Echequié 22:24 - Tupanaarü Ore

²⁴ —¡Cumax, Pa Yatüx, ¡rü Iraéanemaxã nüxü̃ ixu i ñaa chorü ore i ñaxü̃! “Pa Iraéanex, cuma nixĩ i wüxi i naane i taguma quiwaixü̃ erü taguma cugu napu, erü choma rü cumaxã chanu.

Echequié 22:24 Referans Kwoze

Yeremía 2:30

Rü choma rü chanapoxcu ga petanüxü̃gü, natürü tama chauga naxĩnüe, rü yemaacü natüca̱xmamare nixĩ nax chapoxcuexü̃. Rü pematama penadai ga perü orearü uruü̃gü, ñoma leóü̃gü i idüraexü̃ nada̱i̱xü̃rüxü̃.

Ichaía 9:13

Natürü nüma i Iraétanüxü̃ rü tama yimá Tupana ya napoxcuecüca̱x nawoegu, rü tama naga naxĩnüechaü̃ ya yimá Tupana ya Guxãétüwa Ngẽxmacü ya poraxüchicü.

Ichaía 1:5

Rü pema rü Tupanamaxã penue rü tama naga pexĩnüe. Rü ngẽmaca̱x taxuwama marü pexna nanacua̱i̱xcaéga, erü peeruwa rü marü guxü̃wama penapi̱xerugü rü marü pingearü poraxã̱x i ñu̱xmax.

Norü taxre ga to ga popera ga ãẽ̱xgacügüchiga ümatüxü̃ 28:22

Rü woo nax yema guxchaxü̃ naétüwa yexmaxü̃, natürü tama Cori ya Tupanaga naxĩnü. Rü yemaacü nixĩ ga guma ãẽ̱xgacü ga Acháx.

Chofonía 3:2

Rü tama Cori ya Tupanaarü ucu̱xẽ cuyaxu rü tama curü me nixĩ nax cuxü̃ naxucu̱xẽxü̃. Rü tama Cori ya Tupanaaxü̃́ cuyaxõ rü tama nüxna cungaicamachaü̃.

Echequié 24:13

Rü cumax, Pa Yerucharéü̃x, rü ñoma panera ya aüxǘchicürüxü̃ quixĩ. Rü choma rü nüxü̃ chadau nax poraãcü curü ngúchaü̃ cuxüxü̃. Rü ngẽma nixĩ i cuwa íchapixchaü̃xü̃ nax cumexü̃ca̱x. Natürü i cuma rü tama cunaxwa̱xe. Rü ngẽxguma chorü numaxã cuxü̃ chapoxcuguxicatama tá cume.

Yeremía 6:29

Rü ngẽxguma poraãcü yabuxgu ya üxü rü inanadexẽxẽ i plomu nax ínayixü̃ca̱x i norü ãũãchixü̃ nax aixcüma namexü̃ca̱x. Natürü ngẽma duü̃xü̃gü i chixexü̃arü üruü̃gü rü taxuwama name nax yamexẽẽgüxü̃, erü taguma nüxü̃ narüxoe i norü chixexü̃.

Yeremía 5:3

Pa Corix, ngẽma naxca̱x cudauxü̃ nixĩ i duü̃xü̃gü i aixcüma cuga ĩnüexü̃. Natürü woo cunapoxcue, rü tama cuga naxĩnüechaü̃. Rü cunadai, natürü tama inaxĩnüechaü̃. Yerü nutaarü yexera nataiarü maxü̃ã̱xgü, rü tama nüxü̃ narüxoechaü̃ i nacüma i chixexü̃.

Echequié 22:23

Rü nüma ga Cori ya Tupana rü chomaxã nidexa rü ñanagürü: