Biblia Todo Logo
Bib sou entènèt

- Piblisite -




Echequié 21:26 - Tupanaarü Ore

26 Rü choma ya Cori ya Tupana rü ñachagürü: ‘Curü uanügü rü tá cuxna nanayaxu i ngẽma curü tüeruxü̃ rü tá cuxna nanapu i ngẽma curü nga̱xcueruxü̃. Rü guxü̃táma naxüchicüü. Rü ngẽma ñu̱xma ãẽ̱xgacügü ixĩgüxü̃ rü tá ínawoxü̃. Rü ngẽma ñu̱xma taxúema nüxü̃ cuáxchaü̃güxü̃ rü tá nüxí natachigagü. Rü choma ya Cori ya Tupana nixĩ i nüxü̃ chixuxü̃ i ngẽma.

Gade chapit la Kopi




Echequié 21:26
18 Referans Kwoze  

Rü guxü̃ma i ngẽma naigü i naanewa rüxügüxü̃ rü tá nüxü̃ nacua̱xgü nax choma chixĩxü̃ ya Cori ya Tupana. Choma rü chayadaxüchi i ngẽma nai i nügü írütaxü̃, rü chanayaxẽxẽ i ngẽma nai i nügü írüxíxraxü̃. Choma rü chanagüatüxẽxẽ i ngẽma nai i nügü írümetanüxü̃, rü wena chanaxüatüxẽxẽ i ngẽma nai i igüatüxü̃. Rü choma ya Cori ya Tupana nixĩ i pemaxã nüxü̃ chixuxü̃ rü ñu̱xũchi chayanguxẽẽxü̃ i ngẽma” —ñanagürü ga Cori ya Tupana.


Natürü nüma ya Tupana nixĩ ya aixcüma ãẽ̱xgacü ixĩcü rü nüma nixĩ i nangugüãxü̃ i wüxíechigüarü maxü̃. Rü tümaxe rü tüxü̃ naxãneexẽxẽ rü toguxe rü tüxü̃ nicua̱xüxü̃.


Cori ya Tupana rü Yeremíaxü̃ ñanagürü: —¡Ãẽ̱xgacümaxã rü naémaxã nüxü̃ ixu i ñaa ore: “¡Ipechigü i ngẽma perü tochicaxü̃wa rü ñaxtüanewamare perütogü! Erü marü taxũtáma ãẽ̱xgacügü pixĩgü, rü ngẽma perü nga̱xcueruxü̃ rü marü taxũtáma peeruwa nangẽxma”, ñanagürü.


Rü marü ínanawoxü̃ ga yema ãẽ̱xgacügü ga nügü icua̱xüü̃güxü̃. Natürü guxema duü̃xẽgü ga tama tügü icua̱xüü̃güxe, rü poraãcü tüxü̃ narüngü̃xẽxẽ.


Rü curaxü̃wa chayaxǘcuchi ga wüxi ga ãnera, rü cuchinüwa chananucu ga naxmachinügü, rü ñu̱xũchi cueruwa chayaxǘcuchi ga wüxi ga mexẽchixü̃ ga nga̱xcueruxü̃.


Rü yema pora ga noxri toxü̃́ yexmaxü̃ rü marü inarüxo. Rü ñu̱xma rü taxü̃ i ngechaxü̃wa tangexmagü yerü pecadu taxügü.


Rü gumá norü 12 ga tauemacüarü 27 ga ngunexü̃gu ga yexguma marü 37 ga taunecü napoxcugu ga Yudáanearü ãẽ̱xgacü ga Yoaquíü̃, rü yexguma nixĩ ga yexwacax yaxücuxü̃ ga Ebí-merodáx nax Babiróniaanearü ãẽ̱xgacü yixĩxü̃ca̱x. Rü nüma rü Yoaquíü̃maxã namecüma, rü poxcupataü̃wa ínananguxuchixẽxẽ. Rü mea nüxna nadau guxü̃ma ga yema togü ga ãẽ̱xgacügü ga Babiróniaanegu namaxã yexmagüxü̃arü yexera.


Rü yema Cadéugü ga churaragü rü ãẽ̱xgacü ga Chedequíaxü̃ niyauxgü. Rü ñu̱xũchi Babiróniaanearü ãẽ̱xgacüxü̃tawa nanagagü ga ĩane ga Ribáwa yexmacü ga Amáanewa. Rü yexma nixĩ ga Chedequíaxü̃ napoxcuxü̃ ga Nabucudonochó.


Rü name nixĩ i Cori ya Tupanape̱xegu pegü íperüxíragü. Rü nüma rü tá pexü̃ nicua̱xüxü̃ rü pexü̃ nataxẽxẽ.


Yerü nüma ga Micaía rü napatawa nüxü̃́ nayexma ga wüxi ga nachica ga naxchicüna̱xãgüxü̃mare nawa yacua̱xüüxü̃. Rü yema nachicawa rü nüxü̃́ nayexma ga toamachigü ga naxchicüna̱xãgü rü wüxi ga naxchiru ga chacherdótearü efóx ixĩxü̃. Rü ñu̱xũchi wüxi ga nanexü̃ naxuneta nax norü chacherdóte yixĩxü̃ca̱x.


Pa Babiróniacüã̱xgüx, ¡ẽcü nagu pexĩ i ngẽma perü yuügü ga ü̃pacürüwa nagu pemaxẽxü̃ nax ngẽmaãcü nüxü̃ pecuáxü̃ca̱x nax ta̱xacüwa pexü̃́ namexü̃ rü texéxü̃ tá namaxã ípeba̱i̱xgüxü̃ i ngẽma nax ẽxü̃guxü̃xü̃ pecuáxü̃!


Swiv nou:

Piblisite


Piblisite