Echequié 22:30 - Tupanaarü Ore

³⁰ Rü choma rü ngẽma duü̃xü̃gütanügu naxca̱x chadau i wüxi i duü̃xü̃ i chope̱xewa ñaa nachixü̃aneétüwa chogüxü̃ nax tama chanapoxcuexü̃ca̱x i ngẽma duü̃xü̃gü, natürü taxuxü̃ma ichayangau.

Echequié 22:30 Referans Kwoze

Ichaía 59:16

Rü nüma ya Tupana rü namaxã naba̱i̱xãchi nax taxúema taétüwa üxü̃. Rü ngẽmaca̱x nümatama rü norü poramaxã tüxü̃ ínanguxü̃xẽxẽ.

Yeremía 5:1

Nüma ya Cori ya Tupana rü ñanagürü: —¡Yerucharéü̃arü namagügu pixĩagütanü, rü mea ngẽxma pidauagütanü, rü plázagügu naxca̱x pedau rü aixcüma tá tüxü̃ peyangau ya texé ya mea maxü̃́xẽ rü ixaixcümachaü̃xẽ! Rü ngẽxguma tá tüxü̃ ipeyangauxgu rü taxũtáma chanapoxcu ya Yerucharéü̃.

Wiyaegü 106:23

Rü nüma ga Tupana rü nüxü̃ nixu rü tá nanadai ga yema duü̃xü̃gü. Natürü ga nüma ga Moiché rü naétüwa nachogüama rü yemaca̱x narüngüxmü ga Tupana rü tama nanadai.

Echequié 13:5

Rü ngẽma orearü uruü̃güneta rü taxuxü̃ma naxügü nax Iraétanüxü̃xü̃ ínapoxü̃güxü̃ i ngẽxguma nawa nanguxgu i ngẽma ngunexü̃ i nüxü̃ chaxunetaxü̃ nax naxca̱x íyaxüãchixü̃ i norü uanügü.

Ichaía 63:5

Rü guxü̃gu chadawenü rü tataxuma nax texé choxü̃ rüngü̃xẽẽxü̃. Rü chabaixãchi yerü tataxuma nax texé choxü̃ rüngü̃xẽẽxü̃. Rü chorü poramaxãtama nixĩ i charüporamaexü̃ rü chorü nu nixĩ i choxü̃ poraxẽẽxü̃.

Yeremía 15:1

Nüma ya Cori ya Tupana rü ñanagürü choxü̃: —Rü woo chi Moiché rü Chamué nua chauxü̃tawa ĩxgu nax naétüwa yachogüexü̃ca̱x i ñaa duü̃xü̃gü, rü marü taxũchima nüxü̃́ ichaxĩnü nax choxü̃́ nangechaü̃tümüxü̃güxü̃ i ñaa duü̃xü̃gü. ¡Rü namaxã nüxü̃ ixu rü choxna yaxĩgachitanü!

Ichaía 64:7

Rü tataxuma ya texé ya cumaxã idexaxe rü pora üxe nax cuxü̃tawa ngü̃xẽẽca̱x ítaca̱a̱xü̃. Rü ngẽma torü chixexü̃gagu nixĩ i toxcha̱xwa iquicúxü̃ rü toxü̃ ícuwogüxü̃.

Yeremía 8:6

Rü pegaca̱x meama icharüxĩnü, natürü taxúexü̃ma chaxĩnü nax texé chomaxã nüxü̃ ixuxü̃ nax nüxü̃ tarüxoxü̃ i tümaarü chixexü̃. ¡Rü chomaxã nüxü̃ tixu nax ta̱xacürü guxchaxü̃ yixĩxü̃ i pemaxã chaxüxü̃! Rü guxü̃ma rü napaxaãxẽ nax chixexü̃ naxüxü̃, ñoma cowaru i paxãma daiwa ñaxü̃rüxü̃.

Norü taxre ga popera ga ãẽ̱xgacügüchiga 14:26

Yerü nüma ga Cori ya Tupana rü nüxü̃ nadau nax poraãcü ngúxü̃ yangegüxü̃ ga guxü̃ma ga yema Iraéanecüã̱xgü. Rü woo yema coriã̱xgüxü̃ rü woo yema tama coriã̱xgüxü̃ rü taxúema nawa iñaxü̃ ga ngúxü̃ ningegü, yerü taxuxü̃ma Iraéanecüã̱xgüxü̃ narüngü̃xẽxẽ.

Yox 35:8

Rü ngẽma pecadu i cuxüxü̃ rü ngẽma curüxü̃ duü̃xü̃gü ixĩgüxü̃xü̃ nixĩ i nachixexẽẽxü̃. Rü ngẽma mexü̃ i cuxüxü̃ rü ngẽma curüxü̃ duü̃xü̃gü ixĩgüxü̃xü̃ nixĩ i nataãẽxẽẽxü̃.

Wiyaegü 94:16

¿Rü texé tá choxü̃ ítapoxü̃ nüxna i ngẽma chixexü̃gu maxẽxü̃ rü ngẽma chixexü̃arü üruü̃gü?