Echequié 23:18 - Tupanaarü Ore

¹⁸ Rü yemawena rü duü̃xü̃güpe̱xewa inaxü ga nax nangeãẽxü̃ rü yemaacü ngĩgü iwe̱x nax nangexchiruxü̃. Rü düxwa ga choma rü ngĩwa chayaxoxéga yema ngĩeya̱xwa chayaxoxégaxü̃rüxü̃.

Echequié 23:18 Referans Kwoze

Yeremía 12:8

Rü ñaa duü̃xü̃gü ga choxrüchire̱x ixĩgüxü̃, rü ñu̱xma i cha̱u̱xca̱x rü ñoma wüxi i leóü̃ i naixnecüwa ngẽxmaxü̃rüxü̃ nixĩgü. Rü poraãcü chixri chauchiga nidexagü, rü ngẽmaca̱x nixĩ i naxchi chaxaixü̃.

Wiyaegü 106:40

Rü nüma ga Tupana rü poraãcü namaxã nanu ga yema norü duü̃xü̃gü. Rü yemaca̱x noxtacüma nüxü̃ naxo.

Wiyaegü 78:59

Rü yemaxü̃ nada̱u̱xgu ga nüma ga Tupana rü poraãcü nanu rü yema Iraétanüxü̃na nixũgachi.

Echequié 21:24

Rü ngẽmaca̱x i choma ya Cori ya Tupana rü ñacharügü: “Chope̱xewa rü meama nango̱x i ngẽma perü chixexü̃gü rü ngẽma perü máetagü. Rü guxü̃ma ga yema pecadugü ga pexügüxü̃ rü meama nango̱x. Rü ngẽmaca̱x i perü uanügü rü tá pexü̃ ínayauxü̃.

Yeremía 8:12

Rü name chi nax naxcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i nüxü̃ chixuxü̃ i ngẽma” —ñanagürü.

Yeremía 6:8

¡Pa Yerucharéü̃cüã̱xgüx, nüxü̃ perüxoe i ngẽma chixexü̃ i pecümagü nax tama pexna chixũgachixü̃ca̱x! Erü ngẽxguma tama nüxü̃ perüxoegu rü choma rü tá pexü̃ íchawogü rü perü ĩane rü wüxi i chianexü̃ tá chayaxĩxẽxẽ —ñanagürü.

Chacaría 11:8

Rü wüxi ga tauemacügutama rü íchanawoxü̃ ga tomaepü̱x ga norü dauruü̃gü, yerü tama yáxna namaxã chaxĩnü, rü chauxchi naxaie.

Amúx 6:8

Rü nüma ya Cori ya Tupana rü nügüégagu nanaxuegu. Rü Cori ya Tupana ya Guxãétüwa Ngẽxmacü rü nüxü̃ nixu rü ñanagürü: —Choma rü naxchi chaxai nax nügü yacua̱xüü̃güxü̃ i ngẽma Acóbuarü duü̃xü̃gü. Rü tama namaxã chataãxẽ ya yima norü ãẽ̱xgacüpatagü ya mexẽchine. Rü norü uanügüme̱xẽwa tá chanangexmagüxẽxẽ ya yima norü ĩane namaxã i guxü̃ma i ngẽma nawa ngẽxmaxü̃ —ñanagürü.

Amúx 5:21

Rü Cori ya Tupana rü ñanagürü pexü̃: —Choma rü naxchi chaxai rü nüxü̃ chaxo i ngẽma taxü̃ i peta i chauégagu pexüxü̃. Rü tama namaxã chataãxẽ i ngẽma perü ngutaque̱xegü i cha̱u̱xca̱x pexüxü̃.

Ochéa 7:1

Rü Tupana rü ñanagürü: —Chomax, rü yexguma chanamexẽẽgu ga chorü duü̃xü̃gü ga Iraéanecüã̱xgü rü mea nango̱x ga Efraíü̃tanüxü̃arü chixexü̃ rü Chamáriaarü duü̃xü̃güarü pecadugü. Erü guxü̃ma i nümagü rü nidorae rü duü̃xü̃güxü̃ nawomüxẽxẽ. Rü ñoma ngĩ́ta̱xagüxü̃rüxü̃ ĩpatagügu nachocu nax nangĩ̱xgüxü̃ca̱x. Rü ĩanearü namagüwa duü̃xẽgüna nanapuxü̃ i tümaarü ngẽmaxü̃gü.

