Echequié 21:24 - Tupanaarü Ore

²⁴ Rü ngẽmaca̱x i choma ya Cori ya Tupana rü ñacharügü: “Chope̱xewa rü meama nango̱x i ngẽma perü chixexü̃gü rü ngẽma perü máetagü. Rü guxü̃ma ga yema pecadugü ga pexügüxü̃ rü meama nango̱x. Rü ngẽmaca̱x i perü uanügü rü tá pexü̃ ínayauxü̃.

Echequié 21:24 Referans Kwoze

Ochéa 4:2

Rü tamuxũchi ya natüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngexü̃maxã ipegüxü̃, rü nügü daixü̃, rü máetagüechaxü̃.

Echequié 24:7

Rü cumax, Pa Yerucharéü̃x, rü nagümaxã cunapa. Rü ngẽma duü̃xü̃gü i cuda̱i̱xü̃ rü tama waixü̃müanegu cunaba ya yimá nagü nax ngẽmaãcü waixü̃müte̱xe iyanaxoxẽẽxü̃ca̱x. Natürü nutaétügu cunaba nax ngẽmaãcü mea nangóxü̃ca̱x ya yimá nagü.

Yeremía 15:2

Rü ngẽxguma tá cuxna nacagügu ¿rü ngextá chi itaxĩxü̃? ñagügu, rü chauégagu tá ñacurügü nüxü̃: “Yíxema marü tümamaxã naxuegugüxe nax da̱xaweanemaxã tayuexü̃, rü da̱xaweanemaxã tá tayue. Rü yíxema marü tümamaxã naxuegugüxe nax daigu tayuexü̃ rü daigu tá tayue. Rü yíxema marü tümamaxã naxuegugüxe nax taiyamaxã tayuexü̃ rü tá taiyamaxã tayue. Rü yíxema marü tümamaxã naxuegugüxe nax ítawoxü̃xü̃ i ñaa nachixü̃anewa rü tá ítawoxü̃” —ñanagürü.

Yeremía 8:12

Rü name chi nax naxcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i nüxü̃ chixuxü̃ i ngẽma” —ñanagürü.

Yeremía 6:15

Rü name chi nax na̱xcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i cumaxã nüxü̃ chixuxü̃ i ngẽma —ñanagürü.

Yeremía 3:2

¡Rü dücax, mea nüxü̃ perüdaunü i ngẽma ngüchitaerugüxü̃ i íba̱i̱xchitaerugüxü̃! ¿Rü ngexü̃rüü̃xü̃ yixĩxü̃ ga tama tupananetachicüna̱xãgüxü̃ nawa picua̱xüü̃güxü̃? Rü ñoma ngexü̃ i Arábiaanecüã̱x i ngeãẽxü̃ i ínachianexü̃wa namacüwawa rütoxü̃ nax yatügüca̱x nadauxü̃ rü pema rü ngẽxgumarüxü̃ ta pixĩgü nax naxca̱x pedaugüxü̃ i ngẽma tupananetachicüna̱xãgü nax nüxü̃ picua̱xüü̃güxü̃ca̱x. Rü ñu̱xma nax choxna pixĩgachixü̃, rü perü chixexü̃maxã penapaxẽxẽ i perü naane.

Yeremía 2:34

Rü guxü̃wama cuxãũãchichiru tümagümaxã ya yíxema duü̃xẽ ya ingearü diẽruã́xẽ rü yíxema taxuxü̃ma i chixexü̃ ügüxe, rü yíxema i tama tümawa nüxü̃ cuyangauxe i ta̱xacürü chixexü̃ nax taxügüxü̃.

Ichaía 3:9

Rü ngẽma duü̃xü̃gü rü nachametüwatama nango̱xama nax chixexü̃ naxügüxü̃. Rü ngẽma duü̃xü̃gü rü Chodómacüã̱xgürüxü̃ norü pecadumaxã nügü nicua̱xüxü̃, rü tama naxãnee. Rü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃gü, erü nümagütama naxca̱x nadaugü i norü poxcu.

Echequié 21:23

Natürü nüma i ngẽma Yerucharéü̃cüã̱xgü rü tá nagu narüxĩnüe nax wüxi i doramare yixĩxü̃ i ngẽma nüxü̃ quixuxü̃. Erü nümagü rü tá nagu nayaxõgü i ngẽma uneta ga Babiróniaanearü ãẽ̱xgacümaxã naxügüxü̃. Natürü ngẽma Yerucharéü̃cüã̱xgü rü tama nayanguxẽxẽ i ngẽma uneta rü ngẽmaca̱x i nüma i Babiróniaanearü ãẽ̱xgacü rü tá ínanayauxü̃.

Echequié 21:25

Rü cumax, Pa Iraéanearü Ãẽ̱xgacüx, rü wüxi i máetaxü̃ quixĩ rü chixexü̃arü üruxü̃ quixĩ. Natürü marü nawa nangu i ngunexü̃ nax cupoxcuxü̃.

Echequié 23:23

Rü Babiróniacüã̱x, rü guxü̃ma i Cadéugü, rü Pecóxcüã̱xgü, rü Choácüã̱xgü, rü Coácüã̱xgü, rü Achíriaanecüã̱xgü tá cuxca̱x ínayachoõchi. Rü guxü̃ma i nümagü rü ningextü̱xü̱x rü nimechametü. Rü ãẽ̱xgacügü nixĩgü rü churaragüerugü nixĩgü rü churaragü i meama daixü̃ cuáxü̃ nixĩgü. Rü guxü̃ma i nümagü rü meama nüxü̃ nicua̱x nax cowarugu naxĩxü̃.