Echequié 22:9 - Tupanaarü Ore

⁹ Rü cuwa nangẽxma i ñuxre i chixexü̃ i duü̃xü̃gü i ãẽ̱xgacügüpe̱xewa idorata̱xagüxü̃ rü ngẽmagagu nayue i ngẽma taxuxü̃ma i chixexü̃ ügüchiréxü̃. Rü ngẽma duü̃xü̃gü i chixexü̃gu maxẽxü̃ rü ma̱xpǘnegüwa nanaxüchiga i norü naxchicüna̱xãgü, rü ngẽmaãcü nanaxügü i taxü̃ i chixexü̃gü i ãũãchixü̃.

Echequié 22:9 Referans Kwoze

Ochéa 4:14

Natürü i choma rü taxũtáma chanapoxcue i ngẽma pexacügü rü ngẽma peneã̱xgü naxca̱x nax togü i yatügümaxã namaxẽxü̃, erü pemax rü ta namaxã pemaxẽ i ngẽma togü i ngexü̃gü i ngẽxguma ngẽma tupananetagüxü̃ picua̱xüü̃gügu. Rü ngẽmaãcü ngẽma duü̃xü̃gü i cua̱x nüxü̃́ taxuxü̃ rü guxchaxü̃gu nayi.

Ochéa 4:10

Rü ngẽma chacherdótegü rü marü choxna naxĩgü, rü ngẽmaca̱x rü woo nachibüegu rü tá nataiyaeama. Rü woo ngexü̃gü i ngĩxü̃nemaxã taxegüxü̃maxã namaxẽxü̃gu, rü tagutáma naxãxacügü.

Ochéa 4:2

Rü tamuxũchi ya natüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngexü̃maxã ipegüxü̃, rü nügü daixü̃, rü máetagüechaxü̃.

Lebítanüxü̃arü puracüchiga 19:16

¡Rü taxũtáma oregümaxã curü ĩanegü cunaxũane! Rü taxũtáma cumücüchiga doraxü̃ quixu nax ngẽmaãcü ãũcümaxü̃wa cunangexmaxẽẽxü̃ca̱x. Rü choma nixĩ ya Cori ya Tupana.

Echequié 18:6

Rü yíxema rü tama natanügu taxã i ngẽxguma togü ma̱xpǘnegüwa taxü̃ i õna naxügügu nax norü tupananetachicüna̱xãgüxü̃ yacua̱xüü̃güxü̃ca̱x. Rü tama nüxü̃́ tayaxõ i ngẽma Iraétanüxü̃arü tupananetagü. Rü yíxema rü tama tümamücüxü̃ tayapu̱xma̱x, rü tama tümama̱xmaxã tamaxü̃ ega ngẽxguma tümaarü da̱xawexü̃newa tangexmagu.

Echequié 16:43

Cumax, Pa Yerucharéü̃x, rü nüxü̃ curüngü̃ma ga yema cuxca̱x chaxüxü̃ ga yexguma cupaxgu. Rü choxü̃ cunuxẽxẽ namaxã ga guxü̃ma ga yema chixexü̃gü ga ãũãchixü̃ ga cuxüxü̃. Rü ngẽmaca̱x i chomax, rü tá cuxü̃ chapoxcu naxca̱x i ngẽma cucüma i chixexü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma’.

Ngechuchuarü ngúexü̃gü ga yamugüxü̃arü puracüchiga 24:13

Rü ñu̱xma taxucürüwama cuxü̃ nanawe̱xgü nax ta̱xacürü chixexü̃ yixĩxü̃ i ngẽma naxca̱x choxü̃ ínaxuaxü̃güxü̃.

Ngechuchuarü ngúexü̃gü ga yamugüxü̃arü puracüchiga 24:5

Rü marü nüxü̃ tadau nax ñaa yatü rü wüxi i da̱xaweanerüxü̃ nax yixĩxü̃. Erü guxü̃ i naanewa norü ngu̱xẽẽtaemaxã nügü nayatoyexẽxẽ i Yudíugü. Rü nüma rü naeru nixĩ i ngẽma duü̃xü̃gü i nüxü̃́ yaxõgüxü̃ i Ngechuchu i Nacharétucüã̱x.

Ore i mexü̃ ga Matéu ümatüxü̃ 26:59

Rü yema chacherdótegüarü ãẽ̱xgacügü rü guxü̃ma ga Yudíugüarü ãẽ̱xgacügü rü naxca̱x nadaugü ga wüxi ga ore ga doramare ixĩxü̃ nax yemamaxã Ngechuchuxü̃ ínaxuaxü̃güxü̃ca̱x nax yama̱xgüãxü̃ca̱x.

