Echequié 22:25 - Tupanaarü Ore

²⁵ Rü ngẽma curü orearü uruü̃güneta rü ñoma leóü̃gü i norü taiyamaxã aixta üexü̃ rü naeü̃gü wagüexü̃rüxü̃ nixĩgü. Rü wüxigu nügümaxã nagu narüxĩnüe nax duü̃xẽgüaxü̃́ napuxü̃güãxü̃ i tümaarü ngẽmaxü̃gü i tatanügüxü̃. Rü muxẽma ya ngexe tüxü̃ yamáxtegüxü̃.

Echequié 22:25 Referans Kwoze

Ochéa 6:9

Rü ngẽma chacherdótegü rü ngĩ́ta̱xagüxü̃ nixĩgü erü Chiquéü̃wa daxü̃ i namagu tüxü̃ nana̱i̱xgü rü tüxü̃ nima̱xgü ya yíxema duü̃xẽ ya ngéma üpetüxe.

Echequié 13:19

Pemax rü ñuxretama i chebádaca̱x, rü ñuxretama i paũca̱x nixĩ i choxü̃ pechixechigaxẽẽxü̃ nape̱xewa i chorü duü̃xü̃gü. Rü yu namaxã pexuegu i ngẽma duü̃xü̃gü i mexü̃ ügüxü̃, rü penamaxẽxẽ i ngẽma duü̃xü̃gü i chixexü̃ ügüxü̃. Rü ngẽmaãcü penawomüxẽxẽ i chorü duü̃xü̃gü i naga ĩnüexü̃ i ngẽma perü doragü.

Yeremía 11:9

Rü yexguma ga Cori ya Tupana rü chomaxã nüxü̃ nixuchigüama rü ñanagürü choxü̃: —Ngẽma Yudáanecüã̱xgü i duü̃xü̃gü, rü ñu̱xũchi ngẽma Yerucharéü̃cüã̱xgü rü chomaxã nanue.

Yeremía 2:34

Rü guxü̃wama cuxãũãchichiru tümagümaxã ya yíxema duü̃xẽ ya ingearü diẽruã́xẽ rü yíxema taxuxü̃ma i chixexü̃ ügüxe, rü yíxema i tama tümawa nüxü̃ cuyangauxe i ta̱xacürü chixexü̃ nax taxügüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:13

Rü taxúetama naxca̱x nüxü̃́ tataxe i norü canela rü togü i norü üexü̃wemüxü̃gü i yixixü̃, rü pumarate̱xe i guruxü̃ ixĩxü̃, rü togü i pumaragü i yixixü̃, rü bínugü rü chíxü̃gü, rü arína i mexẽchixü̃, rü trigu i ngéma nangegüxü̃. Rü ngẽxgumarüxü̃ ta ngéma nanagagü i wocagü, rü carnérugü, rü cowarugü, rü carugü i cowaru itúchigüxü̃, rü duü̃xü̃gü i puracüruü̃gü. Rü ngẽmaãcü woo duü̃xẽgü rü ngéma tüxü̃ nagagü nax tümamaxã nataxegüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:6

Rü ngĩxü̃ chadau ga yema nge ga nax nangãxü̃xü̃ namaxã ga gumá nagü ga yema duü̃xü̃gü ga Tupanaarü ixĩgüxü̃ rü yema duü̃xü̃gü ga Ngechuchuarü orexü̃ nax yaxugüxü̃ca̱x daixü̃. Rü yexguma yemaxü̃ chada̱u̱xgu, rü chabaixãchi.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:15

Rü Tupana rü tama yema to ga ngo̱xona nanachu̱xu nax namaxẽẽãxü̃ca̱x ga yema nüxíraxü̃xü̃ ga ngo̱xochicüna̱xã nax yadexaxü̃ca̱x rü namuaxü̃ca̱x nax nadaiaxü̃ca̱x ga guxü̃ma ga yema duü̃xü̃gü ga tama nüxü̃ icua̱xüü̃güxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:11

Rü yemawena nüxü̃ chadau ga wüxi ga to ga ngo̱xo ga taxrechata̱xcurexü̃ ga waixü̃müanewa ixũxũxü̃. Rü yema naxchata̱xcu̱xre rü ñoma carnéruchatacu̱xrerüxü̃ nixĩ. Natürü ga naga rü ñoma coya ga taxüchixü̃garüxü̃ nixĩ.

