Echequié 22:22 - Tupanaarü Ore

²² Rü ngẽxgumarüxü̃ nax wüxi ya yapunawa nadexẽẽxü̃ i diẽrumü, rü ngẽxgumarüxü̃ ta i pemax rü ĩanearü ngãxü̃wa tá pexü̃ íchagu. Rü ngẽmaãcü tá nüxü̃ picua̱xãchitanü nax choma ya Cori ya Tupana yixĩxü̃ i chorü numaxã pexü̃ chapoxcuxü̃” —ñanagürü.

Echequié 22:22 Referans Kwoze

Echequié 20:33

Natürü i choma ya Cori ya Tupana rü chauégagu chanaxuegu rü chorü poramaxã rü chorü numaxã tá pexü̃ chapoxcu rü ngẽmaãcü tá pemaxã ichacua̱x.

Echequié 20:8

Natürü ga nümagü rü chomaxã nanueama rü tama chauga naxĩnüechaü̃. Rü tama ínanawogü ga norü tupananetachicüna̱xãgü rü tama nüxü̃ narüxoechaü̃ nax nüxü̃ yacua̱xüü̃güxü̃ ga yema Equítuanecüã̱xgüarü tupananetachicüna̱xãgü. Rü yexguma ga choma rü poraãcü namaxã chanu, rü nagu charüxĩnü chi nax Equítuanegu chanapoxcuexü̃ ñu̱xmata naxüpetü i chorü nu.

Ochéa 5:10

Rü ñanagürü ta: —Ngẽma Yudáanearü ãẽ̱xgacügü, rü ñoma naaneca̱x ngĩ́xü̃rüxü̃ nixĩgü erü Iraéanegu nachocu. Rü ngẽmaca̱x chorü numaxã tá poraãcü chanapoxcue.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:1

Rü ñu̱xũchi nüxü̃ chaxĩnü ga wüxi ga naga ga tagaãcü gumá Tupanapata ga taxü̃newa inaxũxü̃ ga ñaxü̃ nüxü̃ ga yema 7 ga orearü ngeruü̃gü: “¡Ngéma pexĩ, rü naaneétügu peyabagüãcu i ngẽma 7 i copugü i Tupanaarü numaxã ixããcuxü̃!” ñanagürü.

Echequié 22:31

Rü ngẽmaca̱x tá chanapoxcue i ngẽma duü̃xü̃gü. Rü chorü numaxã tá chanadai nax ngẽmaãcü ngẽma íyaxügüxü̃ nüxü̃ yacua̱xãchiexü̃ca̱x i ngẽma chixexü̃ i naxügüxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Tupana.

Echequié 22:16

Rü cugagu rü guxü̃ma i nachixü̃anegü rü tá chixri cuchiga nidexagü. Natürü ngẽmagagu rü cumax, Pa Yerucharéü̃x, rü tá nüxü̃ quicua̱xãchi nax choma yixĩxü̃ i Iraétanüxü̃arü Tupana —ñanagürü.

Echequié 22:23

Rü nüma ga Cori ya Tupana rü chomaxã nidexa rü ñanagürü:

Echequié 36:18

Rü nümagü rü yema nachixü̃anewa namáetagü rü tupananetagüxü̃ nicua̱xüü̃gü. Rü yemaca̱x nixĩ ga chorü numaxã poxcu naxca̱x íchanguxẽẽxü̃.

Echequié 7:9

Rü marü taxũtáma choxü̃́ pengechaxü̃tümüxü̃gü. Rü ngẽma pecüma i chixexü̃gagu tá pexü̃ chapoxcu nax ngẽmaãcü penaxütanüxü̃ca̱x ga yema chixexü̃gü ga pexügüxü̃. Rü pema rü ngẽmaãcü tá nüxü̃ picua̱xãchitanü nax choma ya Cori ya Tupana yixĩxü̃ nax pexü̃ chapoxcuexü̃.