Echequié 22:3 - Tupanaarü Ore

³ Rü namaxã idexa ya yima ĩane rü namaxã nüxü̃ ixu rü choma ya Cori ya Tupana rü ñachagürü: “Pa Ĩane ya Yerucharéü̃x, paxa tá cuxca̱x ínangu i curü poxcu erü cuma rü cunadai i curü duü̃xü̃gü rü nüxü̃ quicua̱xüxü̃gü i ngẽma naxchicüna̱xãgü i cumatama cuxüxü̃.

Echequié 22:3 Referans Kwoze

Echequié 22:27

Rü ñaa nachixü̃anearü ãẽ̱xgacügü rü ñoma dauxchitacüã̱x i airugü i naeü̃gü wagüexü̃rüxü̃ nixĩgü. Rü guxü̃guma ínamegümare nax tümaarü diẽruca̱x duü̃xẽ tüxü̃ yama̱xgüxü̃ nax ngẽmaãcü yadiẽruã́xü̃ca̱x.

Norü taxre ga popera ga Pedru ümatüxü̃ 2:3

Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Chofonía 3:3

Rü ngẽma curü ãẽ̱xgacügü i cumaxã icua̱xgüxü̃ rü ñoma leóü̃gü i ngĩnetanücüüxü̃rüxü̃ nixĩgü. Rü ngẽma curü ãẽ̱xgacügü i guxchaxü̃güarü mexẽẽruü̃gü rü ñoma airugü i ínachianexü̃wa maxẽxü̃rüxü̃ nixĩgü. Rü ñoma airugü i guxü̃ma ngṍxü̃ rü bai i naxchina̱xã i norü moxü̃ãcüruxü̃ íyaxüxẽẽxü̃rüxü̃ nixĩgü i ngẽma curü ãẽ̱xgacügü i guxchaxü̃güarü mexẽẽruü̃gü.

Echequié 23:45

Natürü wüxi i ngunexü̃gu rü ngẽma yatügü i mea maxẽxü̃ rü tá ngĩxü̃ napoxcue namaxã i ngẽma poxcu i ngexü̃gü i natena ngeãẽgüxü̃ rü máetagüxü̃ namaxã napoxcuxü̃. Erü aixcüma ngĩtena ingẽãẽgü rü imáetagü —ñaxü̃gu charüxĩnü.

Echequié 23:37

Rü ngĩma rü choxna iyangeãxẽ rü imáetagü rü ngẽmaca̱x nagümaxã iyaxãũãchime̱xẽ. Rü choxna iyaxĩgachi nax nüxü̃ yacua̱xüü̃güxü̃ca̱x ga ngĩrü tupananetachicüna̱xãgü. Rü yema ngĩrü tupananetagüca̱x tüxü̃ íigu ga guxema chauxacügü rü chaunegü ga ngĩwa choxü̃́ yexmagüxe.

Echequié 22:6

Rü ngẽma Iraétanüxü̃arü ãẽ̱xgacügü i cuwa maxẽxü̃ rü namáxwa̱xegü rü guxü̃ma i togü i chixexü̃ naxügü.

Echequié 22:4

Rü ngẽma curü máetagügagu rü tá cupoxcu. Erü ngẽma naxchicüna̱xãgü ga cumatama cuxüxü̃gagu cugütama cuxãũãchi. Rü ngẽmaca̱x paxa tá ínangu i curü poxcu rü paxa tá cugu napogügü i curü uanügü. Rü tá chanamu i ngẽma togü i duü̃xü̃gü nax cumaxã naguxchigagüxü̃ca̱x. Rü guxü̃ma i ngẽma togü i nachixü̃anegü rü tá cuxü̃ nacugüe.

Echequié 12:25

Erü choma i Cori ya Tupana rü tá chidexa, rü ngẽma nüxü̃ chixuxü̃ rü paxatáma ningu. Rü pema, Pa Duü̃xü̃gü i Tama Chauga Ĩnuexü̃x, rü aixcüma tá nüxü̃ pedaugü. Choma rü tá chidexa, rü tá chayanguxẽxẽ i ngẽma nüxü̃ chixuxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Cori ya Tupana.

