Echequié 22:6 - Tupanaarü Ore

⁶ Rü ngẽma Iraétanüxü̃arü ãẽ̱xgacügü i cuwa maxẽxü̃ rü namáxwa̱xegü rü guxü̃ma i togü i chixexü̃ naxügü.

Echequié 22:6 Referans Kwoze

Echequié 22:27

Rü ñaa nachixü̃anearü ãẽ̱xgacügü rü ñoma dauxchitacüã̱x i airugü i naeü̃gü wagüexü̃rüxü̃ nixĩgü. Rü guxü̃guma ínamegümare nax tümaarü diẽruca̱x duü̃xẽ tüxü̃ yama̱xgüxü̃ nax ngẽmaãcü yadiẽruã́xü̃ca̱x.

Ichaía 1:23

Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.

Chacaría 3:3

Rü nüma ga Yochué rü poraãcü naxãũãchichiru rü yemaacü Cori ya Tupanaarü duü̃xü̃pe̱xegu nachi.

Miquéa 2:1

Rü wüxi i ngechaü̃ nixĩ naxca̱x i ngẽma duü̃xü̃gü i woo naxchiãü̃wa rü chixexü̃gu rüxĩnüexü̃. Rü ngẽxguma yangunegu rü nayanguxẽxẽ i ngẽma nagu naxĩnüexü̃ erü nadiẽruã̱xgü.

Danié 9:8

Rü ñu̱xma i tomax, Pa Cori Pa Tupanax, rü naxrüü̃tama i ngẽma torü ãẽ̱xgacügü rü torü o̱xigü rü taxãnee erü cupe̱xewa chixexü̃ taxügü.

Yeremía 5:5

Rü yemaca̱x nagu charüxĩnü nax yema ãẽ̱xgacügümaxã chidexaxü̃. Yerü ngürüãchi nümagü rü nüxü̃ nacua̱xgü i ngẽma Cori ya Tupana nüxü̃́ naxwa̱xexü̃, rü ngẽma Tupana tüxü̃ muxü̃. Natürü guxü̃ma ga nümagü rü Cori ya Tupanamaxã nanue, rü tama naga naxĩnüechaü̃.

Neemía 9:34

Rü woo tochixü̃anearü ãẽ̱xgacügü rü togü ga yatügü ga tomaxã icua̱xgüxü̃, rü chacherdótegü, rü woo ga torü o̱xigü rü taguma nayanguxẽẽgü ga curü mugü rü taguma naga naxĩnüe ga curü ucu̱xẽgü ga namaxã nüxü̃ quixuxü̃.

Echequié 21:12

Rü cumax, Pa Yatüx, ¡aixta naxü rü curü ngechaü̃maxã naxaxu! Erü ñaa chorü tara rü tá nanadai i guxü̃ma i chorü duü̃xü̃gü rü guxü̃ma i Iraétanüxü̃arü ãẽ̱xgacügü. ¡Rü ñu̱xma nax yu namaxã chaxueguxü̃ i chorü duü̃xü̃gü rü curü ngechaü̃maxã cugüremügu napogü!

Echequié 22:3

Rü namaxã idexa ya yima ĩane rü namaxã nüxü̃ ixu rü choma ya Cori ya Tupana rü ñachagürü: “Pa Ĩane ya Yerucharéü̃x, paxa tá cuxca̱x ínangu i curü poxcu erü cuma rü cunadai i curü duü̃xü̃gü rü nüxü̃ quicua̱xüxü̃gü i ngẽma naxchicüna̱xãgü i cumatama cuxüxü̃.

Ucu̱xẽgüchiga 30:14

Rü nangẽxma i duü̃xü̃gü i tümachi aiexü̃ ya yíxema ngearü diẽruã̱xgüxe. Napütagü rü ñoma taragü rü ñoma cüxchigürüxü̃ nixĩgü, rü norü numaxã tüxü̃ inayarüxoxẽẽchaü̃ ya guxãma ya yíxema ngearü diẽruã̱xgüxe ya nachixü̃anewa ngẽxmagüxe.

Yeremía 22:17

“Natürü i cuma rü naxca̱x cuxoegaãxẽ i ngẽma curü ngẽmaxü̃gü i chixexü̃wa cuyaxuxü̃. Rü cuyama̱x ya yíxema taxuxü̃ma i ta̱xacürü chixexü̃ ügüxe. Rü ñu̱xũchi chixri tümamaxã icucua̱x rü ngetanüãcü tüxü̃ cupuracüexẽxẽ ya yíxema curü duü̃xẽgü” —ñanagürü ga Cori ya Tupana.

Echequié 45:8

Rü ngẽmaãcü i ngẽma Iraétanüxü̃arü ãẽ̱xgacü rü tá nüxü̃́ nangẽxma i noxrütama naane. Rü ngẽmaãcü taxũtáma texéna naane nanapugü. Rü wüxitücumüchigü i ngẽma Iraétanüxü̃ rü tá nüxü̃́ nangẽxma i noxrütama naane —ñanagürü.

Chofonía 3:3

Rü ngẽma curü ãẽ̱xgacügü i cumaxã icua̱xgüxü̃ rü ñoma leóü̃gü i ngĩnetanücüüxü̃rüxü̃ nixĩgü. Rü ngẽma curü ãẽ̱xgacügü i guxchaxü̃güarü mexẽẽruü̃gü rü ñoma airugü i ínachianexü̃wa maxẽxü̃rüxü̃ nixĩgü. Rü ñoma airugü i guxü̃ma ngṍxü̃ rü bai i naxchina̱xã i norü moxü̃ãcüruxü̃ íyaxüxẽẽxü̃rüxü̃ nixĩgü i ngẽma curü ãẽ̱xgacügü i guxchaxü̃güarü mexẽẽruü̃gü.

Chofonía 3:4

Rü ngẽma orearü uruü̃gü i cuwa ngẽxmagüxü̃ rü nügü nicua̱xüü̃gü rü nacuechitawa̱xegü. Rü ngẽma curü chacherdótegü rü nanaxãũãchigü i ngẽma nachica i üünexü̃. Rü ínayatoxẽẽgü i Cori ya Tupanaarü mugü.