Ochéa 2:2

Rü nüma ya Cori ya Tupana rü ñanagürü: —Pa Iraétanüxü̃x, ¡ípenaxuaxü̃ i ngẽma pechixü̃ane i ñoma peérüxü̃ ixĩxü̃! Erü norü duü̃xü̃gü rü marü choxna nixĩgachi, rü ngẽmaca̱x i pechixü̃ane rü marü tama choxrü nixĩ rü choma rü marü tama norü Tupana chixĩ. ¡Rü norü duü̃xü̃gümaxã nüxü̃ pixu nax naxoexü̃ nax ñoma wüxi i ngexü̃ i ngeãẽcürüxü̃ chixexü̃ naxügüxü̃! ¡Rü namaxã nüxü̃ pixu nax nüxna yaxĩgachixü̃ i ngẽma tupananetagü i nüxü̃ nangechaü̃güxü̃!

Auxexü̃chiga 2:7

Rü nüma ga Cori ya Tupana rü marü nüxü̃ naxo ga norü ãmarearü guruxü̃, rü marü ínanata̱x ga napata. Rü norü uanügüme̱xẽwa nanange̱x ga guma ĩanearü poxeguxü̃tápü̱x rü norü ãẽ̱xgacüpatagü. Rü guma napata ya üünenewa rü yema uanügü rü poraãcü aixta naxüe ñoma petaarü ngunexü̃gurüxü̃.

Yeremía 15:1

Nüma ya Cori ya Tupana rü ñanagürü choxü̃: —Rü woo chi Moiché rü Chamué nua chauxü̃tawa ĩxgu nax naétüwa yachogüexü̃ca̱x i ñaa duü̃xü̃gü, rü marü taxũchima nüxü̃́ ichaxĩnü nax choxü̃́ nangechaü̃tümüxü̃güxü̃ i ñaa duü̃xü̃gü. ¡Rü namaxã nüxü̃ ixu rü choxna yaxĩgachitanü!

Ichaía 3:9

Rü ngẽma duü̃xü̃gü rü nachametüwatama nango̱xama nax chixexü̃ naxügüxü̃. Rü ngẽma duü̃xü̃gü rü Chodómacüã̱xgürüxü̃ norü pecadumaxã nügü nicua̱xüxü̃, rü tama naxãnee. Rü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃gü, erü nümagütama naxca̱x nadaugü i norü poxcu.

Wenaxarü naxümatü ga Tupanaarü mugü 32:19

Rü yemaca̱x nixĩ ga Cori ya Tupana rü pemaxã nanuxü̃, rü pexü̃ naxoxü̃ i pema nax naxacügü pixĩgüxü̃.

Ichaía 57:8

Rü pema rü penawãxta i perü ĩã̱x rü ngẽxma penanu i perü tupananetagü rü nape̱xewa penaxü i perü ngúchaü̃ rü ngẽmaãcü nüxü̃ picua̱xüü̃gü i perü tupananetagü.

Echequié 23:9

Rü yemaca̱x ga choma rü naxme̱xgu ngĩxü̃ chamu ga yema Achíriaanecüã̱xgü ga namaxã naxããrüxã́xü̃ erü yemagü nixĩ ga ngĩxü̃́ ngúchaü̃güxü̃.

Echequié 23:10

Rü nümagü rü ngĩxü̃ ínacuxuchigü rü ngĩxna nanapuxü̃ ga ngĩnegü rü ngĩxacügü. Rü ngĩma rü taramaxã ngĩxü̃ nima̱xgü. Rü ngĩrü poxcu rü yema togü ga ngexü̃güca̱x rü wüxi ga cua̱xruxü̃ nixĩ.

Echequié 23:19

Natürü ngĩma rü iyayexerachigüama nax nangeãẽxü̃. Rü nüxna icua̱xãchi ga yexguma napaxgu ga Equítuanecüã̱xgümaxã nangeãẽxü̃.