Echequié 22:11 - Tupanaarü Ore

¹¹ Rü nangẽxma i duü̃xü̃gü i namücüma̱xmaxã maxü̃xü̃, rüe̱xna naneã̱xmaxã maxü̃xü̃, rüe̱xna naeya̱xmaxã maxü̃xü̃.

Echequié 22:11 Referans Kwoze

2 Chamué 13:14

Natürü nüma ga Anóü̃ rü tama ngĩga naxĩnü. Rü nüma nax ngĩxü̃ narüporamaexü̃ rü ngĩxü̃ niyaxu rü ngĩmaxã namaxü̃.

Lebítanüxü̃arü puracüchiga 20:17

Rü ngẽxguma wüxi i yatü rü naeya̱xmaxãtama naxãxma̱xgu, rü woo nai i ngewáxü̃ tixĩxgu rüe̱xna woo nai ya yatüxacü tixĩxgu, rü ngẽxguma naxü̃nearü ngúchaü̃ nügümaxã naxügügu i ngẽma taxre, rü name nax wüxicana duü̃xü̃güpe̱xegu penadaixü̃. Erü ngẽma nax naeya̱xmaxãtama namaxü̃xü̃ rü wüxi i taxü̃ i ãne nixĩ. Rü yíxema ngẽma üxe rü tá tümaarü chixexü̃gagu tapoxcu.

Lebítanüxü̃arü puracüchiga 18:15

¡Rü taxṹ i cuneã̱xmaxã cuxunearü ngúchaü̃ cuxüxü̃! Erü cune naxma̱x iyixĩ. Rü ngẽmaca̱x tama name nax cuxunearü ngúchaü̃ ngĩmaxã cuxüxü̃.

Lebítanüxü̃arü puracüchiga 18:9

¡Rü taxṹ i cueya̱xmaxãtama cuxunearü ngúchaü̃ cuxüxü̃! Rü woo ega nai i ngewáxü̃ yixĩxgu i ngẽma cueya̱x rüe̱xna nai ya yatüwaxü̃ yixĩxgu, rü woo cupatagu naxíragu rüe̱xna nai ya ĩpatagu naxíragu, ¡rü taxṹ i ngĩmaxã cuxunearü ngúchaü̃ cuxüxü̃!

Lebítanüxü̃arü puracüchiga 20:12

Rü ngẽxguma texé tümaneã̱xmaxã ipexgu, rü ngẽma taxre rü wüxicana tá penadai. Rü nagagutama nayue i ngẽma taxre, erü ngẽma rü wüxi i pecadu i poraãcü chixexü̃ nixĩ.

Lebítanüxü̃arü puracüchiga 20:10

Rü ngẽxguma wüxi i yatü i ãmaxü̃ namücüma̱xmaxã inapexgu, rü ngẽma yatü rü noxtacüma tá peyama̱x. Rü ngẽxgumarüxü̃ ta i ngẽma ngexü̃ rü noxtacüma peyama̱x.

Lebítanüxü̃arü puracüchiga 18:20

¡Rü taxṹ i cumücü naxma̱xmaxã cupexü̃ rü cuxunearü ngúchaü̃ ngĩmaxã cuxüxü̃! Erü ngẽxguma ngẽma cuxü̱xgu rü cugü cuxãũãchixẽxẽ.

Popera ga Yudíugü ga yaxõgüxü̃ca̱x ümatüxü̃ 13:4

Rü ngẽma yatügü i ãmaxü̃ rü name i aixcüma naxma̱xü̃ nangechaü̃gü. Rü ngẽxgumarüxü̃ ta i ngexü̃gü, rü name i aixcüma mea natexü̃ nangechaxü̃gü. Rü name i naxma̱xmaxãxicatama rü natemaxãxicatama nanaxü i norü ngúchaü̃. Erü Tupana rü tá nüxna naca rü tá nanapoxcue i ngẽma duü̃xü̃gü i nai i ngexü̃maxã rü ẽ̱xna nai ya yatümaxã maxẽxü̃. Rü aixcüma tá tüxü̃ napoxcue ya guxãma ya yíxema naxma̱xna to i ngexü̃maxã maxü̃́xẽ rü ngẽma natena to i yatümaxã maxü̃́xẽ.

Gálatas 5:19

Rü meama nango̱x nax ñuxãcü namaxẽxü̃ i ngẽma duü̃xü̃gü i naxü̃nearü ngúchaü̃ ügüxü̃. Rü nümagü rü nai i ngexü̃maxã namaxẽ, rü chixriãcü nügümaxã namaxẽ. Rü tama naxãnẽ nax ngẽmaãcü nügümaxã namaxẽxü̃.