Ochéa 7:4

Rü guxü̃ma i nümagü rü ñoma wüxi i yatü i to i ngexü̃ca̱x naxma̱xna ixũgachixü̃rüxü̃ choxna nixĩgachi. Rü wüxi i paũarü üruxü̃ rü nayanaixẽxẽ i norü paũarü guruxü̃. Rü ngẽxguma nanañumü i norü paũchara rü ínayanguxẽxẽ nax yapuxgüxü̃ rü yoxni nanaiecha i norü paũarü guruxü̃. Rü ngẽxgumarüxü̃ ta nixĩ i ngẽma duü̃xü̃gü erü tama nixogü i norü ngúchaü̃ nax chixexü̃ naxügüxü̃.

Ochéa 6:9

Rü ngẽma chacherdótegü rü ngĩ́ta̱xagüxü̃ nixĩgü erü Chiquéü̃wa daxü̃ i namagu tüxü̃ nana̱i̱xgü rü tüxü̃ nima̱xgü ya yíxema duü̃xẽ ya ngéma üpetüxe.

Echequié 24:13

Rü cumax, Pa Yerucharéü̃x, rü ñoma panera ya aüxǘchicürüxü̃ quixĩ. Rü choma rü nüxü̃ chadau nax poraãcü curü ngúchaü̃ cuxüxü̃. Rü ngẽma nixĩ i cuwa íchapixchaü̃xü̃ nax cumexü̃ca̱x. Natürü i cuma rü tama cunaxwa̱xe. Rü ngẽxguma chorü numaxã cuxü̃ chapoxcuguxicatama tá cume.

Echequié 18:15

Rü yimá nane rü ngẽxguma chi tama nanatürüxü̃ natanügu naxãxgu i ngẽma ma̱xpǘnegüwa taxü̃ ga õna ügüxü̃ nax ngẽmaãcü norü tupanachicüna̱xãxgüxü̃ icua̱xüü̃güxü̃, rü chi tama nüxü̃́ yaxõõxgu i ngẽma Iraétanüxü̃arü tupanagüneta, rü chi tama toguxexü̃ yapu̱xmaxgu, rü chi taxúemaxã nachixecümagu, rü ngẽxguma chi texé diẽruca̱x nüxna caxgux rü nüma rü tama norü diẽruchicüxü tümaarü ngẽmaxü̃ca̱x ínaca̱xgu, rü chi tama texéaxü̃́ nangĩ̱xgu, rü chi tüxü̃ nachibüxẽẽgu ya yíxema taiyaxe, rü chi tüxü̃ naxüxchirugu ya yíxema ngexchiruxe, rü chi taxúemaxã guxchaxü̃ naxü̱xgu, rü chi ngearü üétüãcüma diẽru ngĩxü̃ inaxãxgu, rü chi chorü mugüga naxĩnügu rü nagu namaxü̃gu, rü nüma rü taxũtáma nanatüarü chixexü̃gagu nayu. Rü aixcüma tá namaxü̃.

Yeremía 9:4

Rü wüxichigü i pema rü pegüna pedaugü nax tama pexü̃ nawomüxẽẽxü̃ca̱x i pemücü. Rü woo i peenexẽxü̃chi rü tama name i nüxü̃́ peyaxõgü. Erü guxü̃ma i ngẽma peenexẽgü rü nawomüxẽẽwa̱xegü. Rü guxü̃ma i pemücügü rü chixri pechiga nidexagü.

Yeremía 6:28

Rü ñachagürü: —Pa Corix, guxü̃ma i nümagü rü tama cuga naxĩnüechaü̃. Rü duü̃xü̃gü i oregüta̱a̱xgüxü̃ i chixexü̃gu maxẽxü̃ nixĩgü. Nümagü rü ñoma bróũcherüxü̃ rü fierurüxü̃ nitaiarü maxü̃neã̱x. Rü guxü̃ma poraãcü chixexü̃ naxügü.

Ucu̱xẽgüchiga 26:22

Ngẽma oregüta̱xáxü̃arü ore rü ñoma wüxi i maixcuraxü̃rüxü̃ nachi̱xichi, natürü poraãcü duü̃xü̃güãẽwa nixücu.

