Echequié 22:20 - Tupanaarü Ore

^20-21 Rü ngẽma nax wüxigu wüxi ya yapunagu iwocuxü̃ nax nadexẽẽxü̃ca̱x i ngẽma diẽrumü, rü cobre, rü fieru, rü plomu, rü estáñu rü ngẽxgumarüxü̃ ta i choma rü chorü numaxã tá pexü̃ changutaque̱xexẽxẽ nax pexü̃ íchaguxü̃ca̱x. Rü ngẽmaãcü chorü numaxã tá chanangixta ya üxü rü daa ĩanearü ngãxü̃gu tá pexü̃ changutaque̱xexẽxẽ. Rü ngéma tá pexü̃ íchagu.

Echequié 22:20 Referans Kwoze

Echequié 24:13

Rü cumax, Pa Yerucharéü̃x, rü ñoma panera ya aüxǘchicürüxü̃ quixĩ. Rü choma rü nüxü̃ chadau nax poraãcü curü ngúchaü̃ cuxüxü̃. Rü ngẽma nixĩ i cuwa íchapixchaü̃xü̃ nax cumexü̃ca̱x. Natürü i cuma rü tama cunaxwa̱xe. Rü ngẽxguma chorü numaxã cuxü̃ chapoxcuguxicatama tá cume.

Yeremía 4:20

Rü nüxü̃ taxĩnüchiga nax ngẽma uanügü rü guxü̃wama naporamaegüxü̃ i tachixü̃anewa. Rü yima tórü ĩanegü rü nachitaxü̃xica íyaxügüxü̃. Rü ngürüãchi changepata erü marü nagu napogüe ya yima chopatagü ya naxchirunaxca̱x.

Ichaía 54:16

Rü dücax, choma nixĩ ga chanango̱xẽẽxü̃ ga yema duü̃xü̃ ga fieru iguxü̃ nax naxnegü nawa naxüxü̃ca̱x. Rü yexgumarüxü̃ ta chanango̱xẽxẽ ga yema churaragü ga dairuü̃gü nax guxü̃ma iyanaxoxẽẽgüxü̃ca̱x.

Ichaía 1:25

Rü tá wena pexna chanacuaixca rü tá ichayanaxoxẽxẽ i guxü̃ma i ngẽma chixexü̃gü i petanüwa ngẽxmagüxü̃. Rü ngẽmaãcü tá pexü̃́ íchanapi i guxü̃ma i perü ãũãchixü̃.

Yeremía 8:13

Rü nüma ya Cori ya Tupana rü ñanagürü: —Ñoma trigu iyarüxoxẽẽxü̃rüxü̃ tá chayanaxoxẽxẽ i ngẽma chorü ngü̃xẽxẽ ga noxri chorü duü̃xü̃güna chaxãxü̃. Rü taxuxü̃táma i úba ínayaxü i norü úbanecügüwa, rü bai tá i wüxi i igu íyaxüxü̃ i norü igunecüwa. Rü naatügü i rüngẽ̱xẽgüxü̃xica tátama ínayaxügü —ñanagürü.

Echequié 22:19

Rü ngẽmaca̱x i choma ya Cori ya Tupana rü ñacharügü pexü̃: “Ñu̱xmax i pemax nax ñoma natüchigü i taxuwama mexü̃rüxü̃ pixĩgüxü̃ rü tá Yerucharéü̃arü ngãxü̃gu pexü̃ changutaque̱xexẽxẽ.

Echequié 22:31

Rü ngẽmaca̱x tá chanapoxcue i ngẽma duü̃xü̃gü. Rü chorü numaxã tá chanadai nax ngẽmaãcü ngẽma íyaxügüxü̃ nüxü̃ yacua̱xãchiexü̃ca̱x i ngẽma chixexü̃ i naxügüxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Tupana.

Echequié 36:18

Rü nümagü rü yema nachixü̃anewa namáetagü rü tupananetagüxü̃ nicua̱xüü̃gü. Rü yemaca̱x nixĩ ga chorü numaxã poxcu naxca̱x íchanguxẽẽxü̃.

Ochéa 8:10

Natürü woo ngẽma Achíriaanecüã̱xgüaxṹ naxütanügüãxgu natürü choma rü ngẽma togü i nachixü̃anegügu tá chanawoone. Rü ñuxre ya taunecü rü taxũtáma nüxü̃́ nangẽxma i noxrütama ãẽ̱xgacügü.