Echequié 22:12 - Tupanaarü Ore

¹² Rü curü duü̃xü̃gütanüwa nangẽxma i duü̃xü̃gü i diẽruca̱x máetagüxü̃. Rü cuwa nangẽxma i duü̃xü̃gü i taxü̃ i üétüca̱x tüxna cagüxü̃ ya yíxema diẽruca̱x nüxna cagüxe. Rü ngẽmaãcü taxü̃ i chixexü̃ naxügü erü tüxü̃́ nangĩ̱x ya yíxema namücügü rü ngẽmagagu choxü̃ inarüngüma. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Echequié 22:12 Referans Kwoze

Echequié 23:35

Rü ngẽmaca̱x i choma ya Cori ya Tupana rü ñachagürü: “Ngẽma nax choxü̃ curüngü̃maxü̃gagu rü choxna quixũgachixü̃gagu rü tá cuyange i ngẽma poxcu. Rü ngẽmaãcü tá cupoxcu nagagu ga yema cuxunearü ngúchaü̃ nax cuxüxü̃ rü yema nax cungeãẽxü̃” —ñanagürü.

Wenaxarü naxümatü ga Tupanaarü mugü 27:25

“Rü ngẽma duü̃xü̃ i tüxü̃ yauxtanüxü̃ nax tüxü̃ yamáxü̃ca̱x ya duü̃xẽ ya taxuxü̃ma chixexü̃ üxe rü chixexü̃wa nangẽxma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Echequié 18:8

Rü yima yatü ya mecümacü rü ngẽxguma texé diẽruca̱x nüxna caxgu nax ngĩxü̃ tatáeguxẽẽxü̃ca̱x rü yima yatü tama nanaxwa̱xe nax üétüãcü ngĩxü̃ tatáeguxẽẽxü̃ i ngẽma diẽru. Rü yimá yatü ya mecümacü rü tama texémaxã guxchaxü̃ naxü. Rü yimá yatü rü ngẽxguma namexẽẽãgu i taxre i duü̃xü̃güarü guxchaxü̃ rü taxueétüwama naxǘ.

Yeremía 2:32

Rü wüxi i pacü rü tama nüxü̃ iyarüngüma i ngẽma ngĩrü ngã̱xãẽruü̃gü. Rü ngẽxguma yangĩxgu rü tama nüxü̃ iyarüngüma nax ngĩgü naxüaxü̃ i ngẽma ngĩrü meruü̃gü. Natürü ngẽma chorü duü̃xü̃gü rü nũxcümatama choxü̃ inayarüngümae.

Wiyaegü 106:21

Rü nüxü̃ inayarüngümae ga Tupana ga norü poxü̃ruxü̃ ixĩcü ga naxücü ga taxü̃ ga guxchaxü̃gü ga Equítuanewa rü baixãchixẽẽruü̃gü ga Cáü̃chixü̃anewa rü ãũcümaxü̃ ga Már ga Dauchíüxü̃wa.

Wiyaegü 15:5

rü tümaarü diẽru paxaãchi ngĩxü̃ ixãxẽ nax ngearü üétüãcüma tanatáeguxẽẽãxü̃ca̱x, rü tama diẽru yaxúxe ega texé naxütanügu nax napoxcuxü̃ca̱x i ngẽma taxuxü̃ma i chixexü̃ üxü̃. Rü yíxema ngẽmaãcü maxü̃́xẽ rü tagutáma ta̱xacürü chixexü̃gu tangu.

Wenaxarü naxümatü ga Tupanaarü mugü 23:19

Rü ngẽxguma pemücüna diẽru pexãxgu nax yixcüamaxü̃ra pexü̃́ tá natáeguxẽẽxü̃ca̱x, ¡rü taxṹ i penaxwa̱xexü̃ nax norü üétümaxã pexü̃́ tá nataeguxü̃! Rü nüetama nixĩ ega woo diẽru yixĩxgu, rüe̱xna õna yixĩxgu, rüe̱xna ngexü̃rüüxü̃mare i ngẽmaxü̃gü i üétüãcü itaxeguxẽẽxü̃ yixĩxgu.

Wenaxarü naxümatü ga Tupanaarü mugü 16:19

Rü pemax, Pa Ãẽ̱xgacügü i Guxchaxü̃güarü Mexẽẽruü̃güx, ¡rü taxṹ i peyatoxẽxẽxü̃ i ngẽma guxchaxü̃arü mexẽxẽ! Rü ngẽxguma penamexẽẽgu i ngẽma duü̃xü̃güarü guxchaxü̃gü rü name nax guxãxü̃ma mea penamexẽẽxü̃ i tümarü guxchaxü̃gü. ¡Rü taxũtáma penayaxu ega texé pexü̃́ naxütanüchaü̃gu nax nawaama pexüxü̃ca̱x! Erü ngẽma diẽru rü ñoma yangexetüxü̃rüxü̃ nayaxĩgüxẽxẽ i ngẽma nüxü̃ cua̱xüchixü̃ rü ínayatoxẽxẽ i ngẽma aixcümaxü̃ ixugüxü̃arü dexa.

