Echequié 23:22 - Tupanaarü Ore

²² Natürü i choma nax curü Tupana chixĩxü̃, rü cumaxã nüxü̃ chixu rü ñachagürü: “Ngẽma nüxü̃ cungechaü̃güxü̃ ga noxri rü ñu̱xmax rü nawa cuxãũãx. Rü choma rü tá curü uanügüxü̃ chayaxĩgüxẽxẽ. Rü guxü̃ i nachixü̃anewa tá cuxca̱x ne naxĩ.

Echequié 23:22 Referans Kwoze

Echequié 16:37

Rü ngẽmaca̱x i choma rü wüxigu tá chanangutaque̱xexẽxẽ ga guxü̃ma ga yema namaxã cungeãẽxü̃. Rü yema nixĩ ga guxü̃ma ga yema nüxü̃ cungechaxü̃güxü̃, rü ñu̱xũchi guxü̃ma ga yema naxchi cuxaixü̃. Rü guxü̃ma i ngẽmagü rü cuxü̃tagu tá chanangutaque̱xexẽxẽ. Rü guxü̃táma i ngẽmagüpe̱xewa tá nixĩ i cuxü̃ íchacuxuchixü̃ nax ngẽmaãcü báitücuãcüma cüxü̃ nadaugüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:16

Rü ngẽma 10 i naxchata̱xcu̱xre i nüxü̃ cudauxü̃ rü ngẽma ngo̱xo, rü wüxigu tá ngĩchi naxaie i ngẽma nge i naxü̃nemaxã taxexü̃. Rü tá ngĩxna nanapuxü̃ i guxü̃ma i ta̱xacü i ngĩxü̃́ ngẽxmaxü̃, rü ngẽmaãcü ngexchiruãcüma tá ngẽxma irüxã̱ũ̱x. Rü tá nanangõ̱xgü i ngĩmachi, rü üxüwa tá nayagugü i ngẽma íyaxüxü̃.

Echequié 23:28

Rü choma ya Cori ya Tupana rü aixcümaxü̃chi cumaxã nüxü̃ chixu rü naxme̱xwa tá cuxü̃ changexmaxẽxẽ i ngẽma duü̃xü̃gü i ñu̱xmax naxchi cuxaixü̃ rü nawa cunaxoxégaxü̃.

Echequié 23:9

Rü yemaca̱x ga choma rü naxme̱xgu ngĩxü̃ chamu ga yema Achíriaanecüã̱xgü ga namaxã naxããrüxã́xü̃ erü yemagü nixĩ ga ngĩxü̃́ ngúchaü̃güxü̃.

Echequié 23:21

Rü cumax, Pa Aoribá, rü naxca̱x cungechaxü̃ i ngẽma chixexü̃gü ga cuxüxü̃ ga yexguma cupaxgu rü cuxü̃ yadaucaníü̃gügu ga yema Equítuanecüã̱xgü.

Echequié 23:23

Rü Babiróniacüã̱x, rü guxü̃ma i Cadéugü, rü Pecóxcüã̱xgü, rü Choácüã̱xgü, rü Coácüã̱xgü, rü Achíriaanecüã̱xgü tá cuxca̱x ínayachoõchi. Rü guxü̃ma i nümagü rü ningextü̱xü̱x rü nimechametü. Rü ãẽ̱xgacügü nixĩgü rü churaragüerugü nixĩgü rü churaragü i meama daixü̃ cuáxü̃ nixĩgü. Rü guxü̃ma i nümagü rü meama nüxü̃ nicua̱x nax cowarugu naxĩxü̃.