Echequié 23:16 - Tupanaarü Ore

¹⁶ Rü yexguma yema naxchicüna̱xãgüxü̃ nada̱u̱xgu, rü ngĩma ga Aoribá rü nüxü̃ ingẽxẽ ga yema Babiróniacüã̱x. Rü yexgumatama Babiróniawa inamugü ga ngĩrü orearü ngeruü̃gü.

Echequié 23:16 Referans Kwoze

Echequié 16:29

Rü yexgumarüxü̃ ta namaxã cungeãxẽ ga yema Babiróniacüã̱x ga tupananetachicüna̱xãgümaxã taxegüxü̃. Rü woo ga yexguma rü ta rü tama cutaãxẽ.

Ore i mexü̃ ga Matéu ümatüxü̃ 5:28

Natürü choma rü pemaxã nüxü̃ chixu, rü texé ya wüxi ya ngexü̃xü̃ dawenüxẽ rü tüxü̃́ nangúchaü̃xe nax ngĩmaxã tamaxü̃xü̃, rü tümaãẽwa marü ngĩmaxã tamaxü̃.

Norü taxre ga popera ga Pedru ümatüxü̃ 2:14

Rü ngẽma ngu̱xẽẽruü̃netagü rü taxuacüma wüxi ya ngexexü̃ nadaugümare, erü naãxẽwa nüxü̃́ tangúchaü̃. Rü tama nüxü̃́ ningu nax nai i ngexü̃maxã namaxẽxü̃. Rü naxca̱x nadaugü nax ngẽma chixexü̃gu tüxü̃ nayixẽẽxü̃ ya yíxema duü̃xẽgü ya turaearü maxü̃ã̱xgüxe. Rü naxaü rü nügüna nananugüchaü̃ i guxü̃ma. Natürü marü chixexü̃ namaxã naxuegu.

Echequié 16:17

Rü cunade ga yema nachagügü ga cuxna chanaxãmarexü̃ ga úirunaxca̱x rü diẽrumünaxca̱x, rü yemawa cunaxü ga yatüchicüna̱xãgü nax yemaacü namaxã cungeãẽxü̃ca̱x.

Ucu̱xẽgüchiga 23:33

Naguxü̃raü̃xü̃xü̃ tá cuxü̃ nadauxẽxẽ. Rü naguxü̃raxü̃xü̃gu tá cuxü̃ narüxĩnüxẽxẽ. Rü ore i taxuwama mexü̃maxã tá cuxü̃ nidexaxẽxẽ.

Ucu̱xẽgüchiga 6:25

¡Taxṹ i norü mechametüca̱x, rü norü mexeneca̱x cugüxü̃́ cunangúchaü̃xẽxẽxü̃, rü taxṹ i cuxü̃ yayauxãxẽxü̃ ega cuxü̃ nadawenügu!

Wiyaegü 119:37

¡Rü choxna yaxũgachixẽxẽ i ngẽma ĩnü i natüca̱xmamare ixĩxü̃ nax ngẽmaãcü curü ĩnügurica chixũxü̃ca̱x!

Yox 31:1

Rü nüma ga Yox rü nidexachigüama rü ñanagürü: —Choma rü meama chaugüna chayanuxü̃ nax tama choxü̃́ nangúchaü̃xü̃ca̱x i pacügü.

Norü taxre ga popera ga ãẽ̱xgacügüchiga 24:1

Rü yexguma Yoaquíü̃ Yudáanewa ãẽ̱xgacü yixĩxgu, rü nüma ga Babiróniaanearü ãẽ̱xgacü ga Nabucudonochó rü Yudáanegu naxücu nax yapuãxü̃ca̱x ga norü ĩane ga Yerucharéü̃. Rü nüma ga Yoaquíü̃ rü tomaepü̱x ga taunecü Nabucudonochóme̱xẽwa nayexma rü nüxü̃́ nanaxütanü ga yema taxü̃ ga diẽru ga naxca̱x ínacaxü̃. Natürü ga yixcamaxü̃ra rü togu narüxĩnü rü yemaca̱x Nabucudonochómaxã nanu rü tama nanaxütanü ga yema diẽru.

2 Chamué 11:2

Rü wüxi ga yáuanecü ga yexguma pewa ínadaxgu ga Dabí, rü guma napataarü doxétüxü̃gu naxĩnagü rü yexma ínixũãchixü̃. Rü yexguma guma ĩaneétü ínadawenügu, rü ngĩxü̃ nadau ga wüxi ga nge ga mexẽchicü ga yéma aiyacü.

Naanearü ügüchiga 39:7

Rü yemaca̱x ga naxma̱x ga Potifá rü düxwa ngĩxü̃́ nangúchaü̃. Rü wüxi ga ngunexü̃gu rü ngĩgürügü nüxü̃: —¡Chomaxã namaxü̃! —ngĩgürügü.

Naanearü ügüchiga 6:2

Rü yexguma Tupanaarü duü̃xü̃gü ngĩxü̃ daugügu ga yema ngecügü nax yamexẽchixü̃, rü ngĩxü̃ nidexechi ga yema nüxü̃́ ngúchaü̃cü nax ngĩmaxã yaxãmaxü̃ca̱x.

Naanearü ügüchiga 3:6

Rü yexguma ga yema nge rü nüxü̃ idawenü ga yema nanetüarü o rü ngĩxü̃́ nangúchaü̃ ga nax nangṍoxü̃ nax yemaacü cua̱x ngĩxü̃́ yexmaxü̃ca̱x. Rü iyacawe ga wüxipü̱xü ga norü o rü inangõ̱x. Rü ñu̱xũchi ngĩtemaxã ingau rü nüma rü ta nanangõ̱x.

Ichaía 57:9

Rü tupananeta i Molóxca̱x pibuxmü rü naxca̱x ngéma penana i oribuarü chíxü̃gü rü muxü̃ma i pumaragü, rü naxca̱x pedaugü i yuetaãẽgüarü ucu̱xẽgü.

Echequié 23:20

Rü yexguma ga ngĩma ga Aoribá rü ngĩxü̃́ nangúchaxü̃xü̃chi nax yema Equítuanecüã̱xgümaxã namaxü̃xü̃ yerü nümagü rü ñoma cowarurüxü̃ rü búrurüxü̃ nitachiraxü̃ rü nata ga namü.