Echequié 22:4 - Tupanaarü Ore

⁴ Rü ngẽma curü máetagügagu rü tá cupoxcu. Erü ngẽma naxchicüna̱xãgü ga cumatama cuxüxü̃gagu cugütama cuxãũãchi. Rü ngẽmaca̱x paxa tá ínangu i curü poxcu rü paxa tá cugu napogügü i curü uanügü. Rü tá chanamu i ngẽma togü i duü̃xü̃gü nax cumaxã naguxchigagüxü̃ca̱x. Rü guxü̃ma i ngẽma togü i nachixü̃anegü rü tá cuxü̃ nacugüe.

Echequié 22:4 Referans Kwoze

Norü taxre ga popera ga ãẽ̱xgacügüchiga 21:16

Rü yema Manaché üxü̃ rü Tupanape̱xewa poraãcü nachixe, rü ñu̱xũchi yema duü̃xü̃gü ga Yudáanecüã̱xgüxü̃ namu nax nümagü rü ta naxügüãxü̃ ga yema chixexü̃gü. Rü naétü rü nüma ga Manaché rü Yerucharéü̃wa nanadai ga muxü̃ma ga duü̃xü̃gü ga taxuxü̃ma ga chixexü̃ ügüxü̃. Rü yemaacü ga guma ĩane rü nagümaxã nanapa.

Echequié 22:2

—Cumax, Pa Yatüx, ¡namaxã naxuegu i norü poxcu ya yima ĩane ya máxwa̱xéne ya Yerucharéü̃! ¡Rü guxü̃ma i ngẽma chixexü̃gü i ãũãchixü̃ i naxügüxü̃gagu rü ínaxuãü̃gü!

1 Tesalonicenses 2:16

Rü ngẽxguma ngẽma duü̃xü̃gü i tama Yudíugü ixĩgüxü̃maxã nüxü̃ tixuxchaü̃gu i Tupanaarü ore nax nümagü rü ta nüxü̃́ nangẽxmagüxü̃ca̱x i maxü̃, rü ngẽma Yudíugü rü toxna nanachu̱xu. Rü ngẽmaãcü i ngẽma Yudíugü rü poraãcüxüchima chixexü̃ naxügü. Rü ngẽmaca̱x i ñu̱xma rü düxwa marü nüxna nangu i ngẽma Tupanaarü poxcu i ãũcümaxü̃chixü̃.

Danié 9:16

Pa Cori Pa Tupanax, nüxü̃ tacua̱x rü cuma rü cumecümaxü̃chi. Rü ngẽmaca̱x cuxna taca nax namaxã icurüngüxmüxü̃ca̱x ya yima ĩane ya Yerucharéü̃cüã̱xgü. Erü yima ĩane rü cuxrü nixĩ, rü ngéma nangẽxma ya curü ma̱xpǘne ya üünene. Rü ñu̱xma rü guxü̃ma i ngẽma togü i nachixü̃anecüã̱xgü i duü̃xü̃gü rü nüxü̃ nacugüe i ngẽma curü duü̃xü̃gü rü nüxü̃ nacugüe ya yima Yerucharéü̃ nagagu i ngẽma chixexü̃gü i toma taxügüxü̃ rü torü o̱xigü ügüxü̃.

Echequié 21:28

Rü ñanagürü ta: —Ngẽma Amóü̃cüã̱x rü chorü duü̃xü̃güchiga chixri nidexagü. Rü ngẽmaca̱x, Pa Yatüx, ¡namaxã nüxü̃ ixu i ñaa chorü ore i ñaxü̃!: “Marü ínamemare i ngẽma tara, rü marü nawaixmagu nax pexü̃ nada̱i̱xü̃ca̱x. Rü marü nanaitachinü nax yabáixacüüxü̃ca̱x.

Yeremía 44:8

¿Rü tü̱xcüü̃ choxü̃ penuxẽxẽ namaxã i ngẽma chixexü̃ i pexügüxü̃ rü ngẽma nax pumarate̱xe naxca̱x pigugüxü̃ i norü tupananetagü i Equítuane i nawa pengugüxü̃ nax nua pemaxẽxü̃ca̱x? Rü ngẽma chixexü̃ i pexügüxü̃gagu rü pematama naxca̱x pedaugü i perü poxcu. Rü ngẽmaãcü wüxi i cua̱xruxü̃ tá pixĩgü naxca̱x i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü tá chixexü̃maxã pexü̃ narüdaunü rü tá pexü̃ nacugüe.

