Echequié 22:10 - Tupanaarü Ore

¹⁰ Rü nangẽxma i duü̃xü̃gü i nanatüma̱xmaxã maxẽxü̃ rüe̱xna naxma̱x ya tümaarü da̱xawexü̃ne tüxü̃́ ngẽxmaxẽmaxã maxü̃xü̃.

Echequié 22:10 Referans Kwoze

Lebítanüxü̃arü puracüchiga 18:19

¡Rü taxṹ i cuxunearü ngúchaü̃ ngĩmaxã cuxüxü̃ i wüxi i nge ega ngĩrü da̱xawexü̃newa nangẽxmagu!

Echequié 18:6

Rü yíxema rü tama natanügu taxã i ngẽxguma togü ma̱xpǘnegüwa taxü̃ i õna naxügügu nax norü tupananetachicüna̱xãgüxü̃ yacua̱xüü̃güxü̃ca̱x. Rü tama nüxü̃́ tayaxõ i ngẽma Iraétanüxü̃arü tupananetagü. Rü yíxema rü tama tümamücüxü̃ tayapu̱xma̱x, rü tama tümama̱xmaxã tamaxü̃ ega ngẽxguma tümaarü da̱xawexü̃newa tangexmagu.

Lebítanüxü̃arü puracüchiga 20:11

Rü ngẽma nanatüma̱xmaxã ipexü̃, rü tama nanatüxü̃ nangechaü̃. Rü ngẽmaca̱x wüxicana tá peyama̱x i ngẽma yatüxü̃ rü ngẽma ngexü̃. Rü ngẽma taxre rü nagagutátama nayue.

1 Corintios 5:1

Rü duü̃xü̃gü nüxü̃ nixugügü rü wüxi i yatü i petanüwa rü naérücümaxãtama naxãxma̱x. Rü ngẽma nixĩ i pecadu i poraãcü chixexü̃chixü̃, rü woo ngẽma duü̃xü̃gü i tama yaxõgüxü̃tanüwa rü tama ngẽmaãcü namaxẽ.

Amúx 2:7

Rü chixri namaxã pecua̱xgü i ngẽma chixeparagüxü̃. Rü tama tümaétüwa pidexagü ya yíxema taxuxü̃ma tüxü̃́ ngẽxmagüxe. Rü ngẽma papa rü ngẽma nane rü wüxitama i ngexü̃maxã namaxẽ. Rü ngẽmaãcü penaxãũãchixẽxẽ i chauéga i üünexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:1

Rü Acóbu nane ga yacü rü Rubéü̃ nixĩ. Rü Rubéü̃ nanegü nixĩ ga Anóx, rü Falú, rü Eróü̃, rü Carmí. Natürü woo Acóbu nane ga yacü nax yixĩxü̃ ga Rubéü̃, rü tama nanayaxu ga yema nüxna üxü̃ naxca̱x nax nüxíraü̃cü ga nanatü nane yixĩxü̃, yerü wüxi ga nanatüma̱xmaxã namaxü̃. Rü yema Rubéü̃na üchiréxü̃ rü nai ga Acóbu nane ga Yúche nanegüwa naxüe.

Wenaxarü naxümatü ga Tupanaarü mugü 27:23

“Rü ngẽma duü̃xü̃ i na̱xẽmaxã maxü̃xü̃ rü chixexü̃wa nangẽxma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Wenaxarü naxümatü ga Tupanaarü mugü 27:20

“Rü ngẽma duü̃xü̃ i nanatü naxma̱xmaxã maxü̃xü̃, rü ngẽmaãcü nanatüxü̃ nachixexẽẽchiga, rü chixexü̃wa nangẽxma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Lebítanüxü̃arü puracüchiga 20:18

Rü ngẽxguma wüxi i yatü rü wüxi i nge i ngĩrü da̱xawexü̃newa ngẽxmacüxü̃ nacaxgu, rü naxü̃nearü ngúchaü̃ ngĩmaxã naxü̱xgu, rü ngĩxü̃́ ínanangegü i ngextá ngĩgü íxũxü̃wa. Rü ngĩmatama nixĩ i naxca̱x ínacuxuchixü̃. Rü ngẽmaca̱x i ngẽma taxre rü name nax wüxicana tá ínawoxü̃xü̃ i duü̃xü̃gütanüwa.

Naanearü ügüchiga 49:4

Natürü i ñu̱xma rü taxũtáma marü cuma nixĩ i cuenexẽgüétüwa cungexmaxü̃. Erü cuma rü ñoma yuape ya tacü ya taxucürüwama íyachaxãchixẽẽcürüxü̃ quixĩ rü chixexü̃ chomaxã cuxü ga yexguma cho̱xma̱xmaxã icupexgu”.

Naanearü ügüchiga 35:22

Rü yexguma marü yéma nayexmagu ga Iraé, rü nane ga Rubéü̃ rü nanatüma̱x ga Birámaxã ínape. Rü yexguma yemaxü̃ nacua̱xgu ga Iraé rü nanu.

Lebítanüxü̃arü puracüchiga 18:6

¡Rü taxuxü̃táma i wüxi i yatü rü wüxi ya ngexe ya natanüxü̃xüchi ixĩxẽ nüxü̃́ tangúchaü̃ nax tümamaxã namaxü̃xü̃ca̱x! Rü choma nixĩ i Iraétanüxü̃arü Cori ya Tupana chixĩxü̃.