Echequié 22:2 - Tupanaarü Ore

² —Cumax, Pa Yatüx, ¡namaxã naxuegu i norü poxcu ya yima ĩane ya máxwa̱xéne ya Yerucharéü̃! ¡Rü guxü̃ma i ngẽma chixexü̃gü i ãũãchixü̃ i naxügüxü̃gagu rü ínaxuãü̃gü!

Echequié 22:2 Referans Kwoze

Naúü̃ 3:1

¡Cugümaxã nangechaü̃, Pa Ĩane ya Máetane! Rü cuma rü doramaxã rü daimaxã cunapa. Rü ngẽma nax cuwa nangĩ́ta̱xagüxü̃ rü tama inayacua̱x.

Echequié 24:9

Rü ngẽmaca̱x chanaxuegu rü wüxi i taxü̃ i ngechaü̃ tá nixĩ i cuxca̱x, Pa Yerucharéü̃x ya Máetawa̱xenex. Rü chomatátama nua chananutaque̱xe i üxü. Rü cumax, Pa Echequiéx, ¡rü wüxigu nanutaque̱xe i ngẽma üxü rü nawa nangĩxichi nax ngẽmaãcü namuxraxü̃ca̱x i ngẽma namachi rü ñu̱xmata yachextüü̃xü̃ca̱x rü yaxaexü̃ca̱x ya yima naxchina̱xãgü!

Echequié 24:6

Rü nüma ya Cori ya Tupana rü ñanagürü: —¡Wüxi i taxü̃ i ngechaü̃ nixĩ i cuxca̱x, Pa Máetatanüxü̃arü Ĩanex ya Yerucharéü̃x! Erü ngẽma curü chixexü̃ rü ñoma wüxi ya panera ya ãü̃cürüxü̃ nixĩ rü tama inayi i ngẽma curü ãũãchixü̃. ¡Rü ñu̱xmax i cumax, Pa Echequiéx, rü ínacuixü̃ i wüxichigü i ngẽma namachi ñu̱xmata nangeãcu ya yima panera!

Echequié 20:4

Rü narümemae, Pa Yatüx, nax cumatama nüxna cucaxü̃ rü namaxã nüxü̃ quixuxü̃ ga yema chixexü̃gü ga ãũãchixü̃ ga nanatügü rü norü o̱xigü ügüxü̃.

Ichaía 58:1

Rü Tupana rü Ichaíaxü̃ ñanagürü: —¡Tagaãcü aita naxü rü taxṹ i cumuü̃xü̃! ¡Rü nataga ñoma wüxi ya cornétarüxü̃! ¡Rü yangagü i ngẽma Acóbuarü duü̃xü̃gü i Iraétanüxü̃ nagagu i norü chixexü̃gü rü norü pecadugü!

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:20

Natürü ngẽma yaxõgüxü̃arü ãẽ̱xgacügü i aixcüma pecadugu maxẽxü̃, rü name nixĩ i guxü̃ i yaxõgüxü̃pe̱xewa cunaxucu̱xẽ, nax guxü̃ma i ngẽma togü i yaxõgüxü̃arü ãẽ̱xgacügü rü ta namuü̃exü̃ca̱x nax naxügüãxü̃ i ta̱xacürü chixexü̃.

Ngechuchuarü ngúexü̃gü ga yamugüxü̃arü puracüchiga 7:52

Rü perü o̱xigü rü chixri namaxã inacua̱xgü ga guxü̃ma ga Tupanaarü orearü uruü̃gü. Rü nanadai ga yema orearü uruü̃gü ga nüxü̃ ixuchigagüxü̃ nax núma tá naxũxü̃ ga gumá mecü ya Ngechuchu. Rü yexguma ínanguxgu ga gumá Ngechuchu rü pema rü Pirátupe̱xewa ípenaxuaxü̃ rü peyama̱x.

Ore i mexü̃ ga Matéu ümatüxü̃ 27:25

Rü guxü̃ma ga yema duü̃xü̃gü nanangãxü̃gü, rü ñanagürügü: —Togagu rü toxocügügagu tá nixĩ i nayuxü̃ —ñanagürügü.

Ochéa 4:2

Rü tamuxũchi ya natüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngexü̃maxã ipegüxü̃, rü nügü daixü̃, rü máetagüechaxü̃.