Popera ga Yúda ümatüxü̃ 1:11

Rü wüxi i ngechaü̃xü̃chi nixĩ naxca̱x i ngẽma duü̃xü̃gü erü Caíü̃ ga naenexẽxü̃ imáxü̃rüxü̃ nixĩgü. Rü ãẽ̱xgacü ga Balaáü̃rüxü̃ diẽruca̱x chixexü̃ naxügü. Rü Corérüxü̃ tama Tupanaga naxĩnüechaü̃, rü ngẽmaca̱x tá nayue.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:3

Rü tama name i wüxi i ngãxwa̱xexü̃ rü nuwa̱xexü̃ tixĩ. Rü tama name i tümaarü diẽruguama rüxĩnüxe tixĩ. Natürü name nixĩ i guxü̃ i duü̃xü̃gümaxã yáxna taxĩnü rü namaxã tamecüma.

1 Corintios 5:11

Natürü yexguma pemaxã nüxü̃ chixuxgu nax tama namaxã pexãmücügüxü̃ i ngẽma duü̃xü̃gü i chixexü̃gu maxẽxü̃, rü nachiga chidexa i ngẽma duü̃xü̃ i nügü ixuxü̃ nax peenexẽgü i yaxõxü̃ nax yixĩxü̃, natürü nai i ngexü̃maxã maxü̃xü̃, rüe̱xna aüxü̃, rüe̱xna tupananetachicüna̱xãxü̃ icua̱xüü̃xü̃, rüe̱xna oregüta̱a̱xü̃, rüe̱xna ngãxẽwa̱xexü̃, rüe̱xna ngĩ́ta̱xaxü̃. Rü ngẽma duü̃xü̃gü nixĩ i pemaxã nüxü̃ chixuxü̃ nax tama namexü̃ nax namaxã pexãmücügüxü̃ rü bai i namaxã nax pechibüexü̃.

Ore i mexü̃ ga Luca ümatüxü̃ 19:8

Rü yexguma ga Chaquéu rü inachi rü ñanagürü Ngechuchuxü̃: —Dücax, Pa Corix, choma rü ngẽma ngearü diẽruã̱xgüxü̃na tá chanaxã i ngãxü̃gu i guxü̃ma i chorü ngẽmaxü̃gü. Rü ngẽxguma chi texé tüxü̃ chawomüxẽẽãcüma tüxü̃́ changíxgu, rü ãgümücüe̱xpü̱xcüna tá tüxü̃́ ngĩxü̃ chatáeguxẽxẽ i ngẽma tümaarü diẽru —ñanagürü.

Ore i mexü̃ ga Luca ümatüxü̃ 18:11

Rü yema Parichéu rü yexma nachi, rü ñaaãcü nayumüxẽ: “Pa Tupanax, moxẽ cuxna chaxã erü tama togürüxü̃ chixexü̃ chaxü, rü tama ngẽmagürüxü̃ changĩ́ta̱a̱x, rü tama chixri chamaxü̃, rü tama nai i ngexü̃maxã ichape. Rü bai i ñaa yatü i Rómaarü ãẽ̱xgacüca̱x diẽru ngĩxü̃ dexü̃rüxü̃ chixĩ.

Ore i mexü̃ ga Luca ümatüxü̃ 3:13

Rü Cuáü̃ rü ñanagürü nüxü̃: —Tama name i ãẽ̱xgacü pemaxã nüxü̃ ixuxü̃arü yexera penayauxgü i diẽru i duü̃xü̃güxü̃tawa —ñanagürü.

Ore i mexü̃ ga Matéu ümatüxü̃ 23:25

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x, erü ñoma wüxi i axepáü̃ rüe̱xna wüxi ya poratu i düxétüwaxicatama mexü̃rüxü̃ pixĩgü. Rü pema rü perü düxétüxü̃newaxicatama pegü pimexẽxẽ, natürü perü maxü̃wa rü poraãcü pichixe. Erü penawomüxẽẽãcüma naxca̱x pengĩ̱x i duü̃xü̃güarü ngẽmaxü̃gü, rü pegüguxicatama perüxĩnüe.

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Yeremía 3:21

Rü ngẽma auexü̃ i ngüchitaeruxü̃güwa rü chianexü̃güwa i duü̃xü̃gü nüxü̃ ĩnüexü̃ rü nümagü nixĩ i Iraétanüxü̃ i auxexü̃ rü ngechaü̃ca̱x ícagüxü̃. Erü chixexü̃gu namaxẽ, rü choxü̃ narüngümae i choma nax norü Cori ya Tupana chixĩxü̃.

Ichaía 56:11

Rü ñoma airugü i taiyaeechaxü̃ rü taguma ngãxpütüwegüxü̃rüxü̃ pixĩgü. Rü pema rü dauruü̃gü i tama nüxü̃ cua̱xgüégaxü̃ pixĩgü. Rü wüxichigü i pema rü perü ngúchaü̃ama pixü rü pexrütama ngẽmaxü̃guama perüxĩnüe.