Ore i mexü̃ ga Luca ümatüxü̃ 20:47

Rü tüxü̃ nawomüxẽẽgüãcüma tüxna nanapuxü̃ ya tümapatagü ya yíxema yutegüxe. Rü ñu̱xũchi nanama̱xẽxẽ i norü yumüxẽgü nax duü̃xü̃gü nagu rüxĩnüexü̃ca̱x nax aixcüma mexü̃gü yixĩgüxü̃. Natürü nümagü tá nixĩ i yexeraãcü napoxcuexü̃ —ñanagürü.

Ore i mexü̃ ga Márcu ümatüxü̃ 12:40

Natürü tüxna nanapuxü̃ ya tümapatagü ya yíxema yutegüxe. Rü ñu̱xũchi nanama̱xẽxẽ i norü yumüxẽgü nax duü̃xü̃gü nagu rüxĩnüexü̃ca̱x nax aixcüma mexü̃gü yaxĩgüxü̃. Natürü nümagü tá nixĩ i yexeraãcü napoxcuexü̃ —ñanagürü.

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Auxexü̃chiga 4:13

Rü yema guma ĩane ga Yerucharéü̃maxã ngupetüxü̃ rü norü orearü uruü̃günetagagu nixĩ, rü norü chacherdótegüarü chixexü̃gagu nixĩ. Yerü nümagü rü guma ĩanewa nanadai ga duü̃xü̃gü ga taxuxü̃ma ga chixexü̃ ügüchiréxü̃.

Auxexü̃chiga 2:14

Rü yema curü orearü uruü̃günetagü naxca̱x ngo̱xetüxü̃ rü wüxi ga doramare nixĩ. Rü tama cumaxã nüxü̃ nixugüe ga yema curü pecadu ga cuxüxü̃. Rü yemaacü tama nayanaxoxẽxẽ ga yema guxchaxü̃gü ga nawa cungexmaxü̃ i ñu̱xma nax to ga nachixü̃anewa nagagüxü̃ ga curü duü̃xü̃gü. Natürü ga cumax, Pa Yerucharéü̃x, rü cuyaxõ ga yema ore ga doramare ixĩxü̃ ga cumaxã nüxü̃ yaxugüexü̃ ga yema orearü uruü̃güneta.

Yeremía 15:8

Rü yima márpechinüwa ngẽxmacü ya naxnücüte̱xearü mumae tá tüxü̃ íchayaxügüxẽxẽ ya yíxema yutegüxe i Yerucharéü̃wa. Rü tocuchigu tá tüxü̃ chadai ya yíxema mamagü ya ingẽxtü̱xünegüxe. Rü ngürüãchi tá tümatanügu chananguxẽxẽ i ngẽma taxü̃ i ngúxü̃ rü muü̃.

Yeremía 6:13

Rü ñanagürü: —Guxü̃ma i ngẽma muarü diẽruã́xü̃ rü ngẽma noxrearü diẽruã́xü̃, rü nagu narüxĩnüe nax chixexü̃wa nayauxgüãxü̃ i diẽru. Rü guxü̃ma i ngẽma orearü uruü̃gü rü chacherdótegü rü duü̃xü̃güxü̃ nawomüxẽxẽ.

Yeremía 2:30

Rü choma rü chanapoxcu ga petanüxü̃gü, natürü tama chauga naxĩnüe, rü yemaacü natüca̱xmamare nixĩ nax chapoxcuexü̃. Rü pematama penadai ga perü orearü uruü̃gü, ñoma leóü̃gü i idüraexü̃ nada̱i̱xü̃rüxü̃.