Yeremía 24:9

Rü poraãcü tá chanapoxcue i ngẽma duü̃xü̃gü rü ngẽmaca̱x i ngẽma togü i nachixü̃anecüã̱xgü rü ngẽxguma ngẽmaxü̃ nadaugügu rü tá poraãcü namaxã naba̱i̱xãchie. Rü ngẽma nachixü̃anegü i nagu chanawoonexü̃wa rü duü̃xü̃gü rü tá nagu nidauxcüraxü̃gü rü nüxü̃ nacugüe rü nüxü̃ naxoe rü chixexü̃ namaxã nixugüe.

Yeremía 18:16

Rü ngẽmaãcü nanachianexẽẽgü i ngẽma nachixü̃ane, rü ngẽma togü i duü̃xü̃gü rü namaxã naba̱i̱xãchie. Rü guxü̃ma i ngẽma duü̃xü̃gü i nawa chopetüxü̃ rü baixãchimaxã naneaerugü.

Wiyaegü 79:4

Rü ngẽma nachixü̃anegü i torü ngaicamana ngẽxmagüxü̃ rü togu nidauxcüraxü̃gü rü toxü̃ nacugüe.

Wenaxarü naxümatü ga Tupanaarü mugü 29:24

Rü ngẽxguma i guxü̃ma i ñoma i naanecüã̱xgü i duü̃xü̃gü rü tá ínacagü rü ñanagürügü: “¿Ta̱xacüca̱x nixĩ ga Cori ya Tupana ga yemaacü napoxcuãxü̃ ga yema nachixü̃ane? ¿Ta̱xacüca̱x poraãcü namaxã nanuxũchi?” ñanagürügü tá.

Wenaxarü naxümatü ga Tupanaarü mugü 28:37

Rü guxü̃nema ya yima ĩanegü ya Cori ya Tupana pexü̃ mugünewa, rü pema rü wüxi i baixãchixẽẽruxü̃ rü cugüruxü̃ tá pixĩgü.

Iraétanüxü̃arü muxchiga 32:14

Rü ñu̱xma i pemax, Pa Rubéü̃tanüxü̃ rü Gáxtanüxü̃ i Chixexü̃güarü Üruxü̃ Nanegüx, rü ngẽma penatügücümagutama pexĩxchaü̃ nax ngẽmaãcü wena Iraétanüxü̃maxã penanuxẽẽxü̃ca̱x ya Cori ya Tupana.

Lebítanüxü̃arü puracüchiga 26:32

Rü tá chanachixexẽxẽ i pechixü̃ane rü ngẽmaãcü i perü uanügü i nagu ãpatagüchaü̃xü̃ rü tá namaxã naba̱i̱xãchie

Echequié 23:7

Rü nümagü rü yema rüporamaegüxü̃ ga yatügü nixĩgü ga Achíriaanewa. Rü ngĩma ga Aorá rü ngĩgü nüxna ixã nax ngĩmaxã namaxẽxü̃ca̱x. Rü woo ga yema norü tupananetachicüna̱xãgü rü ngĩxü̃́ nangúchaü̃ rü nüxü̃ iyacua̱xüxü̃.

Echequié 23:32

Rü Cori ya Tupana rü ñanagürü: —Choma ya Cori ya Iraétanüxü̃arü Tupana rü cumaxã chanaxuegu rü ngẽma poxcu i taxü̃ rü poraxü̃ ga cueya̱x ingexü̃tátama quinge. Rü ngẽma togü i duü̃xü̃gü rü tá cuxü̃ nacugüe rü poraãcü tá chixri cuchiga nidexagü.

Echequié 24:7

Rü cumax, Pa Yerucharéü̃x, rü nagümaxã cunapa. Rü ngẽma duü̃xü̃gü i cuda̱i̱xü̃ rü tama waixü̃müanegu cunaba ya yimá nagü nax ngẽmaãcü waixü̃müte̱xe iyanaxoxẽẽxü̃ca̱x. Natürü nutaétügu cunaba nax ngẽmaãcü mea nangóxü̃ca̱x ya yimá nagü.

Echequié 24:8

Natürü i choma rü taxũtáma yimá nuta ya ba̱i̱xpütacüwa íchanapi ya yimá nagü nax ngẽmaãcü tama yanaxoxü̃ca̱x rü tama pemaxã charüngüxmüxü̃ca̱x ñu̱xmatáta pexü̃ chapoxcue.

Echequié 36:15

Rü marü tama chanaxwa̱xe nax pema, Pa Iraéanearü Ma̱xpǘnegücüã̱x, wena nüxü̃ pexĩnüexü̃ nax chixri pechiga yadexagüxü̃ i ngẽma togü i nachixü̃anegü. Rü marü taxũtáma wena nüxü̃ pexĩnüe nax pemaxã naguxchigagüxü̃. Erü ngẽxguma rü marü taxuxü̃táma daigu nayue i nanegü i duü̃xü̃gü nax ípenagagüxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.