Ichaía 1:23

Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.

Ucu̱xẽgüchiga 1:19

Rü ngẽma duü̃xü̃gü i naxca̱x ñu̱xãẽgüxü̃ nax ngĩ́ãcü nanutaque̱xeãxü̃ i norü ngẽmaxü̃gü, rü ngẽma norü chixexü̃gagu tá nayue.

Neemía 5:7

Rü yexguma marü meama nagu charüxĩnüguwena rü chayangagü ga yema ãẽ̱xgacügü rü yema duü̃xü̃gü ga idiẽruã̱xgüxü̃ naxca̱x ga yema chixexü̃ ga natanüxü̃maxã naxügüxü̃. Rü wüxi ga ngutaque̱xe namaxã chaxü ga yema duü̃xü̃gü nax nachiga chidexaxü̃ca̱x ga yema ngupetüxü̃.

Neemía 5:1

Rü yema ga ngunexü̃gügu ga duü̃xü̃gü rü ñu̱xũchi naxma̱xgü rü poraãcü yema togü ga natanüxü̃ ga Yudíugü ga diẽruã̱xgüxü̃chiga nidexagü.

Wenaxarü naxümatü ga Tupanaarü mugü 32:18

Rü pema, Pa Iraétanüxü̃x, rü nüxü̃ perüngümae ya penatü ya Cori ya Tupana ya perü poxü̃ruxü̃ ixĩcü rü maxü̃ pexna ãcü.

Lebítanüxü̃arü puracüchiga 19:13

¡Rü taxṹ i cumücüxü̃ cuxãxũnexü̃ rü taxṹ i nüxna cunapuxü̃ i norü ngẽmaxü̃gü! ¡Rü taxṹ i curü puracütanüxü̃na cunachu̱xuxü̃ i norü diẽru nax moxü̃ãcüama nüxü̃́ cunaxütanüxü̃ca̱x!

Echequié 36:12

Pa Ma̱xpǘnegüx, choma rü tá wena pewa chanangexmagüxẽxẽ i chorü duü̃xü̃gü i Iraétanüxü̃. Rü nümagü rü tá wena perü yora nixĩgü rü tá pemaxã inacua̱xgü. Rü nanegü rü guxü̃gutáma pewa nangẽxmagü’ ” —ñanagürü.

Lebítanüxü̃arü puracüchiga 25:37

Rü ngẽxguma cuxü̃́ ngĩxü̃ tatáeguxẽẽgu i ngẽma diẽru i tüxna ngĩxü̃ cuxãcü, rü tama name nax ngĩxü̃ cuxüétüxü̃. Rü tama name i tümamaxã cunatatanü i ngẽma õna i tüxna cuxãxü̃.

Ichaía 17:10

Erü pemax, Pa Iraétanüxü̃x, rü nüxü̃ perüngümae ya Tupana ya pexü̃ ípoxü̃cü. Rü tama nüxna pecua̱xãchie nax nüma yixĩxü̃ i pexna nadauxü̃ nax taxúema pexü̃ chixewexü̃ca̱x. Natürü i ñu̱xma rü ípenato i mexẽchixü̃ i perü nanetügü rü úbagü nax ngẽmamaxã nüxü̃ picua̱xüü̃güxü̃ca̱x i tupananetagü.

Yeremía 6:13

Rü ñanagürü: —Guxü̃ma i ngẽma muarü diẽruã́xü̃ rü ngẽma noxrearü diẽruã́xü̃, rü nagu narüxĩnüe nax chixexü̃wa nayauxgüãxü̃ i diẽru. Rü guxü̃ma i ngẽma orearü uruü̃gü rü chacherdótegü rü duü̃xü̃güxü̃ nawomüxẽxẽ.

Yeremía 9:1

Choma rü ngunecü rü chütacü naxca̱x chaxauxecha i ngẽma chorü duü̃xü̃gü i yuexü̃. Rü chierü ñoma wüxi i dexá i íchuxchuechaxü̃rüxü̃ yixĩxgu i chauxgüxü̃etü.

Amúx 8:4

Rü Cori ya Tupana rü ñanagürü: —¡Nüxü̃ pexĩnüe i pemax nax chixri tümamaxã pixĩgüxü̃ ya yíxema taxuxü̃ma tüxü̃́ ngẽxmagüxe rü tüxü̃ pedaixü̃ ya yíxema ingearü diẽruã̱xgüxe i ñaa nachixü̃anewa ngẽxmagüxe!

Amúx 8:6

Rü ngẽma ngearü diẽruã̱xgüxü̃ rü penaxwa̱xe nax pexü̃ nügümaxã nataxegüxü̃ nax ngẽmaãcü naxütanügüãxü̃ca̱x i ngẽma diẽru i pexü̃́ nangetanügüxü̃ woo taxre i chapatu nangetanügügu. Rü woo ngẽma trigucha̱xmügü rü namaxã petaxegü —ñanagürü