Echequié 9:9

Rü nüma ga Cori ya Tupana rü choxü̃ nangãxü̃ga rü ñanagürü: —Ngẽma Iraéanecüã̱xgüarü pecadu rü ngẽma Yudáanecüã̱xgüarü pecadu rü nataxüchi. Rü ngẽma nachixü̃ane rü máetagüxü̃maxã nanapá. Rü yima ĩane ya Yerucharéü̃wa rü norü duü̃xü̃gü rü chixeãcü nügümaxã inacua̱xgü. Rü nüma nagu naxĩnüegu rü marü nüxna chixũ i ngẽma nachixü̃ane, rü ngẽmaca̱x tama nüxü̃ chadau i ngẽma naxügüxü̃.

Echequié 22:2

—Cumax, Pa Yatüx, ¡namaxã naxuegu i norü poxcu ya yima ĩane ya máxwa̱xéne ya Yerucharéü̃! ¡Rü guxü̃ma i ngẽma chixexü̃gü i ãũãchixü̃ i naxügüxü̃gagu rü ínaxuãü̃gü!

Echequié 23:7

Rü nümagü rü yema rüporamaegüxü̃ ga yatügü nixĩgü ga Achíriaanewa. Rü ngĩma ga Aorá rü ngĩgü nüxna ixã nax ngĩmaxã namaxẽxü̃ca̱x. Rü woo ga yema norü tupananetachicüna̱xãgü rü ngĩxü̃́ nangúchaü̃ rü nüxü̃ iyacua̱xüxü̃.

Norü taxre ga popera ga ãẽ̱xgacügüchiga 24:3

Rü yema guxchaxü̃ naxca̱x ínangu ga yema Yudáanecüã̱xgü, yerü nüma ga Cori ya Tupana rü marü namaxã nanaxuegu nax nügüpe̱xewa ínawoxü̃ãxü̃ca̱x nagagu ga yema chixexü̃gü ga Manaché üxü̃. Yerü nanadai ga muxü̃ma ga duü̃xü̃gü ga taxuxü̃ma ga chixexü̃ ügüxü̃, rü yemaacü nagü inabaxẽxẽ rü gumámaxã nanapáxẽxẽ ga Yerucharéü̃. Rü yema chixexü̃ ga Manaché üxü̃gagu nixĩ ga Cori ya Tupana ga tama nüxü̃́ nüxü̃ iyanangümaxü̃ ga norü chixexü̃gü.

Wiyaegü 106:39

Rü yemaacü ga yema duü̃xü̃gü rü Tupanape̱xewa yexeraxü̃ ga chixexü̃ naxügü ga yexguma yema tupananetagüwe naxĩxgu.

Ichaía 1:21

Pemax, Pa Yerucharéü̃cüã̱x, noxri rü aixcüma meama Tupanaga pexĩnüe, natürü i ñu̱xma rü ñoma wüxi i ngexü̃ i naxü̃nemaxã taxexü̃rüxü̃ pixĩgü. Pema ga noxri rü mexü̃ ga nacümagu pemaxẽ, natürü i ñu̱xma rü máetaguxicatama perüxĩnüe.

Echequié 33:25

Rü ngẽmaca̱x chanaxwa̱xe i ngẽma duü̃xü̃gümaxã nüxü̃ quixu i chorü ore i ñaxü̃: “Pema chixexü̃ pexü. Rü penangõ̱x i namachi i nagüã́xü̃, rü tupananetachicüna̱xãgüxü̃ picua̱xüü̃gü, rü pemáetagü. ¿Rü ngẽmaétüwa nagu perüxĩnüe nax pexrü yixĩxü̃ i ñaa nachixü̃ane?

Miquéa 3:10

Rü Yerucharéü̃wa rü Chióü̃wa penadai i duü̃xü̃gü rü nüxna penapu i norü naane nax nagu penaxüxü̃ca̱x ya pepatagü ya itaxü̃ne.