Norü taxre ga popera ga ãẽ̱xgacügüchiga 21:16

Rü yema Manaché üxü̃ rü Tupanape̱xewa poraãcü nachixe, rü ñu̱xũchi yema duü̃xü̃gü ga Yudáanecüã̱xgüxü̃ namu nax nümagü rü ta naxügüãxü̃ ga yema chixexü̃gü. Rü naétü rü nüma ga Manaché rü Yerucharéü̃wa nanadai ga muxü̃ma ga duü̃xü̃gü ga taxuxü̃ma ga chixexü̃ ügüxü̃. Rü yemaacü ga guma ĩane rü nagümaxã nanapa.

Ore i mexü̃ ga Luca ümatüxü̃ 11:50

Rü ñanagürü ga Ngechuchu: —Rü pemaxã nüxü̃ chixu rü Tupana tá nayapeguãchixẽxẽ i pema i ñu̱xma maxẽxe, erü pema rü ta perü o̱xigücümagu pexĩ. Nümagü rü noxritama naanearü ügügumama rü nanadai ga muxü̃ma ga Tupanaarü orearü uruü̃gü. Rü nüxíra nayama̱xgü ga Abé rü gumáwena nayadaietanü ga muxü̃ma ga togü ñu̱xmata Chacaría ga Tupanapatagu yama̱xgüãcüwa nangu. Rü guxü̃ma ga yema orearü uruü̃gü ga perü o̱xigü daixü̃ca̱x rü Tupana tá pexna naca, erü pema rü ta perü o̱xigürüü̃tama pixĩgü, rü tama nüxü̃ perüxoechaü̃ i ngẽma chixexü̃ i pexüxü̃.

Ore i mexü̃ ga Matéu ümatüxü̃ 23:35

Rü ngẽmaca̱x Tupana tá pexü̃ napoxcue naxca̱x i guxü̃ma ga norü duü̃xü̃gü ga imexü̃gü ga perü o̱xigü daixü̃. Rü Abéwa nixĩ ga inaxügüãxü̃ ga nax nadaiaxü̃. Rü Chacaría ga Berequía nane ga Tupanapatape̱xegu ga ãmarearü guruü̃xü̃tagu peyama̱xgücügu nixĩ ga iyacuáxü̃.

Yeremía 2:34

Rü guxü̃wama cuxãũãchichiru tümagümaxã ya yíxema duü̃xẽ ya ingearü diẽruã́xẽ rü yíxema taxuxü̃ma i chixexü̃ ügüxe, rü yíxema i tama tümawa nüxü̃ cuyangauxe i ta̱xacürü chixexü̃ nax taxügüxü̃.

Yeremía 2:30

Rü choma rü chanapoxcu ga petanüxü̃gü, natürü tama chauga naxĩnüe, rü yemaacü natüca̱xmamare nixĩ nax chapoxcuexü̃. Rü pematama penadai ga perü orearü uruü̃gü, ñoma leóü̃gü i idüraexü̃ nada̱i̱xü̃rüxü̃.

Echequié 9:9

Rü nüma ga Cori ya Tupana rü choxü̃ nangãxü̃ga rü ñanagürü: —Ngẽma Iraéanecüã̱xgüarü pecadu rü ngẽma Yudáanecüã̱xgüarü pecadu rü nataxüchi. Rü ngẽma nachixü̃ane rü máetagüxü̃maxã nanapá. Rü yima ĩane ya Yerucharéü̃wa rü norü duü̃xü̃gü rü chixeãcü nügümaxã inacua̱xgü. Rü nüma nagu naxĩnüegu rü marü nüxna chixũ i ngẽma nachixü̃ane, rü ngẽmaca̱x tama nüxü̃ chadau i ngẽma naxügüxü̃.

Echequié 11:6

Pemax rü muxẽma tüxü̃ pedai i daa ĩanewa, rü ñu̱xũchi yuexexü̃negümaxã peyapagüxẽxẽ ya daa ĩanearü namagü.

Echequié 22:1

Rü nüma ga Cori ya Tupana rü chomaxã nidexa rü ñanagürü:

Echequié 22:3

Rü namaxã idexa ya yima ĩane rü namaxã nüxü̃ ixu rü choma ya Cori ya Tupana rü ñachagürü: “Pa Ĩane ya Yerucharéü̃x, paxa tá cuxca̱x ínangu i curü poxcu erü cuma rü cunadai i curü duü̃xü̃gü rü nüxü̃ quicua̱xüxü̃gü i ngẽma naxchicüna̱xãgü i cumatama cuxüxü̃.