Echequié 23:24 - Tupanaarü Ore

²⁴ Rü nümagü rü muxü̃nema ya naweü̃ ya dairuxü̃maxã rü muxü̃ma i norü churaragümaxã tá cuxca̱x ínayachoõchi Rü guxü̃wama tá cuxü̃ ínachomaeguãchi. Rü nümagü rü meama nixãxne rü meama nixãpate̱xe rü meama ínapoxü̃ruxü̃ã̱xgü. Rü choma rü tá nüxü̃́ chanatauxchaxẽxẽ nax cuxü̃ napoxcuxü̃ca̱x. Rü nümagü rü ngẽma norü mugüwa nüxü̃ yaxuxü̃ãcü tá cuxü̃ napoxcugü.

Echequié 23:24 Referans Kwoze

Echequié 26:10

Rü ngẽxguma Babiróniaanearü ãẽ̱xgacü curü ĩã̱xwa yaxücuxgu nax cuxü̃ yapuxü̃ca̱x, rü ngẽma norü muxü̃ i cowarugü rü tá poraãcüma nanacaixanexẽxẽgü rü ngẽma waixü̃müte̱xe tá guxü̃wama cuétü nangu. Rü ngẽma nax natagatanüxü̃ i norü cowarugü rü carugü rü curü poxeguxü̃tápü̱xgü rü tá niyoyo.

Echequié 23:45

Natürü wüxi i ngunexü̃gu rü ngẽma yatügü i mea maxẽxü̃ rü tá ngĩxü̃ napoxcue namaxã i ngẽma poxcu i ngexü̃gü i natena ngeãẽgüxü̃ rü máetagüxü̃ namaxã napoxcuxü̃. Erü aixcüma ngĩtena ingẽãẽgü rü imáetagü —ñaxü̃gu charüxĩnü.

Echequié 16:38

Rü yema nax choxna cungeãẽxü̃ca̱x rü nax cumáetaxü̃ca̱x tá cuxü̃ chapoxcu. Rü choxü̃́ cuchúxuxü̃gagu chorü numaxã tá curü uanügüna cuxü̃ chamu nax cuyuxü̃ca̱x.

Yeremía 47:3

Rü ngẽxguma nüxü̃ naxĩnüegu i naga i nacutügü i cowarugü rü ngẽma taxü̃ i naga i carugü rü nachicugü, rü ngẽma papagü rü tá naxacügüna ngéma nibuxmü erü nipaexüchi nax yagagüãxü̃.

2 Chamué 24:14

Rü Gáxü̃ nangãxü̃ ga Dabí rü ñanagürü: —Wüxi i taxü̃ i guxchaxü̃ i ãũcümaxü̃wa changexma. Rü name nixĩ nax Cori ya Tupaname̱xẽwa íngexmagüxü̃ erü norü ngechaü̃ rü nataxüchi, rü tama i yatügüme̱xẽwa —ñanagürü.

Echequié 21:23

Natürü nüma i ngẽma Yerucharéü̃cüã̱xgü rü tá nagu narüxĩnüe nax wüxi i doramare yixĩxü̃ i ngẽma nüxü̃ quixuxü̃. Erü nümagü rü tá nagu nayaxõgü i ngẽma uneta ga Babiróniaanearü ãẽ̱xgacümaxã naxügüxü̃. Natürü ngẽma Yerucharéü̃cüã̱xgü rü tama nayanguxẽxẽ i ngẽma uneta rü ngẽmaca̱x i nüma i Babiróniaanearü ãẽ̱xgacü rü tá ínanayauxü̃.

Echequié 26:7

Rü choma ya Cori ya Tupana rü nórtewaama tá cuxca̱x íchanaxũxẽxẽ ya Babiróniaanearü ãẽ̱xgacü i Nabucudonochó i guxü̃ i ãẽ̱xgacügüxü̃ rüporamaexü̃. Rü nüma rü tá cuxca̱x ínayagoõchi, Pa Tírux, namaxã i muxü̃ma i norü churaragü i cowarugu ĩxü̃ rü carugu ĩxü̃ rü nacutügu ĩxü̃.

Yeremía 52:9

Rü yema Cadéugü rü ãẽ̱xgacü ga Chedequíaxü̃ niyauxgü rü Amáanewa yexmane ga ĩane ga Ribáwa nanagagü, yerü yéma nayexma ga ãẽ̱xgacü ga Nabucudonochó. Rü nüma ga Nabucudonochó rü yéma poxcu Chedequíamaxã naxuegu.

Yeremía 52:11

Rü yemawena rü nanamu nax Chedequíaxü̃ nacaxü̃xetügüxü̃ rü cadénamaxã yana̱i̱xgüãxü̃ Babiróniawa nagagüãxü̃. Rü yéma poxcupataxü̃wa nayexma ñu̱xmata nayu̱x.