1 Corintios 6:9

¿Tama ẽ̱xna nüxü̃ pecua̱x nax ngẽma duü̃xü̃gü i chixexü̃ ügüxü̃ rü nataxuxü̃táma i nachica i Tupana ãẽ̱xgacü íyixĩxü̃wa? ¡Rü tama name i pegütama pewomüxẽxẽgü! Erü Tupana ãẽ̱xgacü íyixĩxü̃wa rü nataxutama i nachica i ngẽma duü̃xü̃gü i nai i ngexü̃maxã ipexü̃, rü ngẽma duü̃xü̃gü i tupananetachicüna̱xãxü̃ icua̱xüü̃güxü̃, rü ngẽma duü̃xü̃gü i naxma̱xẽchita rüe̱xna nateechita ngeãẽxü̃, rü ngẽma yatügü i naxrüxü̃ yatüxü̃maxã ngeãẽxü̃, rü ngẽma ngexü̃gü i naxrüxü̃ ngexü̃gümaxã ngeãẽxü̃, rü ngẽma ngĩ́ta̱xagüxü̃, rü ngẽma aüwa̱xegüxü̃, rü ngẽma ngãxẽwa̱xegüxü̃, rü ngẽma oregüta̱a̱xgüxü̃, rü ngẽma womüxẽẽwa̱xegüxü̃. Rü guxü̃ma i ngẽmagü rü nataxutama i nachica i Tupana ãẽ̱xgacü íyixĩxü̃wa.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Yeremía 29:23

Rü ngẽmaãcü tá nangupetü yerü Iraéanewa rü taxü̃ ga chixexü̃ naxügü. Rü namücüma̱xmaxã namaxẽ. Rü chauégagu nüxü̃ nixugüe ga doramare ixĩxü̃ ga choma tama namaxã nüxü̃ chixuxü̃ nax nüxü̃ yaxugüxü̃ca̱x. Rü choma rü meama nüxü̃ chacua̱x i ngẽma erü nüxü̃ chadau nax ngẽma naxüxü̃” —ñanagürü ga Tupana.

Yeremía 9:2

Rü chierü ngextá ínachianexü̃wa choxü̃́ nangẽxmagu i wüxi i nachica nax ngẽxma chaxãpataxü̃ca̱x nax ngẽmaãcü chorü duü̃xü̃güna yáxü̃wa changexmaxü̃ca̱x. Erü guxü̃ma chixexü̃gu namaxẽ, rü duü̃xü̃gü i naechitamare maxẽxü̃ nixĩgü.

2 Chamué 13:1

Acharóü̃ ga Dabí nane rü nüxü̃́ iyexma ga naeya̱x ga Tamáragu ãégacü. Rü ngĩma rü imechametüxüchi. Rü nayexma ta ga to ga Dabí nane ga Anóü̃gu ãégaxü̃. Rü nüma ga Anóü̃ rü poraãcü naeya̱x ga Tamáraxü̃ nangẽ̱xẽ.

Wenaxarü naxümatü ga Tupanaarü mugü 27:22

“Rü yíxema ngĩmaxã maxü̃́xẽ i tümaeya̱x i nai i ngewáxü̃cü rü chixexü̃wa tangexma. Rü ngẽxgumarüxü̃ ta chixexü̃wa tangexma ya yíxema ngĩmaxã maxü̃́xẽ i tümaeya̱x i nai ya yatüxacü ixĩcü. Rü ngẽmaãcü taxü̃ i chixexü̃ taxü̃”. Rü guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Wenaxarü naxümatü ga Tupanaarü mugü 22:22

Rü ngẽxguma texé íyanguéxü̃gu i wüxi i yatü i wüxi i nge i ãtecümaxã maxü̃xü̃, rü ngẽma taxre rü tá yu namaxã naxuegugü. Rü ngẽmaãcü tá peyanaxoxẽxẽ i ngẽma chixexü̃ i Iraétanüxü̃tanüwa ngẽxmaxü̃.

2 Chamué 13:11

Natürü yexguma nüxna nangaicamagu, rü nüma ga Anóü̃ rü ngĩxna nichü̱xüxü rü ngĩxü̃ ñanagürü: —¡Nua naxũ, Pa Chaueya̱x, rü chauxü̃tagu naca! —ñanagürü.

Echequié 18:6

Rü yíxema rü tama natanügu taxã i ngẽxguma togü ma̱xpǘnegüwa taxü̃ i õna naxügügu nax norü tupananetachicüna̱xãgüxü̃ yacua̱xüü̃güxü̃ca̱x. Rü tama nüxü̃́ tayaxõ i ngẽma Iraétanüxü̃arü tupananetagü. Rü yíxema rü tama tümamücüxü̃ tayapu̱xma̱x, rü tama tümama̱xmaxã tamaxü̃ ega ngẽxguma tümaarü da̱xawexü̃newa tangexmagu.

Echequié 33:26

Rü pema rü perü taramaxã pemáeta, rü taxü̃ i chixexü̃gü pexüe, rü pexma̱xgüna nai i ngexü̃maxã pemaxẽ. ¿Rü ngẽmaétüwa nagu perüxĩnüe nax pexrü yixĩxü̃ i ñaa nachixü̃ane?”

Lebítanüxü̃arü puracüchiga 18:6

¡Rü taxuxü̃táma i wüxi i yatü rü wüxi ya ngexe ya natanüxü̃xüchi ixĩxẽ nüxü̃́ tangúchaü̃ nax tümamaxã namaxü̃xü̃ca̱x! Rü choma nixĩ i Iraétanüxü̃arü Cori ya Tupana chixĩxü̃.