Ucu̱xẽgüchiga 18:8

Ngẽma oregüta̱xáxü̃arü ore rü ñoma wüxi i maixcuraxü̃rüxü̃ nixĩ, rü tauxchaãcü duü̃xü̃güarü maxü̃wa nixücu.

Ucu̱xẽgüchiga 10:18

Ngẽma idorata̱xáxü̃ rü tama nanango̱xẽxẽ ega ngẽxguma duü̃xẽchi naxaixgu, rü ngẽma tama naãẽxü̃ cuáxü̃ rü naxoregüta̱a̱x.

Wiyaegü 106:28

Rü yema tórü o̱xigü rü tupananeta ga Baá-peúme̱xẽwa nügü nayexmagüxẽxẽ. Rü nanangõ̱xgü ga õna ga yema norü tupananetachicüna̱xãgü i ngearü maxü̃ã́xü̃ca̱x nada̱i̱xü̃.

Wiyaegü 101:5

Rü tá chayanangea̱xgüxẽxẽ i ngẽma duü̃xü̃gü i namücügüechita chixri tümachiga idexagüxü̃. Rü taxũtáma yáxna namaxã chaxĩnü i ngẽma duü̃xü̃gü i to̱xguã̱xétüwa nügü ügüxẽxẽchaü̃xü̃ rü ngẽma norü poramaxã nügü icua̱xüxü̃güxü̃.

Wiyaegü 50:20

Rü cuma rü chixri nachiga quidexa ya cumücü. Rü yimá cuenexẽxü̃chi rü namaxã cuguxchiga.

Ãẽ̱xgacügü ga guxchaxü̃güarü mexẽxẽruü̃gü 20:6

Rü yexguma ga choma rü chanayaxu ga ngĩxĩne rü 12 gu ichanachexü̃gü. Rü guxü̃ma ga Iraétanüxü̃arü naanewa chanamu ga ngĩmachi nax ngẽmaãcü nüxü̃ nacua̱xgüxü̃ca̱x i guxü̃ma i Iraétanüxü̃ ga yema máeta ga poraãcü chixexü̃ ga naxügüxü̃ ga Bẽyamíü̃tanüxü̃.

Ínachoxü̃xü̃chiga 23:1

Rü tama name i doramaxã ícunapoxü̃ i ngẽma duü̃xü̃ i chixexü̃arü üruxü̃ i ngẽxguma ãẽ̱xgacü norü chixexü̃ca̱x nüxna caxgux.

Ínachoxü̃xü̃chiga 20:16

¡Rü taxũtáma doraxü̃ quixu i cumücüchiga!

Echequié 11:6

Pemax rü muxẽma tüxü̃ pedai i daa ĩanewa, rü ñu̱xũchi yuexexü̃negümaxã peyapagüxẽxẽ ya daa ĩanearü namagü.

Echequié 23:29

Rü nümagü rü tá cuxchi naxaie, rü tá cuxna nanapuxü̃ i guxü̃ma i curü ngẽmaxü̃gü i curü puracügagu cuxü̃́ ngẽxmaxü̃. Rü ngẽmaãcü tá ngechiruãcü ngéma cuxü̃ nata̱xgü. Rü ngẽmaãcü tá nabáitücumare i ngẽma cuxune i namaxã cungeãẽxü̃. Rü ngẽma nax cuxunearü ngúchaü̃ cuxüxü̃gagu rü cungeãẽxü̃gagu rü tá cuxca̱x ínangugü i guxü̃ma i ngẽma guxchaxü̃gü. Yerü cuma rü yema nachixü̃anegümaxã cungẽãxẽ rü cugügutama cuyanachixexẽxẽ ga yexguma nüxü̃ quicua̱xüxü̃gu ga norü tupananetachicüna̱xãgü.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

1 Chamué 24:10

Pa Chorü Ãẽ̱xgacüx, ñu̱xmawaxix nixĩ i aixcüma nüxü̃ cucuáxü̃ nax tama cuxü̃ chimáxchaü̃. Rü woo Cori ya Tupana rü cho̱xme̱xgu cuxü̃ nax nangu̱xẽẽchirexü̃ i nua ma̱xpǘnearü ãxmaxü̃wa, natürü i choma rü tama cuxü̃ chiima̱x, Pa Ãẽ̱xgacüx. Erü nagu charüxĩnü nax cuma rü ãẽ̱xgacü quixĩxü̃ erü Cori ya Tupana rü marü ngẽmaca̱x cuxü̃ naxuneta.