̱x rü nainaxca̱x.

Echequié 23:4

Rü yema rüyamaecü rü Aorá nixĩ ga ngĩéga. Rü ngĩma rü ĩane ya Chamáriachiga nixĩ. Rü yéma rübumaecü rü Aoribá nixĩ ga ngĩéga. Rü ngĩma rü ĩane ya Yerucharéü̃chiga nixĩ. Rü choma rü ngĩmaxã chaxãma̱x ga yema taxre ga ngegü. Rü ngĩmagü rü choxü̃́ yaxaxãcü rü iyaxãne.

Echequié 23:43

Rü yexguma ga choma rü ñaxü̃gu charüxĩnü: —Ngẽma yatügü rü tá ngĩmaxã namaxẽ i ngẽma nge i ngeãẽgücü. Natürü i ngĩmagü rü marü taxuwama ime erü ngĩgü ixãgümare.

Ochéa 1:2

Rü ñaa nixĩ ga yema nüxíraxü̃xü̃ ga ore ga Cori ya Tupana Ochéamaxã nüxü̃ ixuxü̃. Rü ñanagürü nüxü̃: —Ngẽma Iraéanecüã̱x rü ñoma wüxi i ngexü̃ i natena ngeãẽxü̃rüxü̃ choxna nixĩgachi. Rü cumax, Pa Ochéax, rü wüxi i cua̱xruxü̃ tá quixĩ naxca̱x i ngẽma duü̃xü̃gü. ¡Rü ngẽmaca̱x i ñu̱xma rü wüxi i nge i naxü̃nemaxã taxexü̃maxã naxãxma̱x rü ngĩwa naxãxacü! Rü ngẽmaãcü i ngẽma cuxacügü rü wüxi i nge i ngeãẽcüxacügü tá nixĩgü —ñanagürü.

Echequié 16:15

Natürü ga cumax, Pa Yerucharéü̃x, rü yema nax cumexẽchixü̃ rü cutachigaxü̃gagu nixĩ ga cuyoxniexü̃ nax wüxi ga ngexü̃ ga naxü̃nearü ngúchaü̃gu maxü̃xü̃ cugü quixĩxẽẽxü̃ rü guxü̃ma ga duü̃xü̃gü ga yéma chopetüxü̃na cugü cuxãxü̃.

Echequié 20:7

Rü yexguma ga choma rü guxãxü̃ma chamu nax nüxü̃ naxoexü̃ca̱x rü ínawogüãxü̃ca̱x ga yema norü tupananetagü ga naxchi chaxaixü̃. Rü namaxã nüxü̃ chixu nax tama íyanaãxü̃ca̱x ga yema Equítucüã̱xgüarü tupananetachicüna̱xãgü. Erü choma nixĩ i norü Tupana chixĩxü̃ i Iraétanüxü̃.

Echequié 23:34

Rü guxü̃táma i ngẽma poxcu i cumaxã chaxueguxü̃ rü tá cuyange rü curü ngechaü̃maxã tá cugünixü̃gu cuwügü. Rü choma ya Cori ya Tupana nixĩ i nüxü̃ chixuxü̃ i ngẽma.