Ichaía 56:11

Rü ñoma airugü i taiyaeechaxü̃ rü taguma ngãxpütüwegüxü̃rüxü̃ pixĩgü. Rü pema rü dauruü̃gü i tama nüxü̃ cua̱xgüégaxü̃ pixĩgü. Rü wüxichigü i pema rü perü ngúchaü̃ama pixü rü pexrütama ngẽmaxü̃guama perüxĩnüe.

Nüxíraxü̃xü̃ ga popera ga ãẽ̱xgacügüchiga 22:23

Rü yexguma ga Micaía rü Acáxü̃ ñanagürü: —Ñu̱xma waxi nixĩ i nüxü̃ cucuáxü̃ nax nüma ya Cori ya Tupana rü curü orearü uruü̃gügu naxüaxü̃ i wüxi i naãxẽ i doramaxã naã̱xgüwa idexaxü̃ rü curü yuchigaxü̃ ixugümarexü̃ —ñanagürü.

Yeremía 18:21

Rü ngẽmaca̱x i ñu̱xma rü cuxna naxca̱x chaca nax taiyamaxã rü taramaxã nayuexü̃ i nanegü rü naxacügü i ngẽma duü̃xü̃gü i chixexü̃ chomaxã ügüxü̃ rü ngẽma naxma̱xgü rü ngẽnegüxü̃ rü ngetegüxü̃ íyaxügüxü̃ rü ngẽma nategü rü da̱xaweanemaxã nayue rü ngẽma norü ngextü̱xügü rü daigu nayue.

Echequié 22:7

Rü ngẽma duü̃xü̃gü i cuwa maxẽxü̃ rü tama nanatüxü̃ rü tama naéxü̃ nangechaü̃gü. Rü chixri tümamaxã inacua̱x ya yíxema yutegüxe rü yíxema taxcuexe rü yíxema to i nachixü̃anewa ne ĩxẽ.

Echequié 34:2

—Cumax, Pa Yatüx, ¡rü chauégagu namaxã idexa i ngẽma dauruü̃gü i namaxã icua̱xgüxü̃ i chorü duü̃xü̃gü i Iraétanüxü̃ i ñoma carnérugürüxü̃ ixĩgüxü̃! ¡Rü ngẽma dauruü̃gümaxã nüxü̃ ixu i ñaa chorü ore rü ñaxü̃! “Pegümaxã pengechaxü̃gü, Pa Chorü Carnérugüarü Dauruü̃güx erü pegünaxicatama pedaugü. Natürü ngẽma penaxwa̱xexü̃ nixĩ nax mea nüxna pedaugüxü̃ i ngẽma chorü carnérugü.

Echequié 34:3

Rü pema rü ngẽma carnérugüarü lechi pixaxgü rü naxta̱xawa penaxü i pexchirugü rü penadai i ngẽma carnérugü i rümemaegüxü̃ nax namaxã pexãwemügüxü̃ca̱x, natürü tama mea nüxna pedaugü.

Yeremía 23:14

Rü choma rü marü nüxü̃ chadau i ngẽma Yerucharéü̃arü orearü uruü̃güneta nax poraãcü chixexü̃ naxügüxü̃. Rü ngexü̃gü i ãtéxü̃maxã namaxẽxü̃ rü duü̃xü̃güxü̃ nawomüxẽẽgüxü̃. Rü ngẽma duü̃xü̃gü i chixexü̃gu maxẽxü̃axü̃́ nanangúchaü̃xẽxẽ nax tama nüxna yaxĩgachixü̃ca̱x i ngẽma chixexü̃ i nagu namaxẽxü̃. Rü nümagü i ngẽma orearü uruü̃güneta rü ñu̱xũchi ngẽma ĩanecüã̱xgü rü chope̱xewa rü ñoma Chodómacüã̱x rü Gomóracüã̱xrüxü̃ nixĩgü.